Kodi Mulungu Ali na Madzina Mangasi?
Ntawiro wa Bhibhlya
Mulungu ali na dzina ibodzi basi. Iyo isalembwa יהוה Mucihebheri, pontho Ncisena yathumburuzwa kuti “Yahova.” a Kubulukira kuna mprofeta Izaiya, Mulungu alonga: “Ine ndine Yahova. Ineyi ndi dzina yanga.” (Izaiya 42:8) Dzina ineyi isagumanika m’maulendo cifupi na 7.000 m’mipukutu yakale ya Bhibhlya. Dzina ineyi isagumanika maulendo mazinji kakamwe kupiringana fala inango inaphatisirwa toera kulonga Mulungu peno dzina ya munthu unango analongwa m’Bhibhlya. b
Kodi Mulungu ali na madzina anango?
Maseze Bhibhlya isacemera Mulungu na dzina ibodzi basi, iyo isaphatisirambo pidzo pizinji toera kuncemera. Ndandanda inatowera isapangiza kuti cidzo cibodzi na cibodzi cisapangiza tani makhaliro a Yahova, pontho uunthu wace.
Cidzo |
Panagumanika Ico |
Mabvekero Aco |
|---|---|---|
Allah |
(Nkhabepo) |
Fala ya Ciarabhe yakuti “Allah” si dzina tayu, mbwenye ndi cidzo cakuti cisabveka “Mulungu.” Mabhibhlya a Ciarabhe na a pilongero pinango asaphatisira fala yakuti “Allah” toera kulonga “Mulungu.” |
Wamphambvu Zonsene |
Iye ali na mphambvu zizinji. Fala Yacihebheri yakuti ʼEl Shad·daiʹ, “Mulungu Wamphambvu Zonsene,” isagumanika maulendo manomwe m’Bhibhlya. |
|
Alfa na Omega |
“Wakutoma na wakumalisa,” peno “kutoma na kumalisa.” Mafala anewa asabveka kuti kusiyapo Yahova nee kwaoneka Mulungu unango Wamphambvu Zonsene, pontho nkhabepo unango anadzalandana na iye. (Izaiya 43:10) Alfa na omega ndi letra yakutoma na yakumalisa ya alfabheto Yacigerego. |
|
Ule Wakuti Alipo Kutomera Kale Kakamwe |
Iye nee ali na matomero; alipo kubulukira kale kakamwe peno mbakudzati kuoneka nee cinthu cibodzi.—Masalmo 90:2. |
|
Nciti |
Ndiye adacita pinthu pyonsene. |
|
Baba |
Nyakupasa umaso. |
|
Mulungu |
Wakuthema kulambirwa; Wamphambvu kakamwe. Fala Yacihebheri yakuti ʼElo·himʹ isaphatisirwa toera kulonga pinthu pizinji. Natenepa isapangiza kuti Yahova ndi wankulu, wakuthema peno wa cidzo cikulu. |
|
Mulungu wa alungu |
Iye ndi Mulungu wankulu angalandaniswa na “alungu akuswa basa” analambirwa na anango.—Izaiya 2:8. |
|
Mpfundzisi Wankulu |
Iye asapasa pipfundziso na pitsogolero pyakufunika.—Izaiya 48:17, 18. |
|
Nciti Wankulu |
Ndiye adacitisa kuti pinthu pyonsene pikhaleko.—Apokalipse 4:11. |
|
Mulungu Wakutsandzaya |
Iye asadziwika ninga Mulungu wakukomerwa na wakutsandzaya.—Masalmo 104:31. |
|
Nyakubva phembero |
Iye asabva phembero ibodzi na ibodzi inacitwa kuna iye mwacikhulupiro. |
|
Ine Ndine Ine Ene |
Eksodo 3:14, Biblya Chisena |
Iye asakhala pyonsene pinafuna iye toera kukwanirisa cifuniro cace. Mafala anewa asathumburuzwambo munjira iyi: “Ndinadzakhala pinafuna ine kukhala.” (Bhibhlya ya Dziko Ipswa) Njira ineyi yakuthumburuza isaphedza toera kufokotoza mabvekero a dzina yakuti Yahova inalongwa pa vesi inatowera.—Eksodo 3:15. |
Mulungu wa ntcanje |
Eksodo 34:14, Biblya Chisena |
Anamulambira asafunika kulambira iye basi. Mafala anewa asathumburuzwambo kuti: “iye nkhabe kutawira ulambiri wakugawika.”—Bhibhlya ya Dziko Ipswa. |
