Tongana mo yeke mbeni Témoin ti Jéhovah, eskê a yeke possible ti tene mo imaginé so azo ti lapolice la amû mo ague na mo da na da ti gue ti fa tënë ti Nzapa na azo? A yeke ye so asi na Joseph na ngu 2017, na kodro ti Micronésie. Lo na ambeni Témoin ti Jéhovah ota ague lani na yâ ti ambeni kete zoa ti sara mbeni kapa ti fango tënë ti Nzapa so ayeke nde.

 A si na midi tongaso, ala si na mbeni kete zoa ni so azo 600 tongaso la ayeke na yâ ni. Mokonzi-gbata ti zoa ni la ayamba ala na temps so ala si na yanga ti ngu ti zoa ni. Joseph afa ye so asi na pekoni, lo tene: “Mokonzi-gbata ni atene so oto ti azo ti lapolice la ayeke gue na e na ada kue so ayeke na yâ ti kodro ni. Li ti e akpe na tënë so lo tene so, me na nengo lo e fa na lo so e ye ape. E ye ti gue ti fa tënë na azo tongana ti so e yeke sara ka.”

 Joseph na amba ti lo angbâ akomanse ti tambela na gere ti gue, ala leke na bê ti ala ti fa tënë na gbâ ti azo. Ala tene: “Azo ni ayamba e nzoni nga ala mä tënë ti Nzapa so e fa na ala, ye so asara si e ninga na ada oko oko ahon ti so e pensé na ni.”

 A si na mbeni l’heure, mbeni oto ti lapolice ahon Joseph fani use na lege, na ti fani ota ni, ala ngbâ aluti. Ala hunda lo wala eskê lo ye ti tene ala gue na lo na ada so ade lo si dä ape? Joseph atene: “Mbi tene ên-ën, me ti so ni so ala kue ake na mbi ala tene: ‘A ngbâ na mo temps mingi ape ti tene mo kiri, tongaso e yeke gue na mo na tanga ti ada so angbâ.’ Ti so ni so mbi peut ti ke encore ape ndali ti so gbâ ti ada angbâ so ade mbi si dä ape. Na temps so e na ala e gue si e ga nduru na mbeni da, ala yeke fa na mbi kota iri ti azo so alango na da ni nga ala yeke tene na mbi so tongana mbi pika yanga-da si zo azi ape, ala yeke pete klaxon ti oto ti ala ti tene azo ti da ni asigi.”

 “Grâce na aide ti ala, e wara lege ti fa tënë ti Nzapa na ada ti kodro ni kue na lango ni so. E kangbi gbâ ti ambeti na azo nga e leke ti kiri ti ga ti bâ ala so aye ti hinga ambeni ye encore mingi na ndö ni.”

 Azo ti lapolice ni atene na Joseph so “anzere na ala mingi ti fa tënë ti Nzapa na azo.” Na temps so Joseph na amba ti lo ni aquitté ndo ni ti kiri na lakui, azo ti lapolice ni so ayeke na yanga ti ngu ti zoa ni asara maboko na ala na ngia na yanga ti ala na ambeti ti Nzapa so ala gbu na maboko ti ala.