Ieremia 25:1-38
25 O le afioga lea na oo mai iā Ieremia e faatatau i le nuu uma o Iuta, i le tausaga lona fā o le nofoaiga a Ioakima+ le atalii o Iosia, o le tupu o Iuta, o le tausaga muamua lea o le nofoaiga a Nepukanesa le tupu o Papelonia.
2 O le mea lea na fai atu ai le perofeta o Ieremia e faatatau i le nuu* uma o Iuta, ma ē uma o loo nonofo i Ierusalema:
3 “E amata mai i le tausaga lona 13 o le nofoaiga a Iosia+ le atalii o Amone, o le tupu o Iuta, e oo mai i le aso nei, e 23 tausaga na oo mai ai iā te aʻu le afioga a Ieova, ma na ou tautala atu pea lava pea iā te outou,* ae ua outou lē faalogo mai lava.+
4 Na aauina atu foʻi e Ieova iā te outou o ana auauna uma o perofeta, ua aauina atu pea lava pea i latou,* ae ua outou lē faalogo mai lava, pe e uaʻi mai foʻi o outou taliga e faalogo mai ai.+
5 Ua latou faapea atu, ‘Faamolemole, ia taʻitasi ma liliuese mai i lona ala leaga, ma a outou amioga leaga;+ ona outou nonofo pea lea e oo atu lava i le lumanaʻi i le laueleele na foaʻiina mai e Ieova iā te outou ma o outou augātamā mai i aso anamua.
6 Aua neʻi mulimuli atu i isi atua ina ia auauna ma ifo i ai, ma faatigā mai ai iā te aʻu i galuega a o outou lima; ina ne‘i o‘u faaoo atu le malaia iā te outou.’
7 “‘Ae ua outou lē faalogo mai iā te aʻu,’ ua fetalai mai ai Ieova. ‘Nai lo o lea, na outou faatigā mai iā te aʻu i galuega a o outou lima, ma oo ai le malaia iā te outou.’+
8 “O le mea lea ua fetalai mai ai Ieova o ʻau, ʻ“Ona ua outou lē usiusita‘i i aʻu upu,
9 ou te auina atu ai le feʻau ma ou aumaia aiga uma o le itu i mātū,”+ ua fetalai mai ai Ieova, “e auina atu foʻi le feʻau iā Nepukanesa laʻu auauna,+ o le tupu o Papelonia, ma ou aumaia i latou e tau ma lenei nuu,+ o ē o loo nonofo ai, ma atunuu uma o loo siʻomia ai.+ Ou te faaumatia i latou ma faia ma mea e fefefe ai, ma mea e tuufaaili ai, ma mea ua faatafunaina e oo i le faavavau.
10 Ou te faai‘uina le leo o le fiafia ma le leo o le olioli mai iā i latou,+ o le leo o le alii faaipoipo, o le leo o le tamaʻitaʻi faaipoipo,+ o le leo o le mea e olo ai saito, ma le malamalama o le molī.
11 E avea lenei laueleele uma ma mea e faatafunaina, ma mea e fefefe ai, e auauna foʻi nei atunuu i le tupu o Papelonia i tausaga e 70.”’+
12 “Ua fetalai mai Ieova, ‘Ae pe a atoa tausaga e 70,+ ona ou taui atu lea i le* tupu o Papelonia ma lenā atunuu, e tusa ma a latou mea sesē,+ ma ou te faia le laueleele o tagata Kaletaia ma mea e faatafunaina e faavavau.+
13 Ou te faaoo foʻi i lenā nuu upu uma na ou fai atu e oo i ai, ma mea uma foʻi o loo tusia i lenei tusi na valoia e Ieremia i atunuu uma.
14 Auā o le tele o atunuu ma tupu sili+ o le a faia i latou ma pologa,+ ma ou te toe taui atu iā i latou e tusa ma a latou gaoioiga ma galuega a o latou lava lima.’”+
15 Auā o le mea lenei ua fetalai mai ai Ieova le Atua o Isaraelu iā te aʻu: “Ia e ave lenei ipu o le uaina o loʻu toʻasā mai i loʻu lima, ma ia e faainu ai atunuu uma o ē ou te auina atu i ai oe.
