“E faapea foʻi ona tatau i tane ona alolofa atu i a latou avā e pei o o latou lava tino. O le tane e alofa i lana avā, e alofa o ia iā te ia lava, auā e leai se tane e ita i lona lava tino, ae e na te fafaga ma faapelepele i ai . . . Ia taʻitasi outou ma alofa i lana lava avā e pei ona ia alofa iā te ia lava.”

Efeso 5:28, 29, 33

“O outou tamā foʻi, aua le faatigā loto i a outou fanau, ae ia tausia pea i latou i aʻoaʻiga ma apoapoaʻiga a Ieova.”

Efeso 6:4

“A o le avā, ia matuā faaaloalo o ia i lana tane.”

Efeso 5:33

“O outou avā, ia gauaʻi i a outou tane, auā o le mea lea e tatau i le Alii.”

Kolose 3:18

“Le fanau e, ia usiusitaʻi i o outou mātua e tusa ma le finagalo o le Alii, auā o le mea tonu lea e ao ona fai. ‘Ia e āva i lou tamā ma lou tinā,’ o le poloaʻiga muamua lea ua iai le mea ua folafolaina: ‘Ina ia e manuia ai ma e ola umi ai i le lalolagi.’”

Efeso 6:1-3

“O outou le fanau, ia usiusitaʻi i o outou mātua i mea uma lava, auā o le mea lea e finagalo malie i ai le Alii.”

Kolose 3:20