Alamete aana batinye manna callimma amaddino; qoleno duuchu mannira addu jaali noonsakkiha lawannonsa. Mitu fayyimmate agarooshshi egennaammi yitanno garinni, togoo hedo gargadha dandiinanniti mitte doogo, woloota kaaꞌlate.

•   “Qarrantinore kaaꞌla, heeshshonke gumu noota assitanno; hattono callimmanna jaalu dinoe yitanno hedo gargadhate kaaꞌlitanno.”—U.S. National Institutes of Health.

 Qullaawu Maxaafi, woloota kaaꞌlate maa assa dandiineemmoro xawise kulannonke. Qullaawu Maxaafi amaale loosu aana hosiisanke callimma gargadhate kaaꞌlitannonke.

 Shaqqado ikki. Mannu ledo xaadde hasaawatto faro hasiꞌri. Noohere wolootaho beehi. Hatto assattoha ikkiro, roore anga mannu assoottore naadanno; tini qolte jaalooma kaajjishshanno.

•   Qullaawu Maxaafi biddishsha: “Mannaho uuyye; insano uyitannoꞌne.”​—Luqaasi 6:38.

 Woloota kaaꞌlate wolqakki uyi. Qarru giddo noore kaaꞌlatto doogo hasiꞌri. Tenne giddo mite, insa hasaaphitanno woyite mararrotenni macciishsha woy duhansa shaashshannore mitore assine kaaꞌla ikkitara dandiitanno.

•   Qullaawu Maxaafi biddishsha: “Jaalu woꞌmanka woyite jaalaholla.”—Lawishsha 17:17.

 Mannu ledo dancha aante heedhannohe gede assiꞌra dandaatto gara ledde afate, “Maatete Heeshshonna Jaalooma” yaanno birxicho lai.