Urwibutso rw’urupfu rwa Yesu
Ku wa Gatandatu, tariki ya 12 Mata 2025
Buri mu mwaka, Abahamya ba Yehova bibuka urupfu rwa Yesu nk’uko yabitegetse, igihe yavugaga ati: “Mujye mukomeza gukora mutya munyibuka.”—Luka 22:19.
Turagutumiye ngo uzaze muri uyu munsi mukuru.
Ibibazo abantu bakunze kwibaza
Iyo gahunda imara igihe kingana iki?
Izamara isaha imwe.
Izabera he?
Baza Abahamya ba Yehova bo mu gace k’iwanyu bakurangire.
Ese iyo umuntu aje arishyura?
Oya.
Ese hari amaturo mwaka?
Oya.
Ese hari imyambaro runaka isabwa?
Nubwo nta myambaro runaka yagenewe uyu munsi mukuru, Abahamya ba Yehova bagerageza gukurikiza amahame yo muri Bibiliya abasaba kwambara mu buryo bwiyubashye kandi bushyize mu gaciro (1 Timoteyo 2:9). Si ngombwa ko imyenda yawe iba ihenze cyangwa yihariye.
Ku Rwibutso hakorwa iki?
Amateraniro aba ku munsi w’urwibutso, atangizwa kandi agasozwa n’indirimbo n’isengesho ritangwa n’Umuhamya wa Yehova. Ahanini aba agizwe n’ikiganiro gishingiye kuri Bibiliya gisobanura icyo urupfu rwa Yesu rutumariye n’ukuntu ibyo Imana na Kristo bakoze bishobora kutugirira akamaro.
Niba wifuza ibindi bisobanuro, reba ingingo ivuga ngo: “Kuki Abahamya ba Yehova bizihiza Ifunguro ry’Umwami rya Nimugoroba mu buryo butandukanye n’andi madini?”
Urwibutso rwo mu gihe kiri imbere ruzaba ryari?
Mu mwaka wa 2025: Ku wa Gatandatu, tariki ya 12 Mata
Mu mwaka wa 2026: Ku wa Kane, tariki ya 2 Mata
Ibindi wamenya
URWIBUTSO
Kwibuka urupfu rwa Yesu
Turagutumiye ngo uzaze kwifatanya natwe kwibuka urupfu rwa Yesu, nk’uko yabidutegetse. Menya uko ubuzima bwa Yesu n’urupfu rwe byakugirira akamaro.
INYIGISHO Z'IBANZE ZO MURI BIBILIYA
Kuki Yesu yapfuye?
Bibiliya ivuga ko urupfu rwa Yesu rudufitiye akamaro. Kuki yapfuye?