Isaia 60:1-22
60 “Le fafine e, inā tulaʻi ia,+ ia faasusulu atu le malamalama, auā ua oo mai lou malamalama.
Ua susulu mai i ou luga le mamalu o Ieova.+
2 Auā vaai foʻi! o le a ufitia le lalolagi i le pōuliuliMa e matuā pogisa nuu;Ae o le a susulu mai Ieova i ou luga,Ma e vaaia lona mamalu i ou luga.
3 E ō atu atunuu i lou malamalama,+E ō atu foʻi tupu+ i le malamalama o lou mamalu.+
4 Ia e tepa aʻe i itu uma ma vaai!
Ua faapotopoto uma i latou; ua latou ō mai iā te oe.
Ua ō mai pea lau fanau tama mai i mea mamao,+Ma lau fanau teine o ē o loo afisi i le suilapalapa.+
5 I lenā taimi o le a e vaai ai ma e matuā olioli,+E olioli foʻi lou loto ma matuā fiafia,Auā o le a ō atu iā te oe ʻoa o le sami;E ō mai foʻi iā te oe puna‘oa o atunuu.+
6 O le a tumu lou laueleele* i le anoanoaʻi o kamela,O tamaʻi kamela poʻa o Mitiana ma Efa.+
O le a ō mai uma tagata mai i Seepa;O le a latou tauave auro ma lipano.
O le a latou tala atu viiga o Ieova.+
7 E faapotopotoina iā te oe lafu uma o Kitara.+
E auauna iā te oe mamoe poʻa o Nepaiota.+
O le a latou ō aʻe i loʻu fata faitaulaga ma e taliaina ma le fiafia,+Ou te faamatagofieina foʻi loʻu lava fale matagofie.+
8 O ai i latou ia ua felelei mai e pei o ao,Ma e pei o le lolofi atu o lupe i mea e nonofo ai?*
9 Auā o le a faamoemoe mai iā te aʻu motu;+Ua muamua mai vaa o Tasesa,E aumai lau fanau tama mai i mea mamao,+Faatasi ma a latou siliva ma a latou auro,I le suafa o Ieova lou Atua ma Lē e Paia o Isaraelu,Auā o le a ia faamamaluina* oe.+
10 O le a fausia ou pā e tagata ese,O le a auauna atu foʻi o latou tupu iā te oe;+Auā na ou taia oe i loʻu ita,Ae ona o loʻu lotomalie, o le a ou alofa mutimutivale ai iā te oe.+
11 O le a tatala pea ou faitotoʻa;+E lē tapunia i le ao ma le pō,Ina ia aumai ai iā te oe o puna‘oa o atunuu,Ma e tausolomua o latou tupu i le faia faapea.+
12 Auā o le a faaumatia so o se atunuu ma so o se malo e lē auauna iā te oe;Ma o le a faatafunaina atunuu.+
13 O le a oo mai iā te oe le mamalu o Lepanona,+Faatasi ma le laau o le perosi, o le laau o le titara, ma le paina+Ina ia faamatagofie ai loʻu malumalu;O le a ou faamamaluina le mea e tū ai oʻu vae.+
14 O le a ō mai atalii o ē o loo faapuapuagatia oe, ma ifo mai iā te oe;O le a ifo i ou vae i latou uma e lē faaaloalo iā te oe,E latou te taʻua foʻi oe o le aai o Ieova,O Siona a Lē e Paia o Isaraelu.+
15 O le a ou faia oe ma mitamitaga i aso uma,+Ma se mea e fiafia ai i augātupulaga uma,Nai lo o le tuulafoaʻiina ma inosia o oe, e aunoa ma se tasi e ui ane ai.+
16 O le a e inu i le suāsusu o atunuu,+O le a e susu foʻi i susu o tupu;+Ma e te matuā iloa ai o aʻu o Ieova, o lou Faaola,Ma o Lē e Malosi o Iakopo, o Lē e na te toe faatauina oe.+
17 Ou te aumaia le auro e sui aʻi le ʻapamemea,Ou te aumaia foʻi le siliva e sui aʻi le uʻamea,O le ʻapamemea e sui aʻi le laupapa,O le uʻamea e sui aʻi maa;Ou te tofia le filemu e fai ma ou ovasiaMa le amiotonu e fai ma lē e tofia atu galuega.+
18 E lē toe lagonaina i lou laueleele ni faiga sauā,Po o le faaleagaina ma le lepetia o mea i totonu o ou tuaoi.+
O le a e taʻua ou pā, o le Faaolataga,+ ma ou faitotoʻa o le pā, o le Viiga.
19 E lē toe avea le lā ma malamalama iā te oe i le ao,E lē toe faamalamalamaina foʻi oe i le susulu o le masina.Auā o le a fai Ieova ma ou malamalama e faavavau,+E fai foʻi lou Atua ma ou matagofie.+
20 E lē toe goto lou lā,E lē mavae atu foʻi lou masina,Auā o le a fai Ieova lava ia ma ou malamalama e faavavau,+O le a muta foʻi ou aso faavauvau.+
21 O le a amiotonu tagata uma o lou nuu;O le a fai le laueleele ma o latou tofi e faavavau.
O le tātupu o aʻu mea totō,O le galuega a oʻu lima+ ina ia faamatagofie ai aʻu.+
22 O le a avea lē e toʻaitiiti ma toʻaafe,E avea foʻi lē e faatauvaa ma se atunuu malosi.
O aʻu o Ieova, ou te faavave ona fai i ona aso.”
