Masalmo 18:1-50
Kuna nyakutsogolera nyimbo. Nyimbo ya Dhavidhi wakuti ndi ntumiki wa Yahova, ule adaimbira Yahova mafala a nyimbo ino pa ntsiku idapulumuswa iye na Yahova mʼmanja mwa anyamalwa ace onsene na mʼmanja mwa Sauli. Iye alonga:+
18 Ine ndisakufunani, imwe Yahova, mphambvu yanga.+
2 Yahova ndi mwala wanga, citsidzikizo canga na mpulumusi wanga.+
Mulungu ndi mwala wanga,+ kule kunathawira ine;Iye ndi xango yanga na mpulumusi wanga wamphambvu,* pakuthawira panga pakutsidzikizika.*+
3 Ndiri kucemera Yahova, wakuti athema kusimbwa,Pontho ine ndinadzapulumuswa mʼmanja mwa anyamalwa anga.+
4 Nkhambala zinabweresa kufa zandizungulira;+Amuna akuipa ninga nkulo wakudzala na madzi andithusa.+
5 Nkhambala za Nthumbi* zandizungulira;Kufa kwateya nsampha kutsogolo kwanga.+
6 Mu nyatwa zanga ine ndacemera Yahova,Ndapitiriza kuphemba ciphedzo kuna Mulungu wanga.
Iye abva fala yanga kubulukira mu templo yace,+Pontho makutu ace abva nʼkhuwo wanga wakuphemba ciphedzo.+
7 Buluka penepo, dziko yapantsi yatoma kutekenyeka mbitetemera;+Pinthu pinalikhisa mapiri pyatekenyekaPontho pyasukusika thangwi iye akhadaipirwa.+
8 Mʼmphuno mwace mwabuluka utci,Pontho nkanwa mwace mwabuluka moto wakufudza;+Mwa iye mwabuluka makala a moto.
9 Iye apendamisa kudzulu mbatcita,+Pontho makole akupswipa akhali pantsi pa manyalo ace.+
10 Iye akwira kerubhi mbabwera nakumburuka.+
Iye abwera mwakucimbiza kakamwe mʼmaphapido a anju.*+
11 Buluka penepo iye aphimbirika na cidima,+Mbacikhala ninga nsasa nʼkhundu mwace monsene,Pakhali madzi a cidima na makole akupswipa.+
12 Pa ceza cikhali patsogolo pacePabuluka matalala na makala a moto mʼmakole.
13 Buluka penepo Yahova atoma kudhima kudzulu;+Mulungu Wankulu Kakamwe acitisa kuti fala yace ibveke.+Na miyala mikulu ya matalala na makala a moto.
14 Iye aponya mapswimo ace mbaabalalisa;+Iye aponya njazi zace, iwo mbamala ndzeru.+
15 Mule munapita na madzi mwaoneka pakweca;+Padatoma dziko yapantsi paoneka thangwi ya kusandika kwanu, imwe Yahova,Pontho thangwi ya mphambvu ya muya unabuluka mʼmphuno mwanu.+
16 Iye afuthula djanja yace bulukira kudzulu;Iye andiphata mbandibulusa mʼmadzi akuzika.+
17 Iye andipulumusa mʼmanja mwa nyamalwa wanga wamphambvu,+Andipulumusa kuna ale akhandiida, akuti akhali amphambvu kupiringana ine.+
18 Iwo abwera kuna ine pa ntsiku ya nyatwa zanga,+Mbwenye Yahova andiphedza.
19 Iye andiendesa pa mbuto ya citsidzikizo;*Iye andipulumusa thangwi akhakomerwa na ine.+
20 Yahova asandipasa nkhombo mwakubverana na ulungami wanga;+Iye asandipasa nkhombo thangwi manja anga nkhabe mulando.*+
21 Thangwi ine ndisapitiriza kufamba munjira za Yahova,Pontho ine nee ndacita cinthu cakuipa, cakuti ndi kusiya Mulungu wanga.
