Salamo 59:1-17
I le faatonu o le ʻaufaimusika o le “Aua E te Tuuina Atu Aʻu Ina ia Fano.” O le salamo a Tavita. O le Mikitamu.* Ina ua aauina atu e Saulo tamāloloa e mataʻi le fale o Tavita* ina ia fasiotia o ia.+
59 Loʻu Atua e, ia e laveaʻi iā te aʻu mai i oʻu fili;+Ia e puipuia foʻi aʻu mai i ē e faasagatau mai iā te aʻu.+
2 Ia e laveaʻi iā te aʻu mai i ē e faia mea leaga,Ma ia e faaola iā te aʻu mai i tagata sauā.*
3 Faauta! Ua latou lamalama e osofa‘ia aʻu;+Ua osofaʻia foʻi aʻu e ē malolosi,Peita‘i, Ieova e, e le‘i māfua ona o sa‘u fouvalega po o sa‘u agasala.+
4 E ui e leai saʻu mea sesē, ae ua latou taufetuli mai ma sauni e osofa‘ia a‘u.
Inā maleifua mai ia i laʻu valaau atu ma silasila i ai.
5 Auā o oe Ieova e, le Atua o ʻau, o le Atua o Isaraelu.+
Inā maleifua mai ia ma liuliualo mai i nuu uma.
Aua foʻi e te alofa mutimutivale i so o se tagata faalata e faia mea leaga.+ (Selā)
6 E toe foʻi mai i latou i afiafi ta‘itasi;+E gū* i latou e pei o taʻifau+ ma faataamilo i le aai atoa.+
7 Vaai i mea ua luai* mai i o latou gutu;Ua pei o latou laugutu o ni pelu,+Auā ua latou faapea ane: “O ai sē e faalogo i ai?”+
8 A o oe Ieova e, e te soisoi iā i latou;+E te tauemu foʻi i atunuu uma lava.+
9 Loʻu Malosi e, ou te vaavaai atu pea iā te oe;+Auā o le Atua o loʻu sulufa‘iga malupuipuia.*+
10 E fesoasoani mai le Atua o lē e alofa faamaoni iā te aʻu;+Ua faia foʻi aʻu e le Atua ina ia ou vaai i le to‘ilalo o oʻu fili.+
11 Aua neʻi e fasiotia i latou, ina neʻi galo i loʻu nuu lea mea.
Ia e faafeoa‘i solo i latou e ala i lou malosi;Ia e faatoʻilaloina i latou, Ieova e, lo matou talita.+
12 Ona o le agasala a o latou gutu ma upu a o latou laugutu,Tau ina ia maileia i latou i lo latou faamaualuluga,+Ona o fetuu ma upu taufaasesē ua latou tautatala ai.
13 Ia e faaumatia i latou i lou toʻasā;+Ia e faaumatia i latou ina ia lē toe iai;Ia latou iloa o loo pule le Atua iā Iakopo ma e oo fo‘i i tuluʻiga o le lalolagi.+ (Selā)
14 Ia toe foʻi mai i latou i le afiafi;Ia gū* i latou e pei o taʻifau ma faataamilo i le aai atoa.+
15 Ia feoaʻi solo i latou e saʻili ni mea e aai ai;+Ia aua foʻi neʻi maoona i latou pe maua se mea e nonofo ai.
16 A o aʻu, ou te pese e uiga i lou malosi;+I le taeao, ou te taʻutaʻu atu ai ma le olioli e uiga i lou alofa faamaoni.
Auā o oe o lo‘u sulufa‘iga malupuipuia+Ma le mea ou te sola i ai i taimi o oʻu puapuaga.+
17 Loʻu Malosi e, ou te usu viiga* iā te oe,+Auā o le Atua o loʻu sulufa‘iga malupuipuia, o le Atua e alofa faamaoni mai iā te aʻu.+
Faamatalaga Pito i Lalo
^ Tagaʻi i le Uiga o Upu.
^ Epe., “le fale.”
^ Po o le “faamasaatoto.”
^ Po o le “ōu.”
^ Po o le “mapuna.”
^ Po o le “ʻolo malupuipuia.”
^ Po o le “ōu.”
^ Po o le “tā ma usuina pese.”
