1.   Ni iyihe nteruro isobanura neza uko wiyumva?

   •  Sinyuzwe rwose n’uko meze.

   •  Hari igihe numva nyuzwe n’uko meze.

   •  Igihe cyose numva nyuzwe n’uko meze.

2.   Bigushobokeye, ni iki wumva wahindura ku mubiri wawe?

   •  Uko ureshya

   •  Ibiro

   •  Uko uteye

   •  Umusatsi

   •  Ibara ry’uruhu

   •  Ibigango

   •  Ibindi

3.   Uzuza interuro ikurikira:

    Numva ntanyuzwe n’uko nteye . . .

   •  iyo ngiye ku munzani.

   •  iyo nirebye mu ndorerwamo.

   •  iyo nigereranyije n’abandi (incuti, abanyamideri cyangwa ibyamamare muri za filimi).

4.   Uzuza interuro ikurikira:

    Nipima ibiro . . .

   •  rimwe ku munsi.

   •  rimwe mu cyumweru.

   •  incuro nke mu cyumweru.

5.   Ni ayahe magambo asobanura neza uko wiyumva?

   •  Kudashimishwa n’uko uteye. (Urugero: “buri gihe iyo nirebye mu ndorerwamo, mbona nkabije kubyibuha, mbese meze nk’igikoko. Nagerageje no kwiyicisha inzara kugira ngo ndebe ko nananuka.”​—Serena.)

   •  Gushyira mu gaciro. (Urugero: “ntituzigera tunyurwa mu buryo bwuzuye n’uko duteye. Icyo dusabwa ni ukwemera uko turi, kuko guhangayikishwa n’ikintu tudashobora kugira icyo dukoraho byaba ari ubupfapfa.”​—Natanya.)

 Bibiliya itubwira ko tutagomba kwitekerezaho ‘ibirenze ibyo tugomba gutekereza’ (Abaroma 12:3). Ku bw’ibyo, kwitekerezaho mu rugero runaka ni ngombwa kandi birakwiriye. Ni yo mpamvu woza amenyo kandi ukagira isuku.

 Ariko se byagenda bite mu gihe uhora ubabazwa n’isura, kugeza ubwo bigutesheje umutwe? Niba ari uko bimeze, ukwiriye kwibaza uti . . .

 Mu mpamvu zitandukanye zishobora kubitera, harimo:

•  Itangazamakuru. “Abakiri bato bahundagazwaho amafoto atuma bumva ko tugomba guhora tunanutse kugira ngo tube beza. Ibyo bituma twumva ko niba tutananutse turi babi.”​—Kellie.

•  Ababyeyi. “Nabonye ko iyo umubyeyi w’umugore atanyuzwe n’uko ateye, akenshi umukobwa we na we yiyumva atyo. Ni ko bishobora no kugenda ku mubyeyi w’umugabo n’umuhungu we.”​—Rita.

•  Kwisuzugura. “Abantu batanyurwa n’uko bateye, bakunda gusaba abandi kubabwira ibyiza babona ku isura yabo. Ibyo rwose bitesha umuntu umutwe!”​—Jeanne.

 Uko impamvu ituma utanyurwa n’isura yawe yaba iri kose, ushobora kwibaza uti . . .

 Dore icyo bamwe mu rungano rwawe babivugaho.

 “Kubera ko udashobora guhindura ibintu byose bitakunyuze ku mubiri wawe, byaba byiza wemeye uko uteye, ukemera inenge ufite. Ibyo bishobora gutuma abandi batanazibona.”​—Rori.

 “Kora uko ushoboye kugira ngo ugire ubuzima bwiza. Iyo ufite ubuzima bwiza, ugira isura ubusanzwe wagombye kuba ufite. Kandi niba umuntu adashobora kugukundira uwo uri we (aho kugukundira isura yawe), uwo ntazaba ari incuti yawe.”​—Olivia.

 Umwanzuro: Kora uko ushoboye kose kugira ngo ugire isura nziza, ubundi witurize. Guhangayikishwa bikabije n’isura yawe bishobora guteza akaga. (Reba  “inkuru ya Julia.”)

 Ku rundi ruhande, gushyira mu gaciro bizatuma wishimira isura yawe, nk’uko umukobwa witwa Erin yabivuze, agira ati “mu by’ukuri hari igihe numva ntanyuzwe n’isura yanjye. Ariko mbura amahoro ari uko gusa nibanze ku nenge mfite. Ubu nkora imyitozo ngororamubiri buri gihe kandi nkarya neza, ibindi bikizana.”

 Nushyira mu gaciro, ukirinda gukabya kwita ku isura yawe, uzabona ko burya uri mwiza. Bibiliya ishobora kubigufashamo. Idutera inkunga yo kwitoza gukora ibi bikurikira:

•  Kunyurwa: “Ibyiza ni ukwishimira ibyo dufite aho kwifuza ibindi, kuko ibyo nta cyo bimaze. Ni nko kwiruka inyuma y’umuyaga.”​—Umubwiriza 6:9, Contemporary English Version.

•  Gukora siporo ishyize mu gaciro: “Imyitozo y’umubiri igira umumaro muri bike.”​—1 Timoteyo 4:8.

•  Kugira ubwiza bw’imbere: “Abantu bareba ibigaragarira amaso, ariko Yehova we akareba umutima.”​—1 Samweli 16:7.

 “Mu maso hacu hagaragaza uko twiyumva. Iyo umuntu anyuzwe, abandi barabibona kandi bigatuma bamwishyikiraho.”​—Sarah.

 “Abantu bakunze guhita bakururwa n’uburanga. Ariko ikintu cy’ingenzi abantu bazasigara bakwibukiraho, ni ubwiza bwawe bw’imbere n’imico myiza yawe.”​—Phylicia.

 Reba no mu Migani 11:22; Abakolosayi 3:10, 12; 1 Petero 3:3, 4.