Na yâ ti dunia kue, ndo achauffé mingi ahon ti kozo asara si azo ayeke bâ pasi ndali ni nga ndali ti ye ti peko ni. Bâ ambeni sango na ndö ni:

•   “Depuis so azo akomanse ti sara rapport na ndö ti chauffengo ndo na yâ ti dunia kue so asara ngu 174 tongaso awe, gï nze ti juin ti ngu 2023 so la ndo achauffé mingi ahon atanga ni.”—National Oceanic and Atmospheric Administration, U.S. Department of Commerce, 13 juillet 2023.

•   “Ndo achauffé mingi na Italie, Espagne, France, Allemagne nga na Pologne. Na azoa ti Sicile nga na ti Sardaigne, température ti ndo ni apeut ti si ande 48° celsuis. A peut ti duti ande température ti ndo so achauffé mingi ahon atanga ni so a yeke enregistré ni na Europe.”—European Space Agency, 13 juillet 2023.

•   “So ndo achauffé mingi, e yeke bâ ande so ngu-nzapa ayeke pika ngangu nga fani mingi na ayeke sara si ngu asuku amû ndo.”—Stefan Uhlenbrook, director of hydrology, water and cryosphere at the World Meteorological Organization, 17 juillet 2023.

 Eskê mara ti asango tongaso ayeke sara si mo gi bê ti mo? Bâ ye so Bible atene na ndö ti kpengba tënë so.

 En. Chauffengo ti ndo na yâ ti dunia kue nga ambeni ye so asara si angu asuku amû ndo mingi ayeke mbage ti aye so Bible afa kozo awe so ayeke si na ngoi ti e. Na tapande, Jésus atene kozo awe so e yeke bâ “ye ti ziango mbeto na bê ti zo,” wala “aye ti kpene.” (Luc 21:11; Mbeti ti Nzapa, Tënë so amu fini). So ndo achauffé mingi ahon ti kozo asara si mingi ti azo asara mbeto so azo ayeke buba ande sese.

 Ên-ën. Nzapa acréé lani sese ti tene aga ndo ti e si e ngbâ dä teti lakue lakue; lo yeke zia ande lege pëpe na azo ti futi ni (Psaume 115:16; Zo-ti-fa-tene 1:4). Ti tâ tënë ni, lo mû zendo ti “futi azo so ayeke futi sese.”—Apocalypse 11:18.

 Bible afa so Nzapa ayeke na ngangu ti bata sese si angbâ nzoni na lo yeke sara ni ande.

•   ‘Nzapa asara si kota pupu ni akaï, na amapo ti ngu-ingo ni adë ngii.’ (Psaume 107:29). Nzapa ayeke na ngangu na ndö ti aye tongana ngu nga na pupu. Lo peut ti leke akpale so chauffengo ndo aga na ni so asara si azo ayeke bâ pasi.

•   “Mo bâ lege ti sese nzoni, mo sara si aye alë dä gbani nga sese ni ayeke na anzoni ye mingi.” (Psaume 65:9). Na lege ti tufa ti Nzapa, sese ayeke ga ande paradis.

 Ti hinga ye mingi na ndö ti zendo so Nzapa amû ti tene sese akiri aga paradis, bâ article “Qui sauvera la terre ?”