Faataoto 30:1-33
30 O le feʻau tāua o loo i upu a Akuru le atalii o Iake, lea na ia fai atu iā Itielu, o Itielu atoa ma Ukala.
2 Ua sili ona ou valea nai lo o se isi lava,+Ma e lē o iā te aʻu le malamalama lea e tatau ona iai i se tagata.
3 Ou te leʻi aʻoaʻoina le atamai,Ma ou te leʻi mauaina le poto o Lē e Sili Ona Paia.
4 O ai ua afio aʻe i le lagi ma toe afio ifo?+
O ai na faapotopotoina le matagi i ona alofilima uma e lua?
O ai na afīfī le vai i lona ofu tele?+
O ai na faavaeina* tuluʻiga uma o le lalolagi?+
O ai lona suafa ma o ai le igoa o lona alo, pe afai ua e iloa?
5 O afioga uma a le Atua e mamā.+
O ia o le talita i ē e sulufaʻi atu iā te ia.+
6 Aua le faaopoopoina se upu i ana afioga,+Ina neʻi aʻoaʻia oe e ia,Ma taʻupepeloina ai oe.
7 E lua mea ou te talosaga atu ai iā te oe.
Aua e te taofia mai iā te aʻu manū ou te leʻi oti.
8 Ia faamamao ese mai iā te aʻu le lē tautala saʻo ma le pepelo.+
Aua e te tuu mai iā te a‘u le mativa po o le mau‘oa.
Ia ou ʻai tau lava o meaʻai e tatau mo aʻu,+
9 Ina neʻi oʻu maʻona ma ou faafitia oe ma faapea ane, “O ai ea Ieova?”+
Aua fo‘i neʻi oʻu mativa ma gaoi ai ma faalumaina* ai le suafa o loʻu Atua.
10 Aua e te faia tala taufaaleaga e faatatau i se auauna i lona matai,Ina neʻi fetuu o ia iā te oe, ma e nofosala ai.+
11 E iai le tupulaga e faamalaia i o latou tamāMa lē faamanuia i o latou tinā.+
12 E iai le tupulaga ua mamā i o latou lava manatu+Ae e leʻi faamamāina mai i a latou mea leaga.*
13 E iai le tupulaga ua matuā faasausili o latou mataMa ua matuā faamaualuluga o latou mata!+
14 E iai le tupulaga o o latou nifo o pelu iaMa o latou auvae o naifi ia;E latou te ‘aina ē e faatauvaa i le lalolagiMa ē e matitiva mai i le fanau a tagata.+
15 E lua afafine o le aluka* ua alalaga, “Aumai! Aumai!”
E tolu mea e lē faamalieina,O mea e fā ua lē fai mai, “Ua lava!”
16 O le Tuugamau*+ ma le manava ua lē fanau,O le laueleele e leai ni vai,Ma le afi ua lē faapea mai, “Ua lava!”
17 O mata ua tauemu i le tamā ma ʻinoʻino e usiusitaʻi i le tinā,+E sali ese e oreva o le vanu,*Ma e aai ai tamaʻi aeto.+
18 E tolu mea e faigatā tele mo aʻu,*O mea e fā ou te lē malamalama i ai:
19 O le ala o le aeto i le lagi,O le ala o le gata i luga o le papa,O le ala o se vaa i le vasaloloa,Ma le ala o se tane i se tama‘ita‘i talavou.
20 O le ala lenei o le fafine mulilua:
Ua ʻai o ia ma solo lona gutu;Ona ia faapea ane lea, “E leai saʻu mea sesē ua faia.”+
21 E tolu mea ua gatete ai le lalolagi,Ma o mea e fā ia ua lē mafai ona ia onosaia:
22 Pe a pule se pologa o se tupu,+Pe a ‘ai faaatuatuvale se tagata valea,
23 Pe a fai se fafine inosia* ma avā a se tasi,Ma pe a suia* e le auauna teine le tulaga o lona matai fafine.+
24 E fā nisi o meaola e sili ona ninii i le lalolagi,Ae ua fananau mai ma lo latou atamai:*+
25 O loi e lē o ni meaola e malolosi,*Ae e latou te sauniunia a latou meaʻai i le tau māfanafana.+
26 O sefanai*+ e lē o ni meaola e malolosi,*Ae e latou te faia o latou fale i le papa.+
27 O sē akerise+ e leai so latou tupu,Ae e ō atu i latou uma i se auala maopoopo.*+
28 O le pili moo+ e pipii i ona vae,Ma ua alu atu i le maota o se tupu.
29 E tolu meaola e mata‘ina le auala e feoaʻi ai,E fā mea e mata‘ina i le vaai a o gaoioi:
30 O le leona, e sili lona malosi i manu uma,E lē solomuli mai i luma o se tasi;+
31 O le taʻifau tuli manu;* o le ʻoti poʻa;Ma le tupu o loo faatasi ma lana ʻautau.
32 Afai ua e faasilisilia ma le valea oe lava+Po ua e fuafua e faia faapea,Ia tuu lou lima i lou gutu.+
33 Auā e pei ona maua le pata pe a viliina le suāsusu,Ma sau le toto pe a oomi le isu,E faapena fo‘i ona tupu le misa pe a oso le ita.+
Faamatalaga Pito i Lalo
^ Epe., “faatūina.”
^ Po o le “osofaʻia.”
^ Epe., “i o latou otaotavale.”
^ O se ituaiga o anufe e ola i le vaivai e na te mitiia le toto pe a pipii i le tino o se tagata po o se manu.
^ Po o “Seoli.” Tagaʻi i le Uiga o Upu.
^ Po o le “ālia.”
^ Po o le “e matuā ofoofogia iā te aʻu.”
^ Po o le “e lē alofagia.”
^ Po o le “faoa.”
^ Po o le “Ae ua sili ona latou atamamai.”
^ Epe., “e lē o se nuu e malosi.”
^ Epe., “e lē o se nuu e malosi.”
^ Tagaʻi i le Uiga o Upu.
^ Po o le “ua vaevaeina i ʻau.”
^ O le upu Peretania, o le greyhound.
