Na lango 28 ti mai ngu 2023, a sigi na Bible: Mbeti ti Matthieu na yanga ti Assamais na ngoi ti mbeni kota bungbi so a sara ni na Duliajan, so ayeke na gbata ti Assam na Inde. Azo kue so aga lani ayeke 279. Na peko ti so a sigi na ni, a kangbi ti so a imprimé ni na azo so aga nga a zia ti format électronique ni na ndö ti site ti tene azo atéléchargé.

Yanga ti Assamais, so a iri ni nga Asomiya, ayeke yanga ti kodro so a sara kua na ni mingi na Assam, so ayeke na mbage ti nord-est ti Inde. A iri azo ti kodro ti Assam, a-Asomiya. A hinga ala mingi ndali ti thé ti kodro ti ala nga ndali ti yambango agene.

A formé kozo groupe ti yanga ti kodro ti Assamais na ngu 2009. Ti londo na ngu ni so ti ga na ni, wungo ti awafango tënë ayeke gue na li ni yeke yeke. Ngu oku na pekoni, na 2014, a zia gere ti kozo congrégation ni na sese, na Duliajan. Laso, acongrégation miombe ayeke sara bungbi na yanga ti Assamais, na awafango tënë ni kue ayeke 162.

A yeke sara kua mingi na atraduction ti Bible use na yanga ti Assamais. Me, a yeke ngangu na awafango tënë ti diko atraduction ni so nga ti mä yâ ni ndali ti so a sara kua na angbene fason ti sarango tënë. Fini traduction ti Évangile ti Matthieu so ayeke facile ti diko ni.

E yeke sûr so aita ti e ti koli na ti wali, nga na ambeni zo so aye ti hinga Tënë ti Nzapa, ayeke ga ande nduru na Jéhovah nga ayeke nzere na ala ti diko mbeti ti Matthieu na yanga ti Assamais.—Néhémie 8:12.