Mambo wakwenda na kwenda |
Utongi wace nkhabe matomero, pontho nkhabe mamalisiro. |
|
Mbuya |
Mwanaciro; Mucihebheri ndi ʼA·dhohnʹ na ʼAdho·nimʹ. |
|
Wakudzulu Kakamwe |
Ndi wankulu kakamwe kupiringana pyonsene. |
|
Wakucena Kakamwe |
Iye ndi wakucena kakamwe kupiringana pinthu pinango pyonsene. |
|
Nyakuumba |
Iye ali na mphambvu kuna anthu peno kuna madzindza ninga pinacita nyakuumba dongo.—Aroma 9:20, 21. |
|
Muomboli |
Iye apulumusa peno agula pontho anthu ku madawo na kufa kubulukira ku ntsembe ya ciomboli ya Yezu Kristu.—Juwau 3:16. |
|
Mwala |
Iye ndi mbuto yakuthawira yakutsidzikizika, pontho asapulumusa. |
|
Mpulumusi |
Asapulumusa mu ngozwi peno pakufudzwa. |
|
Nkumbizi |
Asatsalakana ale anamulambira. |
|
Mbuya Wankulu Kakamwe |
Iye ndi ntongi wankulu kakamwe; Mucihebheri ndi ʼAdho·naiʹ. |
|
Wankulu Kakamwe |
Ndi ntongi wankulu kakamwe wa pinthu pyonsene. |
|
Madzina a mbuto m’Malemba Acihebheri |
Mbuto zinango zinalongwa m’Bhibhlya ziri na dzina ya Mulungu, mbwenye anewa nee ndi madzina anango a Mulungu. |
Dzina ya Mbuto |
Panagumanika Iyo
Mabvekero Ayo
Yahova-Yaire |
Dzina ineyi isabveka: “Yahova Anadzapasa.” |
|
|---|---|---|
Yahova-Nisi |
Dzina ineyi isabveka: “Yahova ndi Mulongoti wa Cidzindikiro Canga.” (Bhibhlya ya Dziko Ipswa) Yahova ndi Mulungu wakuti mbumba yace inakwanisa kuenda kuna iye toera kagumana citsidzikizo na ciphedzo.—Eksodo 17:13-16. |
|
Yahova-Salomi |
Dzina ineyi isabveka: “Yahova Ndi Ntendere.” |
Thangwi yanji tisafunika kudziwa na kuphatisira dzina ya Mulungu?
Mulungu asaona kuti dzina yace yakuti Yahova ndi yakufunika. Na thangwi ineyi iye acitisa kuti ilembwe m’Bhibhlya maulendo mazinji.—Malakiya 1:11.
Mwana wa Mulungu, Yezu, mwakubwereza-bwereza apangiza kufunika kwa dzina ya Mulungu. Mwacitsandzo, iye acita phembero iyi kuna Yahova: “Dzina yanu mbiceneswe.”—Mateu 6:9; Juwau 17:6.
Kudziwa dzina ya Mulungu na kuiphatisira ndi cinthu cakutoma toera kukhala pa uxamwali na Yahova. (Masalmo 9:10; Malakiya 3:16) Uxamwali unoyu usacitisa munthu kukhala na pikiro iyi ya Mulungu: “Nakuti iye asandifuna kakamwe, ine ndinadzampulumusa. Ine ndinadzantsidzikiza thangwi iye asadziwa dzina yanga.”—Masalmo 91:14.
Bhibhlya isalonga: “Alipo anacemerwa alungu kudzulu peno pa dziko yapantsi, thangwi alipo ‘alungu’ azinji na ‘ambuya’ azinji.” (1 Akorinto 8:5, 6) Ngakhale tenepo, iyo isapangiza pakweca dzina ya Mulungu wandimomwene, Yahova.—Masalmo 83:18.
a Anyakudziwisa anango Acihebheri asakomerwa kuphatisira fala yakuti “Yahweh” toera kulonga dzina ya Mulungu.
b Dzina ya Mulungu yakulembwa mwacigwagwa yakuti, “Yah,” isagumanika m’Bhibhlya. (Masalmo 68:4) Dzina ineyi yakulembwa mwacigwagwa isagumanikambo pa fala yakuti “Aleluya,” yakuti isabveka “Simbani Yah.”—Apokalipse 19:1.
Panango Munakomerwa Kudziwa Ipi
PYA IFE
Phembani Toera Mucedzerwe
Cedzani pinalonga Bhibhlya, peno pfundzani pizinji thangwi ya Mboni za Yahova.