O le ā le Manatu o le Tusi Paia?
Pe e taliina e le Atua tatalo uma?
PE E TE MANATU E NA TE . . .
Taliina tatalo a tagata uma
Taliina tatalo a nisi tagata
Lē taliina se tatalo
LE MANATU O LE TUSI PAIA
“E latalata Ieova iā i latou uma . . . e valaau atu iā te ia ma le faamaoni.”—Salamo 145:18.
O Ā NISI MEA E TATOU TE AʻOAʻOINA MAI I LE TUSI PAIA?
E teena e le Atua tatalo a i latou e fouvale iā te ia. (Isaia 1:15) Peitaʻi, e mafai ona latou “faaleleia la [latou] faiā” ma Ia e ala i le suia o o latou ala.—Isaia 1:18.
Ina ia taliina e le Atua se tatalo, e tatau ona ōgatusa ma ana tapulaa o loo i le Tusi Paia.—1 Ioane 5:14.
Pe e tatau ona tatou faia ni gaoioiga patino pe a tatalo?
E MANATU NISI e tatau ona tootuli, punou, pe tuufaatasi lima pe a tatalo. Ae o le ā sou manatu?
LE MANATU O LE TUSI PAIA
E talia e le Atua tatalo a i latou e ʻnonofo i lalo’, ʻtutū i luga’, “faō” pe “tootuli.” (1 Nofoaiga a Tupu 17:16; 2 Nofoaiga a Tupu 30:27; Esera 10:1; Galuega 9:40) E lē o talosaga mai o ia e tatau ona tatou faia se gaoioiga patino pe a tatalo.
ISI MEA E TATOU TE AʻOAʻOINA MAI I LE TUSI PAIA
E faafofoga le Atua i tatalo a ē lotomaulalo.—Salamo 138:6.
E mafai ona e tatalo i so o se gagana pe faia foʻi se tatalo lē leoa.—2 Nofoaiga a Tupu 6:32, 33; Neemia 2:1-6.
E te Ono Fiafia Foʻi
TALIINA O FESILI FAALE-TUSI PAIA
Aiseā e Teena ai e le Atua Nisi Tatalo?
Iloilo po o ā ituaiga tatalo e lē tali mai i ai le Atua ma ituaiga tagata e lē faafofoga mai i ai le Atua.
