Singila mingi na mo so mo mû ngoi ti mo ti bâ atënë ti yâ ti brochure so, so amû lege na mo ti hinga aTémoin ti Jéhovah ayeke azo wa, ti hinga akusala ti e nga ti bâ tongana nyen bungbi ti e ayeke sara kua. E pensé so brochure so amû maboko na mo ti hinga so na ngoi ti e laso e yeke azo so ayeke sara ye so Jéhovah aye. E wa mo ti ngbâ lakue ti manda ye na ndö ti Nzapa, ti fa ni na afami nga na akamarade ti mo, na e wa nga mo ti ga lakue na abungbi ti e.​—aHébreu 10:23-25.

Na mandango ye mingi na ndö ti Jéhovah, mo yeke bâ so lo ye mo mingi. Ye so ayeke pusu mo ti sara kue ti fa na lo so mo nga kue mo ye lo (1 Jean 4:8-10, 19). Me mo yeke fa ni na yâ ti dutingo ti mo tongana nyen? Ngbanga ti nyen ti sara ye ague oko na ye so lo hunda ayeke ndali ti nzoni ti mo? Nga, nyen la ayeke mû maboko na mo ande ti sara ye so lo ye tongana ti so e yeke sara nga? A yeke nzere ande na ita so ayeke manda Bible na mo ti tene mo na lo agi akiringo tënë ni tongaso si mo na sewa ti mo alingbi ti “ngbâ na yâ ti ndoye ti Nzapa . . . si ala wara fini ti lakue lakue.”​—Jude 21.

E wa mo mingi ti ngbâ lakue ti kono hingango ye ti mo na ndo ti tâ tënë na mandango buku so “Zia ala ngbâ na yâ ti ndoye ti Nzapa”.