ඒ සිද්ධීන් දෙකෙන්ම තේරෙන්නේ මොනවා හරි දේකට පුරුදු වුණොත් ඒක නිරායාසයෙන්ම වෙනවා කියන එක නේද?

ඔයාගේ ජීවිතේ හොඳ පුරුදු ඇති කරගන්න ඔයාත් කැමතිද? සමහරවිට වැඩිපුර ව්‍යායාම කරන්න, හොඳ නින්දක් ලබන්න, ඔයා ආදරය කරන අය එක්ක වැඩිපුර වෙලාවක් ඉන්න වගේ හොඳ පුරුදු ඇති කරගන්න ඔයාත් කැමති ඇති.

අනිත් අතට සිගරට් බොන එක, කඩචෝරු කන එක, ඕනෑවට වඩා කාලයක් ඉන්ටනෙට් එකේ ඉන්න එක වගේ නරක පුරුදු අතහරින්න ඕනෙ කියලත් ඔයාට හිතෙනවා ඇති.

නරක පුරුදු අතහරින එක ලේසි නැහැ තමයි. ඒක හරියට සීතල දවසක ඇඳට වෙලා හොඳට ගුලිගැහිලා නිදාගන්නවා වගෙයි, ඇඳට යන එක ලේසි වුණත් ඇඳෙන් බහින එක නම් ලේසි නැහැ.

එහෙමනම් නරක පුරුදු අතහැරලා හොඳ පුරුදු ඇති කරගන්න ඔයාට පුළුවන් කොහොමද? බයිබලයේ තියෙන ප්‍රතිපත්ති මත පදනම් වුණු යෝජනා තුනක් ගැන බලන්න.