O le Tusi i Faapotopotoga i Kalatia 3:1-29
-
Galuega o le Tulafono ma le faatuatua (1-14)
-
Ola lē e amiotonu i le faatuatua (11)
-
-
Lē faavaea i le Tulafono le folafolaga iā Aperaamo (15-18)
-
Keriso, o le fanau a Aperaamo (16)
-
-
Amataga ma le fuafuaga o le Tulafono (19-25)
-
Avea ma atalii o le Atua ona o le faatuatua (26-29)
-
O ē e autasi ma Keriso, o le fanau a Aperaamo (29)
-
3 Tagata Kalatia vālea e, o ai na faasesēina outou,+ ae ua outou malamalama lelei i le tutuʻiina o Iesu Keriso i luga o le laau?+
2 O le mea lenei ou te fia fesili atu ai* iā te outou: Pe na outou mauaina le agaga ona o galuega o le tulafono, po ona o le faatuatua i mea ua outou faalogo i ai?+
3 Po ua outou matuā vālea ea? Na outou amata i se ala faaleagaga,* po ua outou faaiʻu ea i se ala faaletino?*+
4 Pe na oo fua ea iā te outou le tele o mafatiaga? E mautinoa e leʻi tutupu fua na mea.
5 O lea, o lē ua avatuina le agaga iā te outou ma faia galuega mamana+ iā te outou, pe na ia faia ea ona o a outou galuega o le tulafono, po ona o lo outou faatuatua i mea ua faalogo i ai?
6 E pei o Aperaamo, “na faatuatua o ia iā Ieova,* ma na ia silasila ai iā te ia o lē e amiotonu.”+
7 E moni, ua outou iloa o i latou o ē e taofimau i le faatuatua, o i latou ia o atalii o Aperaamo.+
8 Ina ua muaʻi iloa i tusitusiga paia e taʻuamiotonuina e le Atua tagata o nuu ese ona o le faatuatua, ona ia muaʻi folafolaina lea o le tala lelei iā Aperaamo e faapea: “E maua e atunuu uma faamanuiaga ona o oe.”+
9 O i latou ua taofimau i le faatuatua, e faamanuiaina faatasi i latou ma Aperaamo, o lē na faatuatua.+
10 E malaia i latou uma e faalagolago i galuega o le tulafono; auā ua tusia: “E malaia i latou e lē tausia mea uma ua tusia i le tusi tāʻai o le Tulafono, ona e lē o usiusitaʻi i ai.”+
11 Ua faamaonia e lē taʻuamiotonuina e le Atua se tasi ona o le tulafono,+ auā “o lē e amiotonu, e ola o ia i le faatuatua.”+
12 E lē faavae le Tulafono i le faatuatua. Nai lo o lea, “o so o se tasi e faia ia mea, e ola lava o ia ona o nei mea.”+
13 O le faatauina o i tatou+ e Keriso, ua faasaʻolotoina ai i tatou+ mai i le malaia o le Tulafono, ma ua malaia o ia e sui ai i tatou, auā ua tusia: “E faamalaiaina i latou uma ua faatautauina i se laau.”+
14 Na faia faapea ina ia oo ai i nuu ese le faamanuiaga o Aperaamo lea e ala mai iā Keriso Iesu,+ ina ia mafai ona tatou maua le agaga+ ua folafolaina mai e ala i lo tatou faatuatua.
15 Le ʻauuso e, ou te tautala atu i se talafaatusa e masani ai tagata: Pe afai e faamauina se feagaiga, e tusa pe e faia e se tagata, e leai se tasi e na te faalēaogāina pe faaopoopoina i ai se mea.
16 O lenei, na faia ia folafolaga iā Aperaamo ma lana fanau.+ E lē o faapea mai, “o au fanau,” e peiseaʻī e toʻatele. Ae o loo faapea mai, “o lau fanau,” e toʻatasi lava, o le Keriso lea.+
17 Ou te fai atu foʻi: O le Tulafono lea na oo mai i le pe ā ma le 430 tausaga mulimuli ane,+ e lē faalēaogāina ai le feagaiga lea na muaʻi faia e le Atua, ma e lē soloia ai le folafolaga.
18 Afai ua maua le tofi ona o le tulafono, ua lē maua la ona o le folafolaga, ae ua tuuina atu ma le agalelei e le Atua iā Aperaamo e ala i le folafolaga.+
19 O le ā la le aogā o le Tulafono? Na faaopoopo mai ina ia faaalia ai solitulafono+ seʻia oo mai le fanau+ na faia i ai le folafolaga; ma na tuuina mai e agelu+ e ala mai i le puluvaga.+
20 E leai se puluvaga pe a na o le toʻatasi e aofia ai, ae e na o le toʻatasi le Atua.
21 Pe e tetee le Tulafono i folafolaga a le Atua? E mautinoa e leai! Auā ana tuuina mai se tulafono e mafai ona faaolaina ai, semanū e maua ai le amiotonu ona o le tulafono.
22 Ae ua saisaitia e Tusitusiga Paia mea uma lava i le pule a le agasala, ina ia foaʻiina mai i ē faatuatua le mea na folafolaina e maua e i latou e faatuatua iā Iesu Keriso.
23 A o leʻi oo mai le faatuatua, na puipuia i tatou e le tulafono, na saisaitia i tatou i le pule a le tulafono, ma tepa taulaʻi atu i le faatuatua o le a faaalia mai.+
24 O lenei, ua avea le Tulafono ma o tatou taʻitaʻitama* e taʻitaʻia i tatou iā Keriso,+ ina ia taʻuamiotonuina ai i tatou ona o le faatuatua.+
25 A o lenei ua oo mai le faatuatua,+ ua lē toe pule la le taʻitaʻitama* iā i tatou.+
26 O le mea moni, o outou uma o atalii o le Atua,+ ona o lo outou faatuatua iā Keriso Iesu.+
27 Auā o outou uma ua papatisoina iā Keriso, ua oofu iā Keriso.+
28 E leai se Iutaia po o se Eleni,+ e leai se pologa po o sē e saʻoloto,+ e leai foʻi se tane po o se fafine,+ auā ua tasi outou uma i lo outou autasi ma Keriso Iesu.+
29 Afai foʻi ua outou autasi ma Keriso, o outou la o le fanau a Aperaamo,+ o suli+ o le mea na folafolaina mai.+
Faamatalaga Pito i Lalo
^ Ele., “fia iloa mai.”
^ Ele., “amata i le faaleagaga.”
^ Ele., “faaiʻu ea i le faaletino?”
^ O sē e puipuia tamaiti po o se tausitama.
^ O sē e puipuia tamaiti po o se tausitama.
