GAFA 5
Lowo Lolahi Yannara Maganu Yiinore Macciishshituri Ayeooti? Macciishsha Gibburina?
Nohi yannahu rooriidi manni bunshe assannoho. Kalaqo 6:5
Addaaminna Heewani ooso iltu, mannuno uullate aana batiꞌranni haꞌri. Yannate gedensaanni mite mite sokkaano Sheexaanu assinte gede finqiltu.
Tini sokkaano uullara dagge meento adhate yite mannu maala uddidhu. Kuni meenti mannunni baxxitinore kaajjaddanna wolqaataamma ooso ili.
Hakkiinnino alamete aana bunshe assanno manni woꞌmi. Qullaawu Maxaafi togo yaanno: “Hakkawaro mannu bunshe uullate aana batidhino; wodanisi hedo baalanti ayeewoteno bunshete widira higge dooꞌinote.”
Nohi Maganu yiinore macciishshe markaawe seekkino. Kalaqo 6:13, 14, 18, 19, 22
Hakkawaro Nohi yinannihu danchu manchi no. Yihowa busha manna lowo lolahinni huneemmo yee Nohira kulisi.
Qoleno Nohi markaawete yinannita lowo yowolo seekke maatesinna babbaxxitino saada markaawete giddora eessanno gede kulisi.
Nohi, daanno Lolahinni gatanno gede manna qorowisiisirono insa kayinni dimacciishshitino. Hatteentenni mitu manni osoꞌlisi, wolu kayinni giwisi.
Nohi markaawe seekke gudi gedensaanni saada giddora eessi.
