Isaia 4:1-6
4 O lea aso, o le a fetagofi atu ai fafine e toʻafitu i le tane e toʻatasi,+ ma faapea atu:
“E matou te aai i a matou lava meaʻaiMa oofu i o matou lava ofu;Ae tau lava ina ia matou igoa i lou igoaIna ia aveesea ai lo matou luma.”*+
2 O lea aso, o le a avea ai tātupu e faatupu aʻe e Ieova o ni mea matagofie ma mamalu, ma e avea fo‘i fua o le laueleele o se mea e mitamita ai ma o se mea matagofie iā i latou na faasaoina o Isaraelu.+
3 O i latou ua iai pea i Siona ma ē o totoe i Ierusalema, o le a taʻua i latou o ē e paia, o i latou uma ua tusia e ola ai pea i Ierusalema.+
4 Pe a uma ona fufulu ese e Ieova mea leaga a* tama fafine a Siona+ ma faamamā ese le faamasaatoto o Ierusalema mai iā te ia, e ala i le agaga o le faamasinoga ma le agaga o le susunuina,+
5 o le a faia foʻi e Ieova i luga o nofoaga uma i le mauga o Siona, ma luga o le mea e faia ai tauaofiaga, o se ao ma le asu i le ao, ma le afi mumū i le pō;+ ma o le a iai se mea e malu ai i luga o le nofoaga mamalu uma.
6 O le a iai le fale lauvao e faapaolo ai i le ao ona o le vevela o le lā,+ o se sulufaʻiga foʻi ma o se mea e lafi ai mai i matagi malolosi ma timuga.+
Faamatalaga Pito i Lalo
^ E faasino atu i le faalumaina ona o le lē faaipoipo ma le leai o se fanau.
^ Epe., “otaotavale o.”
