O ai Igoa o le a Tusia i “le Tusi o le Ola”?
Le Tali a le Tusi Paia
O le “tusi o le ola,” lea e taʻua foʻi o le “tusi tāʻai o le ola” po o le “tusi e faamanatu ai i ona luma,” o loo iai igoa o tagata o ē o le a maua le meaalofa o le ola e faavavau. (Faaaliga 3:5; 20:12; Malaki 3:16) E filifilia lelei e Ieova na igoa, e faavae i le faamaoni ma le usiusitaʻi o se tagata iā te ia.—Ioane 3:16; 1 Ioane 5:3.
O loo manatua pea e Ieova ana auauna faamaoni taʻitoʻatasi e pei o loo ia tusia o latou igoa i se tusi, talu mai “le faavaeina o le lalolagi.” (Faaaliga 17:8) E foliga mai o Apelu le uluaʻi auauna faamaoni, na tusia lona igoa i le tusi o le ola. (Eperu 11:4) E lē na o le faia o se lisi o igoa, ae o le tusi o le ola e faaalia ai o Ieova o ia o le Atua alofa ʻo lē e silafia ona lava tagata.’—2 Timoteo 2:19; 1 Ioane 4:8.
Pe mafai ona tapē ese se igoa mai i “le tusi o le ola”?
Ioe e mafai. Na fetalai le Atua e uiga i tagata lē usiusitaʻi o le nuu o Isaraelu: “O lē ua agasala mai iā te aʻu, ou te soloiesea o ia mai i laʻu tusi.”(Esoto 32:33) Ae pe a tatou tumau faamaoni, o le a tumau ona iai o tatou igoa i “le tusi tāʻai o le ola.”—Faaaliga 20:12.
E te Ono Fiafia Foʻi
TALIINA O FESILI FAALE-TUSI PAIA
Le Auala e Mafai ai Ona e Ola e Faavavau
Ua folafola mai i le Tusi Paia o i latou e faia le finagalo o le Atua e mafai ona ola e faavavau. Manatunatu i mea e tolu o loo Ia finagalo ia tatou faia.
UIGA O MAU
Le Uiga o le Ioane 3:16—“Ona o le Alofa Tele o le Atua i le Lalolagi”
Na faapefea ona faailoa mai e Ieova le Atua lona alofa iā i tatou, ma lona finagalo ia tatou ola e faavavau?
LE OLOMATAMATA
E Faapefea Ona E Mautinoa i le Faamoemoe mo Ē ua Maliliu?
E lua māfuaaga mautinoa o loo taʻua i le Tusi Paia e tatou te talitonu ai i le toetū.
TALIINA O FESILI FAALE-TUSI PAIA
O le ā le Toetū?
E te ono maofa iā i latou o le a toe faatutūina mai i le lumanaʻi.
AʻOAʻOGA A LE TUSI PAIA
Faataʻitaʻi Ona Suʻesuʻe le Tusi Paia
Ia faataʻitaʻi le suʻesuʻeina o le Tusi Paia e aunoa ma se totogi faatasi ma se faiaʻoga.