Masalmo 104:1-35
104 Umaso wanga mbusimbe Yahova.+
Yahova Mulungu wanga, imwe ndimwe wankulu kakamwe.+
Imwe mwabvala mbiri* na kubalika.+
2 Imwe mwakwata ceza+ mbamucifinika ninga nguwo;Musafuthula kudzulu ninga nguwo ya khumbi.*+
3 Imwe mwamanga mbuto inakhala imwe padzulu pa makole,+Imwe mwacitisa makole kukhala ngolo yanu ya nkhondo,+
Mbamufamba mʼmaphapido a mphepo.+
4 Imwe mwacitisa aanju anu kukhala amphambvu,*Pontho mwacitisa atumiki anu kukhala ninga moto wakufudza.+
5 Imwe mwalikhisa dziko yapantsi pa mbuto yayo;+Kwenda na kwenda iyo nkhabe kudzabuluswa* pa mbuto yayo.+
6 Imwe mwaigudumira na madzi akuzika ninga mwaigudumira na nguwo.+
Madzi abiza mapiri.
7 Pidasandika imwe, madzi athawa;+Madzi pidabva iwo kulira kwa njazi, athamanga mwakusowa cidikhiro
8 Mbaenda pa mbuto idasasanya imwe toera iwo akhalepo.Mapiri aruthuka,+ magowa mbaterera.
9 Imwe mwaikha madire toera iwo akhonde kuapiringana,+Toera iwo akhonde kubiza pontho dziko.
10 Imwe mwafungula mphuno za madzi nʼgowa;*Pontho iwo asawewa pakati pa mapiri.
11 Pinyama pyonsene pya ntsanga pisamwa madzi anewa;Maburu a ntsanga asamalisa nyota yawo na madzi anewa.
12 Mbalame zisamanga ntsandza zawo mʼmiti iri nʼkhundu mwa madzi;Izo zisalira pakati pa masamba akupata a miti ineyi.
13 Imwe musathirira mapiri kubulukira pa mbuto inakhala imwe.+
Dziko yapantsi yadzala na misapo ya mabasa anu.+
14 Imwe musameresa tsanga toera pinyama pidyePontho imwe musameresa pinthu toera anthu apiphatisire,+Toera mʼmataka mumere cakudya:
15 Vinyu yakuti isatsandzayisa ntima wa munthu,+Mafuta akuti asafewesa nkhope,Na nkate wakuti usapasa munthu* mphambvu.+
16 Miti ya Yahova isathirirwa mwadidi,Miti ya sedhro ya ku Libhano idatceka iye,
17 Yakuti mbalame zisamangamo ntsandza zawo.
Miti ya junipero ndi nyumba ya soliri.+
18 Mapiri akulapha ndi mbuto zinakhala mbuzi za mʼmapiri;+Miyala ndi mbuto yakuthawira ya mbira.*+
19 Imwe mwacita mwezi toera upangize midzidzi;Dzuwa isadziwa mwadidi ndzidzi unafunika iyo kudoka.+
20 Imwe musabweresa cidima kunja mbakukhala masiku,+Ndzidzi wakuti pinyama pyonsene pya ntsanga pisabuluka.
21 Nkhalamu zingʼono zisalira mu ndzidzi unasodza izo,+Pontho zisadikhira cakudya cinafuna kupaswa izo na Mulungu.+
22 Dzuwa ingabuluka,Izo zisaenda kagona mʼmadzimba mwazo.
23 Munthu asaenda kaphata basa yace,Pontho iye asaphata basa mpaka dzuwa kudoka.
24 Yahova, mabasa anu ndi mazinji kakamwe!+
Imwe mwacita mabasa anu onsene mwaudziwisi.+
Dziko yapantsi yadzala na pinthu pidacita imwe.
25 Yangʼanani bara, ndi yakuzika, pontho ndi ikulu kakamwe,Iyo yadzala na pinthu pyakukhonda kulengeseka pya umaso, pikulu na pingʼono pyene.+
26 Mabote asapita na mwenemo,Pontho mwacita Leviatani*+ toera isendzeke mwenemo.
27 Pinthu pyenepi pyonsene pisanyindira imweToera mupipase pyakudya pa ndzidzi wakuthema.+
28 Ipyo pisadya pinapipasa imwe.+
Mungafungula djanja yanu, ipyo pisakhuta na pinthu pyadidi.+
29 Mungabisa nkhope yanu, ipyo pisadzudzumika.
Mungabulusa mphambvu yawo ya umaso, ipyo pisafa mbapibwerera ku pfumbi.+
30 Mungatumiza nzimu wanu wakucena, ipyo pisacitwa,+Imwe musapereka umaso upswa pa dziko yapantsi.
31 Mbiri ya Yahova inakhala kwenda na kwenda.
Yahova anatsandzaya na mabasace.+
32 Iye asayangʼana dziko yapantsi, iyo mbitetemera;Iye asakhuya mapiri, iwo mbabuluka utci.+
33 Ndinadzaimbira Yahova+ mu umaso wanga onsene;Ndinadzaimba nyimbo toera kusimba Mulungu wanga mu ndzidzi unakhala ine mʼmaso.+
34 Manyerezero anga mbakhale akutsandzayisa kuna iye.
Ine ndinakomerwa thangwi ya Yahova.
35 Anyakudawa anadzazambazika pa dziko yapantsi,Pontho anyakucita pyakuipa nee anadzaonekabve.+
Umaso wanga mbusimbe Yahova. Simbani Yahova.*
Pidzindikiro Pyapantsi
^ Peno: “cilemedzo.”
^ Peno: “nsasa.”
^ Peno: “mizimu yamphambvu.”
^ Peno: “kudzatekenyeka.”
^ Peno: “uwadhi.”
^ Fala na Fala: “ntima wa munthu.”
^ Ndi cinyama cakulandana na sulo cakuti cisakhala mʼmiyala.
^ Peno: “Ngʼona.” Onani Mabvekero a Mafala Anango.
^ Peno: “Aleluya!” Fala na Fala: “Yah.” Yah ndi dzina ya Yahova ingalembwa mwacigwagwa.
