Isaia 32:1-20
32 Faauta! O le a pule le tupu+ ma le amiotonu,+Ma o le a pule perenise ma le faamasinotonu.
2 E avea i latou taʻitoʻatasi o se lafitaga mai i le matagi,Ma se mea e malu ai mai i timuga mamafa,E pei o vaitafe i atunuu e leai ni vai,+E pei foʻi o le paolo o le papa tele i le laueleele naumati.
3 O le a lē toe faapipiiina faatasi mata o ē e vāai,Ma o le a uaʻi atu taliga o ē e faalogo.
4 O ē e osovale, o le a manatunatu o latou loto i le poto,Ma o ē sa tautoʻai a latou tala, o le a vave ona tautatala ma le manino.+
5 O lē e valea, e lē toe taʻua o lē e limafoaʻi,Ma o le tagata e lē popoi, e lē toe taʻua o ia o le tamālii;
6 Auā o le a tautala le tagata valea i mea faavalevalea,Ma e sauni lona loto e fai mea leaga,+Ina ia faaauiluma ai le fulitua i le upu moni* ma tautala i mea pepelo e faasagatau ai iā Ieova,Ina ia matelāina ai lē e fia ʻai,Ma lē maua ai se meainu a lē ua fia inu.
7 O le tagata lē popoi, e leaga lava ona ala;+Ua ia faaauiluma amioga matagā,Ina ia faaleagaina ai lē ua puapuagatia i tala pepelo,+E ui lava ina tautala le tagata mativa i le mea ua tonu.
8 A o lē e limafoaʻi, e mana‘o o ia e foa‘i atu le tele o mea,Ma o le a faaauau pea ona ia limafoaʻi.
9 “O outou fafine faifaimālie, inā tutulaʻi ia ma faalogo mai i loʻu leo!
O outou afafine faatamala,+ inā uaʻi mai ia i aʻu upu!
10 Pe a mavae le tausaga ma ni nai aso, o le a atuatuvale outou o ē e faatamala,Auā o le a uma le seleselega o vine, ae e leai se fua na aoina mai.+
11 Ia gatete outou fafine faifaimālie!
Ia atuatuvale outou o ē e faatamala!
Ia tatala o outou ofu ma lē lavalavā ai,*Ma ia fusi o outou puimanava i ʻie talatala.+
12 Ia outou tuʻi i o outou susu i le faanoanoaOna o le mea ua tupu i fanua mananaia ma togāvine.
13 Auā o le a ufitia le laueleele o loʻu nuu i laau tuitui, ma laau talatala,Ma o le a ufitia uma ai fale na iai muamua le olioli,Ioe, o le aai o le olioli.+
14 Auā ua tuufua le ʻolo malosi.Ua lafoaʻia foʻi le aai sa pisa ai tagata.+
Ua avea Ofele+ ma le olomatamata ma fanua lafulafuāE fiafia ai asini o le vao,Ma o le fanua foʻi e tataa ai lafumanu,+
15 Seʻia oo ina liligi ifo le agaga i o tatou luga mai i lugā,+Ma avea le toafa ma togālaau ʻaina,Ma e manatu i le togālaau ʻaina o se vaomatua.+
16 Ona mau ai lea o le faamasinotonu i le toafa,Ma nofo ai foʻi le amiotonu i le togālaau ʻaina.+
17 O le a tupu le filemu+ mai i le galuega a le amiotonu moni,E tupu foʻi le toʻafilemu ma le saogalemu tumau mai i le amiotonu moni.+
18 O le a nonofo loʻu nuu i se nofoaga toʻafilemu,I fale saogalemu, ma mea foʻi e mapu ai.+
19 Ae o le a totō ifo le uatoʻa ma faaleagaina ai le vaomatua,Ma o le a matuā soloia le aai.
20 E fiafia outou o ē o loo lūlūina fatu i autafa o vai uma,Ma tatalaina atu povi poʻa ma asini.”+
Faamatalaga Pito i Lalo
^ Po o le “Ina ia gaoioi i se auala faalēmataʻu.”
^ Po o le “ma ia na o ni nai ofu e oofu ai.”
