Salamo 74:1-23
O le masekila* a Asafo.+
74 Le Atua e, aiseā ua e teena ai i matou e faavavau?+
Aiseā ua aasa* ai lou toʻasā i le lafu mamoe o loo e fafagaina?+
2 Ia e manatua tagata* na e faatauina anamua,+O le ituaiga na e togiolaina e avea ma ou tofi.+
Ia e manatua le mauga o Siona, lea e te afio ai.+
3 Ia e liuliualo mai i nofoaga ua faatafunaina e faavavau.+
Ua faaleagaina e le fili mea uma i le nofoaga paia.+
4 Ua faataiō ou fili i totonu o lou nofoaga e faapotopoto ai.+
Ua latou faatutūina a latou lava faailoilo e fai ma faailoga i inā.
5 Ua pei i latou o tagata ua sii i luga a latou toʻi ina ia tātuu ai le vaomatua.
6 Ua latou lepetia i toʻi ma u‘amea ona teuteu uma na vaneina.+
7 Ua latou susunu lou malumalu i le afi.+
Ua latou faaleagaina le faleʻie paia o loo iai lou suafa, ua oo lava i le eleele.
8 Ua latou faapea ifo ma a latou fanau i o latou loto:
“E ao ona susunu nofoaga uma o le Atua e faapotopoto ai* o loo i le nuu.”
9 Ua leai ni faailoga e tatou te vāai i ai;Ua lē o toe iai ni perofeta,Ma ua leai se tasi o i tatou e iloa po o le ā le umi o lenei mea.
10 Le Atua e, o le ā ea le umi e taufaifai mai ai pea le fili?+
Po o le a lē faaaloalo ea le fili i lou suafa e faavavau?+
11 Aiseā ua e taofia ai lou aao, o lou aao taumatau?+
Ia sii a‘e lou aao mai i lou fatafata* ina ia faaumatia ai i latou.
12 A o le Atua, o loʻu Tupu lea mai anamua,O lē e faia le faaolataga i le lalolagi.+
13 Na e fesouaʻiina le sami i lou malosi;+Na e tuʻimomomoina ulu o meaola lapopoʻa o le sami.
14 Na e tuʻimomomoina ulu o Leviatana;*Na e tuuina atu e fai ma meaʻai a tagata, o ē o loo nonofo i toafa.
15 Na e vaeluaina le eleele mo vaipuna ma vaitafe;+Na e faamamateina vaitafe na tafe tetele.+
16 O oe e ona le ao, atoa fo‘i ma le pō.
Na e faia le malamalama ma le lā.+
17 Na e faataatia tuaoi uma o le lalolagi;+Na e faia le tau māfanafana ma le tau mālūlū.+
18 Ieova e, ia e manatua taufaifaiga a le fili,Ma le lē faaaloalo o le nuu vālea i lou suafa.+
19 Aua e te tuuina atu le ola o lau manutagi i manufeʻai.
Aua foʻi neʻi e faagaloina e faavavau ola o ou tagata ua puapuagatia.
20 Ia e manatua le feagaiga,Auā ua tutumu mea pogisa o le lalolagi i mea e nofo ai le sauā.
21 Tau ina ia aua neʻi liliuese ma le faanoanoa lē ua lotonutimomoia;+Tau ina ia vivii atu i lou suafa o lē ua faatauvaa ma lē ua mativa.+
22 Le Atua e, inā tulaʻi mai ia e fai lau faamasinoga.
Ia e manatua le taufaifai atu iā te oe o le tagata valea i le aso atoa.+
23 Aua neʻi galo iā te oe faamatalaga a ou fili.
Ua alu aʻe pea i luga le vāvāō o i latou e tetee atu iā te oe.
Faamatalaga Pito i Lalo
^ Tagaʻi i le Uiga o Upu.
^ Epe., “pusa.”
^ Epe., “lau faapotopotoga.”
^ Po o “nofoaga uma e tapuaʻi ai i le Atua.”
^ Po o le “mai i le gauga o lou ofu.”
^ Tagaʻi i le Uiga o Upu.
