Kpale ti kobela ti li ayeke na yâ ti dunia kue
“Mbi yeke gi bê ti mbi lakue, même si mbi yeke gï mbi oko na yâ ti da.”
“Tongana terê ti mbi anzere mingi, mbi yeke gi bê ti mbi. Mbi hinga so, nyen na nyen, ye so ayeke ga na pekoni ayeke kota vundu.”
“Mbi gi ti zia li ti mbi na ndö ti ye oko. Me parfois, gï brusque tongaso mbi yeke gi bê ti mbi na ndö ti aye mingi.”
A yeke atënë so azo so abâ pasi na kobela ti li atene la. Eskê mo wala mbeni zo so mo ye lo ayeke na mara ti kpale so?
Hinga so mo oko la mo yeke na kpale so ape. Kobela ti li asara ngangu na ndö ti azo mingi laso, atâa ayeke ala wani wala azo so ala ye ala.
Kite ayeke dä ape so, e yeke vivre na yâ ti “angoi ti akpale so ayeke ngangu na zo ti kanga bê na yâ ni” so ayeke ga na aye ti vundu mingi (2 Timothée 3:1). Mbeni gingo nda ti ye afa so, na yâ ti dunia kue, tongana a mû azo miombe zo oko tongaso ayeke na kobela ti li. Na ngu 2020, ndali ti COVID-19 asara si 26 pourcent ti azo mingi agi bê ti ala ahon ti ngu 2019, nga 28 pourcent ti azo mingi ayeke na ngangu dépression ahon ti ngu 2019.
A yeke kota ye ti hinga wungo ti azo so ayeke bâ pasi na dépression. Me, a yeke nga kota ye ti tene mo nga na azo so mo ye ala asentir terê ti ala bien ahon ti kozo.
Ti duti na kobela ti li ape aye ti tene nyen?
Tongana mbeni zo ayeke na kobela ti li ape, lo yeke sentir terê ti lo bien nga lo yeke na ngia. Lo peut ti hon ndö ti agingo bê ti lo, lo sara kua nzoni nga gigi anzere na lo.
Kobela ti li . . .
-
AYEKE PËPE ndali ti so zo awoko wokongo.
-
AYEKE kobela so asara si zo ayeke gi bê, lo gbu li nzoni ape, sentiment ti lo nga na sarango ye ti lo ayeke changé changengo.
-
Mingi ni, a peut ti sara si ayeke ngangu na zo ni ti sara kamarade nga ti hon ndö ti agingo bê.
-
Même si ngu ti mbeni zo, culture ti lo, mara ti lo, bungbi ti Nzapa ti lo, lo hinga mbeti wala pëpe, lo yeke na nginza wala pëpe, kobela ni apeut ti sara lo.
Gi ti wara mungo maboko ndali ti kobela ti li
Tongana sarango ye ti mbeni zo achangé gï hio tongaso, lo lango nzoni ape, lo te ye nzoni ape, lo yeke gi bê ti lo wala lo sara vundu mingi; peut-être, lo bezoin ti bâ mbeni docteur ti aidé lo ti hinga nda ti changement ni so nga tongana nyen la a peut ti leke kpale ni. Me na ndo wa la lo peut ti wara mungo maboko?
Mbeni koli so ayeke na ndara mingi ahon azo kue, so ayeke Jésus Christ, atene: “Azo so ayeke na nzoni terê ayeke na bezoin ti wanganga pëpe, me gï azo ti kobela.” (Matthieu 9:12). Ala so ayeke na kobela si adocteur asoigné ala, a peut ti bâ so asigne ti kobela ni adiminué na a-aidé ala ti sara kua nzoni nga ti duti na ngia na yâ ti gigi ti ala. A yeke na lege ti ndara ti gi ti tene a soigné mo hio tongana mo bâ so asigne ti kobela ni aga ngangu nga angbâ ti gue na li ni. a
Atâa so Bible ayeke mbeni mbeti ti santé ape, atënë ni apeut ti sara nzoni na seni ti e. E wa mo ti bâ a-article so ayeke ga na peko so afa tongana nyen la Bible apeut ti aidé e ti hon ndö ti kobela ti li.
a Tour ti Ba Ndo ayeke fa pëpe mbeni mbilimbili kode ti kaïngo na kobela. A yeke na zo oko oko ti bâ akode ti kaïngo na kobela ni nzoni kozo ti mû desizion.
Bâ nga
AKOTA FANGO YE TI BIBLE
Ngbanga ti nyen la Nzapa azia si azo abâ pasi?
Gbâ ti azo ayeke hunda ngbanga ti nyen la kengo terê nga na pasi ahon ndö ni tongaso na yâ ti dunia. Bible amû na e mbeni nzoni kiringo tënë ni so adë bê ti zo.
ALA LANGO PËPE!
Wungo ti amaseka so ayeke na kpale ti kobela ti li ague na li ni mingi: Bible atene nyen na ndö ni?
Bible amû anzoni wango ti aidé amaseka so ayeke na kpale ti kobela ti li.
ASANGO NA NDÖ TI E
Hunda ti tene a ga a bâ mo
Gi ti wara réponse na mbeni hunda na ndö ti Bible, wala gi ti hinga ye mingi na ndö ti aTémoin ti Jéhovah.
