Eskê aprophétie so asara tënë na ndö ti Messie afa so Jésus la ayeke Messie ni?
Kiringo tënë ti Bible
En. Na ngoi so Jésus ayeke lani na sese, lo sara si gbâ ti aprophétie na ndö ti “Messie, Zo so amû li ni,” lo so lo yeke “Sauveur ti dunia” aga tâ tënë (Daniel 9:25; 1 Jean 4:14). Nga même na peko ti kuâ ti lo, Jésus angbâ ti sara si aprophétie so a tene na ndö ti Messie aga tâ tënë.—Psaume 110:1; Kusala 2:34-36.
Nda ti iri “Messie” aye ti tene nyen?
Tënë ti Hébreu so atene Ma·shiʹach (wala Messie) so na yanga ti Grec ayeke Khri·stos (wala Christ) aye ti tene “Zo so a soro lo.” Tongaso, iri “Jésus Christ” aye ti tene “Jésus Zo so a soro lo,” wala “Jésus Messie ni.”
Ândö, mingi ni a yeke tuku mafuta na li ti mbeni zo ti soro lo ti sara mbeni kua so ayeke nde (Lévitique 8:12; 1 Samuel 16:13). Nzapa asoro Jésus ti ga Messie, so ti tene lo mû na lo mbeni kota ndo (Kusala 2:36). Me, a hon ti tene a tuku mafuta na li ti Jésus, Nzapa asoro lo na lege ti yingo vulu.—Matthieu 3:16.
Eskê azo mingi apeut ti sara si aprophétie na ndö ti Messie aga tâ tënë?
Ên-ën. Empreinte ti mbeni zo apeut gï ti mû lege ti hinga gï zo ni awe. Legeoko nga, aprophétie ti Bible aga tâ tënë gï na ndö ti Messie oko, wala Christ oko. Me, Bible atene so “aChrist ti wataka nga na aprophète ti wataka ayeke londo, na ala yeke sara ande akota fä nga na aye ti kpene si, tongana lege ayeke dä, ala handa même azo so a soro ala.”—Matthieu 24:24.
Eskê Messie ni ayeke si ande na yâ ti angoi so ayeke ga?
Ên-ën. Bible atene so Messie ni ayeke mbeni hale ti David, so ayeke lani Gbia ti Israël (Psaume 89:3, 4). Me, a hinga ndo so laso mbeti so a sara na lê ni molongo ti ahale ti David ayeke dä ape; a doit ti buba ni na ngoi so aRomain amû lani gbata ti Jérusalem na ngu 70 ti ngoi ti e. a Depuis na ngoi ni so, a yeke possible encore ape ti tene mbeni zo afa so ni yeke mbeni hale ti David. Na ngoi ti Jésus lani, mbeti ni so ayeke dä, na même awato ti Jésus ake na Jésus ape so lo yeke mbeni hale ti David.—Matthieu 22:41-46.
Aprophétie ti Bible oke la asara tënë na ndö ti Messie?
A yeke ngangu ti hinga wungo ti aprophétie kue ti Bible so asara tënë na ndö ti Messie. Na tapande, fason ti dikongo wungo ti aprophétie ni apeut ti duti nde nde, même tongana a yeke polele so aversê ni asara tënë ti Messie. Atënë so ayeke na Ésaïe 53:2-7 afa aprophétie mingi so andu Messie. Ambeni zo apeut ti bâ aversê ni kue tongana prophétie oko la, me ambeni zo apeut ti diko ambage ti aversê ni nde nde tongana aprophetie so ayeke nde nde.