16 E latou te feinu ma tautevateva ai, ma gaoioi ai e pei o ni tagata vālea ona o le pelu ou te auina atu iā i latou.”+
17 Ona ou aumaia lea o le ipu mai i le aao o Ieova, ma faainu ai atunuu uma lava na auina atu i ai aʻu e Ieova:+
18 e amata atu iā Ierusalema ma aai o Iuta,+ o ona tupu ma ona perenise, ina ia faia i latou ma mea ua faatafunaina, o se mea e fefefe ai, o se mea e tuufaaili ai ma o le malaia foʻi,+ e pei ona faia i le aso nei;
19 ona sosoo lea ma Farao le tupu o Aikupito ma ana auauna, o ana perenise, ma lona nuu uma,+
20 o ona tagata eseese uma; o tupu uma o le nuu o Usa; o tupu uma o le nuu o Filisitia,+ o Asekelona,+ o Kasa, o Ekerona, ma ē o totoe o Asetota;
21 o Etoma,+ o Moapi,+ o tagata Amonī;+
22 o tupu uma o Turo, o tupu uma o Saitonu,+ o tupu o le motu i le sami;
23 o Titana,+ o Tema, o Pusa, ma i latou uma o ē e sele o latou manifinifi;+
24 o tupu uma o tagata Arapi,+ o tupu uma o tagata eseese o ē o loo nonofo i le toafa;
25 o tupu uma o Semeri, o tupu uma o Elama,+ o tupu uma o Metai;+
26 o tupu uma o le itu i mātū o ē e latalata ma mamao, o le tasi ma le isi, ma isi malo uma o le lalolagi o loo i le fogāeleele; ma e mulimuli ona inu le tupu o Sesaka*+ iā i latou.
27 “Ia e fai atu iā i latou, ‘O le mea lenei ua fetalai mai ai Ieova o ʻau, o le Atua o Isaraelu: “Ia outou feinu ma onanā, ia puaʻi ma paʻuʻū, ia lē mafai ona outou toe tutū i luga,+ ona o le pelu ou te auina atu iā te outou.”’
28 Ae afai e mumusu i latou e ave le ipu mai i lou lima e feinu ai, ona e faapea atu lea iā i latou, ‘O le mea lenei ua fetalai mai ai Ieova o ʻau: “E tatau ona outou feinu ai!
29 Auā faauta! pe afai e muamua ona ou aumaia le malaia i le aai ua taʻua ai loʻu igoa,+ pe tou te sao ea i lenā faasalaga?”’+
“‘E tou te lē sao lava i lenā faasalaga, auā ou te valaau i le pelu e oo i ē uma o loo nonofo i le lalolagi,’ ua fetalai mai ai Ieova o ʻau.
30 “E te vavalo atu fo‘i nei upu uma iā i latou ma faapea atu iā i latou,‘E leotele mai Ieova mai i lugā,E tulei mai foʻi lona siʻufofoga mai i lona afioaga paia.
E leotele mai lava o ia mai i le mea o loo afio ai.
E alaga o ia e pei o leo o i latou o loo soli le vine i le soligavine,E alaga o ia ma le manumalo i ē uma o loo nonofo i le lalolagi.’
31 ‘E oo le vāvāō i tuluʻiga o le lalolagi,Auā o loo faia e Ieova le finauga ma atunuu.
E faamasino lava e ia tagata uma.+
E tuuina atu foʻi e ia o ē e amioleaga i le pelu,’ ua fetalai mai ai Ieova.
32 O le mea lenei ua fetalai mai ai Ieova o ʻau:
‘Faauta! E sosolo atu le malaia mai i lea atunuu i lea atunuu,+E oso aʻe foʻi le afā mataʻutia mai i vaega pito i mamao o le lalolagi.+
33 “‘O i latou e fasia e Ieova i lea aso, e amata mai i le tasi pito o le lalolagi e oo atu lava i le isi pito o le lalolagi. E leai nisi e faavauvau iā i latou, e lē aoaoina foʻi pe tanuina i latou. E fai i latou e pei o otaota i luga o le fogāeleele.’
34 O outou leoleo mamoe, inā tagiauē ia ma alalaga atu!
O outou alii sili o le lafu mamoe, inā taafifili ia i le lefulefu,Ona ua oo mai le taimi e fasia ai outou ma faasalalauina ai outou,E paʻuʻū foʻi outou e pei o se ipu tautele!
35 Ua leai se mea e sosola i ai leoleo mamoe,Ma ua leai foʻi se mea e sao ai alii sili o le lafu mamoe.
36 Faalogo! O le alalaga a leoleo mamoeMa le tagiauē a alii sili o le lafu mamoe,Auā ua faaumatia e Ieova fanua e aai ai a latou lafu.
37 Ua lē toe iai foʻi se mea e ola ai i nofoaga filemu na nonofo ai,Ona o le toʻasā aasa o Ieova.
38 Ua ia tuua le mea e nofo ai e pei o se tamaʻi leona,*+Auā ua avea lo latou nuu ma mea e fefefe ai,Ona o le sauā o le peluMa lona toʻasā aasa.”
Faamatalaga Pito i Lalo
^ Po o le “fai atu ai le perofeta o Ieremia i le nuu.”
^ Epe., “na ou alapō ma tautala atu.”
^ Epe., “ua alapō ma aauina atu.”
^ Po o le “ona ou faasala lea o le.”
^ E aliali mai o se isi igoa lea mo Papelu (Papelonia).
^ Po o “se tamaʻi leona taanoa.”
