Salamo 85:1-13
I le faatonu o le ʻaufaimusika. O le fanauga a Koru.+ O le pese.
85 Ieova e, ua e fiafia i lou laueleele;+Ua e toe aumaia i latou na ave faapagota o Iakopo.+
2 Ua e soloiesea mea sesē a lou nuu;Ua e faamagaloina* a latou agasala uma.+ (Selā)
3 Ua e taofia lou maʻemaʻeā uma lava;Ua e liliuese mai i le aasa o lou toʻasā.+
4 Le Atua lo matou faaolataga e, ia e toe faafoʻisia mai i matou,*Ma ia e tuu ese lou toʻatamaʻi mai iā i matou.+
5 Pe e faavavau ea ona e ma‘ema‘eā iā i matou?+
Pe e faaauau pea ona e toʻasā mai i lea tupulaga ma lea tupulaga?
6 Pe e te lē toe faaola ea iā i matou,Ina ia fiafia atu ai lou nuu iā te oe?+
7 Ieova e, ia e faaali mai iā i matou lou alofa faamaoni,+Ma ia foaʻi mai iā i matou lau faaolataga.
8 Ou te faalogo atu i le mea ua fetalai mai ai Ieova le Atua moni,Auā e fetalai mai o ia i le filemu i lona nuu+ ma ona tagata faamaoni,Ae aua neʻi o latou toe liliu atu i le soona mautinoa naʻuā.+
9 E moni lava e latalata lana faaolataga iā i latou e matataʻu iā te ia,+Ina ia tumau ai lona mamalu i lo tatou nuu.
10 E fetaiaʻi le alofa* ma le faamaoni;E feasogi foʻi le amiotonu ma le filemu.+
11 E tupu aʻe le faamaoni mai i le lalolagi,E vaavaai ifo foʻi le amiotonu mai i le lagi.+
12 Ioe, e foaʻiina mai e Ieova o mea lelei,*+Ma e fua mai e lo tatou laueleele ona fua.+
13 E muamua atu le amiotonu i ona luma,+Ma saunia se ala mo ona tulaga aao.
Faamatalaga Pito i Lalo
^ Epe., “ufitia.”
^ Po o le “toe faapotopotoina mai i matou.”
^ Po o le “alofa faamaoni.”
^ Po o “le manuia.”