Ambeni prophétie na ndö ti Messie so aga tâ tënë na ndö ti Jésus
Prophétie ni |
A wara ni na |
Gango tâ tënë ni |
|---|---|---|
Lo yeke hale ti Abraham |
||
Lo yeke hale ti Isaac molenge ti Abraham |
||
A dü lo na yâ ti mara ti Juda (Israël) |
||
Lo yeke mbeni hale ti Gbia David |
||
Mbeni wali so ade ti hinga koli ape la ayeke dü lo |
||
A yeke dü lo na Bethléhem |
||
A yeke iri lo na iri ti Emmanuel b |
||
A dü lo na yâ ti mbeni sewa so ayeke na moyen ape |
||
A fâ akete molenge na peko ti so a dü lo |
||
A yeke iri lo ti sigi na Égypte |
||
A yeke iri lo zo ti Nazareth c |
||
Mbeni watokua ayeke hon kozo na lo |
||
A soro lo ti ga Messie na ngu 29 ti ngoi ti e d |
||
Nzapa ayeke fa so lo yeke Molenge ti lo |
||
Tënë ti da ti Nzapa agbu bê ti lo mingi |
||
Lo yeke fa nzoni tënë |
||
Kua ti fango tënë ti lo na Galilée ayeke su tongana kota lumière |
||
Lo yeke sara amiracle tongana ti Moïse |
||
Lo yeke fa apensé ti Nzapa, tongana ti so Moïse asara lani |
||
Lo yeke sava gbâ ti azo na kobela |
||
Lo yeke gi ti gboto lê ti azo na ndö ti lo ape |
||
Lo yeke bâ mawa ti azo so ayeke bâ pasi |
||
Lo yeke fa fango ngbanga ti mbilimbili ti Nzapa |
||
Lo yeke Zo ti mungo wango ti ndara |
||
Lo yeke fa iri ti Jéhovah na azo |
||
Lo yeke fa ye na lege ti atapande |
||
Lo yeke Zo so amû li ni |
||
Mingi ti azo ayeke mä na bê na lo ape |
||
Lo yeke mbeni tênë so zo ayeke pika gere ti lo dä |
||
Mingi ti azo ayeke ke lo |
||
A yeke ke lo senge senge |
||
Lo yeke lï na Jérusalem tongana mbeni gbia na ndö ti kororo |
||
Amolenge ayeke gonda lo |
||
Lo yeke ga na iri ti Jéhovah |
||
Mbeni kamarade ti lo ayeke kä lo |
||
A yeke kä lo teti alê ti nginza ti argent 30 e |
||
Akamarade ti lo ayeke dö lo azia |
||
A yeke bi ande tënë ti mvene na ndö ti lo |
||
Lo yeke zi yanga pëpe na azo so abi tënë na li ti lo |
||
A yeke tuku ngu ti yanga na lê ti lo |
||
A yeke pika li ti lo |
||
A yeke pika lo na zaza |
||
Lo yeke sara ye oko ape na azo so apika lo |
||
Akota zo ti komande ayeke mä terê ti ke lo |
||
A yeke pika amaboko ti lo nga na gere ti lo na ndö ti keke |
||
Azo ayeke bi mbeni ye ti mû lege na ala ti bâ wala bongo ti lo ayeke ga ti zo wa |
||
A yeke diko lo na popo ti azo ti kengo ndia |
||
A yeke he lo nga a yeke zonga lo |
||
Lo yeke bâ pasi ndali ti awasiokpari |
||
Na bango ni mo bâ mo tene Nzapa ake lo awe |
||
A yeke mû vinaigre nga na sengo ye na lo ti nyon |
||
Kozo si lo kui nzara ti ngu ayeke sara lo |
||
Lo yeke zia yingo ti lo na maboko ti Nzapa |
||
Lo yeke mû fini ti lo na kuâ |
||
Lo yeke mû fini ti lo tongana ye so a futa ti zi siokpari ti azo |
||
A yeke kungbi mbeni bio ti lo oko ape |
||
A yeke kpo lo |
||
A yeke lu lo na popo ti azo ti mosoro |
||
A yeke zingo lo na kuâ |
||
A yeke soro mbeni zo na place ti zo so akä lo |
||
Lo duti na mbage ti maboko ti Nzapa ti koli |
a Mbeni mbeti atene: “Kite ayeke dä ape so, mbeti so a sû molongo ti amara ti aJuif nga na ti sewa ti ala dä agirisa na ngoi ti futingo ti Jérusalem, me a girisa kozo na ngoi ni so ape.” (Cyclopedia ti McClintock na Strong)
b Iri ti yanga ti Hébreu so atene Emmanuel so ndani atene “Nzapa ayeke na e” afa pendere mingi kua so Jésus ayeke na ni ti sara tongana Messie. Gango ti lo na sese nga na aye so lo sara afa so Nzapa ayeke na azo ti Lo.—Luc 2:27-32; 7:12-16.
c Na bango ni, tënë “Nazareth” alondo na mbeni tënë ti Hébreu so ayeke neʹtser so ndani aye ti tene “fini keke.”
d Ti hinga ngbanga ti nyen la a tene ngu 29 ti ngoi ti e ayeke ngu so Messie ni asi, bâ article so atene “Prophétie ti Daniel afa tënë ti gango ti Messie.”
e A yeke wara prophétie so na yâ ti mbeti ti Zacharie, me Matthieu so asû mbeni mbage ti Bible atene so a fa tënë ni so “na lege ti prophète Jérémie.” (Matthieu 27:9). Parfois a yeke zia lani mbeti ti Jérémie kozo na popo ti mbage ti Mbeti ti Nzapa so a iri ni “ambeti ti aProphète.” (Luc 24:44). Na bango ni, Matthieu asara kua na tënë “Jérémie” ti sara tënë ti mbage ti mbeti ti Nzapa so, so na popo ni a yeke wara nga mbeti ti Zacharie.
Bâ nga
AYE SO BIBLE AFA
Yeda ti tene e manda Bible na mo
Yeda ti tene mbeni zo amanda Bible na mo senge senge.