O le ā le Manatu o le Tusi Paia?
Pe e faapogaia e le Atua mafatiaga?
O le ā lau tali?
Ioe
Leai
Atonu
Le manatu o le Tusi Paia
“E mamao lava i le Atua moni ona faia o se mea leaga, ma Lē e ona le malosi uma lava ona faia o se mea e lē tonu!” (Iopu 34:10) E lē faapogaia e le Atua mea leaga ma mafatiaga o loo tatou vaaia i le lalolagi.
Isi mea e tatou te aʻoaʻoina mai i le Tusi Paia
O Satani le Tiapolo “le pule o le lalolagi,” o ia le pogai autū o mafatiaga.
—Ioane 14:30. O mafatiaga ma mea leaga, e masani ona māfua mai i filifiliga leaga e faia e tagata.
—Iakopo 1:14, 15.
Po o le a faaiʻuina mafatiaga?
E manatu nisi e mafai e tagata ona aveesea mafatiaga e ala i a latou taumafaiga tuufaatasi, ae e manatu nisi e itiiti se avanoa e mafai ona vave suia ai le lalolagi i se tulaga lelei. Ae o le ā sou manatu?
Le manatu o le Tusi Paia
O le a aveesea e le Atua mafatiaga. “E lē toe iai se oti, po o se faanoanoa, po o se tagiauē, e lē toe iai foʻi se tigā.”
Isi mea e tatou te aʻoaʻoina mai i le Tusi Paia
O le a faaaogā e le Atua Iesu e aveesea mafatiaga na faapogaia e le Tiapolo.
—1 Ioane 3:8. O le a nonofo filemu tagata e faia le mea saʻo i le lalolagi seʻia oo i le faavavau.
—Salamo 37:9-11, 29.
E te Ono Fiafia Foʻi
A'OA'OGA FAALE-TUSI PAIA
Aiseā ua Lē Taofia ai e le Atua Mafatiaga?
E toʻatele o loo tuufesili pe aiseā ua faatumulia ai le lalolagi i feitagaʻi ma mafatiaga. Ua aumaia e le Tusi Paia tali faamalieloto ma faamāfanafanaina ai.
