Na vendredi lango 24 ti février 2023, bira ti Ukraine ayeke sara ngu oko. Ti gue oko na ambeni sango, aturugu 300 000 tongaso ti Ukraine na ti Russie la akui wala awara kä nga bira ni afâ azo 30 000. Me, wungo ni apeut ti hon so.

 Ye ti mawa ni ayeke so, e hinga ape lawa la bira ni ayeke hunzi.

•   “Presque ngu oko na peko ti so aturugu ti Russie alï na Ukraine, ye oko afa ape so bira ni ayeke hunzi fafadeso. Na bango ni, a yeke ngangu ti fa mbage wa la ayeke sö benda ande na yâ ti bira ni, nga a yeke ngangu ti tene ambage ni use kue aduti amä terê.”—NPR (National Public Radio), 19 février 2023.

 Vundu asara azo mingi ndali ti pasi so bira ni nga na ambeni bira ni aga na ni na ndö ti azo na yâ ti dunia kue so asara ti ala ye oko ape. Beku wa la Bible amû? Eskê mbeni lâ bira ayeke hunzi ande?

 Bible asara tënë ti mbeni bira so ayeke sö ande azo, me a yeke futi ala ape. A iri bira ni so Harmaguédon, a fa ni tongana “bira ti kota lâ ti Nzapa, Lo so ngangu ti lo ahon angangu kue.” (Apocalypse 16:14, 16). Na lege ti bira ni so, Nzapa ayeke futi ande agouvernement ti azo so aga na gbâ ti abira so abuba aye. Ti hinga tongana nyen la bira ti Harmaguédon ayeke ga ande na tâ siriri, diko a-article so:

•   “Qu’est-​ce que la bataille d’Armaguédon ?”

•   “Harmaguédon ayeke mbeni nzoni tënë”