22 Matongero ace onsene ali mʼmanyerezero mwanga;Ine nee ndinapwaza mitemo yace.
23 Ine ndinapitiriza kukhala wakusowa mulando pamaso pace,+Pontho ndinacalira pyakuipa.+
24 Yahova mbandipase nkhombo mwakubverana na ulungami wanga,+Pontho mwakubverana na kusowa kwanga mulando pamaso pace.+
25 Kuna munthu wakukhulupirika, imwe musacita pinthu mwakukhulupirika;+Kuna munthu wakusowa mulando, imwe musantsalakana mwakusowa mulando;+
26 Kuna anthu akucena, musapangiza kuti ndimwe wakucena,+Mbwenye kuna anyakunyengeza, imwe nkhabe nyengezwa.+
27 Thangwi imwe musapulumusa anthu akucepeseka,*+Mbwenye imwe musacepesa anthu akudzikuza.*+
28 Thangwi ndimwe Yahova anandigasira nyale yanga;Mulungu wanga asandimwanikira ndingakhala ncidima.+
29 Na ciphedzo canu, ine ndinakwanisa kumenyana na nsoka wa anyakutapata;+Na mphambvu za Mulungu, ine ndinakwanisa kukwira mpanda.+
30 Njira ya Mulungu wandimomwene ndi yakulungama;+Mafala a Yahova ndi akucena.+
Iye ndi xango kuna onsene anathawira kuna iye.+
31 Mbani Mulungu kusiyapo Yahova?+
Pontho mbani mwala kusiyapo Mulungu wathu?+
32 Mulungu wandimomwene ndi ule anandipasa mphambvu,+Pontho iye anadzalungamisa njira yanga.+
33 Iye asacitisa miyendo yanga kukhala ninga ya mbawala;Iye asandicitisa kulimira mʼmbuto za padzulu.+
34 Iye asapfundzisa manja anga toera kumenya nkhondo;Mikono yanga inakwanisa kukunga uta wa nkuwa.
35 Imwe musandipasa xango yanu yacipulumuso,+Djanja yanu yamadyo isandiphedza,*Pontho kucepeseka kwanu kusandikuza.+
36 Musakuza njira inapita na mathanyo anga;Manyalo anga* nee anadzatherezeka.+
37 Ndinadzatowera anyamalwa anga mpaka kuagumana;Ine nee ndinadzabwerera mpaka kuapha onsene.
38 Ine ndinadzaanyedza toera iwo akhonde kulamuka;+Iwo anadzagwa pantsi mbandiaponda.
39 Imwe munadzandipasa mphambvu toera kumenya nkhondo;Munadzagwisa anyamalwa anga pamaso panga.+
40 Imwe munadzacitisa kuti anyamalwa anga andithawe;*Pontho ine ndinadzapha* ale anandiida.+
41 Iwo asaphemba ciphedzo, mbwenye nkhabepo anafuna kuapulumusa;Asaphemba Yahova, mbwenye iye nkhabe kuatawira.
42 Ine ndinadzaapeya mpaka kukhala ninga pfumbi inamburuswa na mphepo;Ndinadzaataya ninga matope a mʼmiseu.
43 Imwe munadzandipulumusa mʼmanja mwa anthu a mbumba yanga angandipambizira.+
Munadzandikhazikisa toera ndikhale ntsogoleri wa madzindza;+
Ndinadzatumikirwa na mbumba inakhonda ine kudziwa.+
44 Basi ene angabva pya ine, iwo anandibvera.Anthu a dziko inango anadzandigodamira thangwi yakugopa.+
45 Anthu a dziko inango anadzaluza cipapo;*Iwo anadzabwera mbakatetemera buluka mʼmbuto zawo za citsidzikizo.
46 Yahova ali mʼmaso! Mbusimbwe Mwala wanga!+
Mbakuzwe Mulungu wacipulumuso canga.+
47 Mulungu wandimomwene asabwezera pyakuipa anyamalwa anga;+Iye asacitisa kuti anthu akhale pantsi pa manyalo anga.
48 Iye asandipulumusa mʼmanja mwa anyamalwa anga akuipirwa.Imwe musandiikha padzulu pa ale anamenyana na ine;+Musandipulumusa mʼmanja mwa munthu wakuipa.
49 Na thangwi ineyi, ine ndinadzakupasani mbiri imwe Yahova pakati pa madzindza,+Pontho ine ndinaimba nyimbo zakusimba dzina yanu.+
50 Iye asacita pinthu pizinji toera kupulumusa mambo wace;+Iye asapangiza ufuni wakukhonda mala kuna nyakudzodzwa wace,+Kuna Dhavidhi na anace kwenda na kwenda.*+
Pidzindikiro Pyapantsi
^ Fala na Fala: “nyanga yanga yacipumuluso.” Onani Mabvekero a Mafala Anango, “Nyanga.”
^ Peno: “mbuto yakuthawira ya pa nthunda.”
^ Peno: “Seoli,” ndi kumasiye kunaikhwa anthu onsene. Onani Mabvekero a Mafala Anango.
^ Peno: “maphapido a mphepo.”
^ Peno: “pa mbuto ikulu.”
^ Fala na Fala: “thangwi manja anga ndi akucena.”
^ Peno: “ale anathabuka.”
^ Fala na Fala: “maso akudzikuza.”
^ Peno: “isanditsidzikiza.”
^ Peno: “mphundupundu.”
^ Peno: “Imwe munadzandipasa misana ya anyamalwa anga.”
^ Fala na Fala: “ndinadzamatamisa.”
^ Peno: “anadzathowa.”
^ Fala na Fala: “mbeu.”
