Salamo 9:1-20
I le faatonu o le ʻaufaimusika o le Mutu-lapeni.* O le pese a Tavita.
א [Alefa]
9 Ieova e, ou te vivii atu iā te oe ma loʻu lotoatoa;Ou te ta‘uta‘u atu foʻi au galuega ofoofogia uma.+
2 Ou te olioli ma ou fiafia iā te oe;Le Silisili Ese e, ou te usuina viiga* i lou suafa.+
ב [Peta]
3 Pe a solomuli oʻu fili,+E tautevateva i latou ma fano ai i ou luma.
4 Auā ua e puipuia a‘u ina ia ou maua le faamasinogatonu;Ua e tiʻetiʻe i lou nofoālii e faamasino ma le tonu.+
ג [Gimela]
5 Ua e aʻoaʻia nuu+ ma faaumatia ē e amioleaga,Ua e soloiesea foʻi o latou igoa e faavavau, faavavau lava.
6 Ua faaumatia e faavavau le fili;Ua e liaʻieseina o latou aai,Ma e lē toe manatua lava i latou.+
ה [He]
7 Ae o Ieova, e afio o ia i lona nofoālii e faavavau;+Ua ia matuā faatumauina lona nofoālii mo le faamasinogatonu.+
8 E na te faamasinoina le lalolagi i le amiotonu;+E na te faamasinoina ma le tonu finauga a atunuu.+
ו [Vau]
9 E avea Ieova ma sulufaʻiga malupuipuia* mo ē ua sauāina,+O le sulufaʻiga malupuipuia i taimi o puapuaga.+
10 E faatuatua iā te oe o ē e iloa lou suafa;+Ieova e, e te lē tuulafoaʻia lava o ē o loo saʻili iā te oe.+
ז [Saina]
11 Ia usuina viiga iā Ieova, o lē o loo afio i Siona;Ia faailoa atu i tagata ana galuega.+
12 Auā e manatuaina i latou e Lē e tauimasui i o latou toto;+E lē faagaloina lava e ia le alaga a ē ua puapuagatia.+
ח [Heta]
13 Ieova e, ia e agalelei mai iā te aʻu; ia e silasila mai foʻi i loʻu tigā ona o ē e ita mai iā te aʻu,O oe lava ua e faatūina aʻe aʻu mai i faitotoʻa o le oti,+
14 Ina ia ou faalauiloaina atu au galuega e viia ai i faitotoʻa o le tama fafine a Siona,+Ma olioli ai i lau faaolataga.+
ט [Teta]
15 Ua gogoto ifo nuu i le lua na latou faia;Ua puʻea foʻi o latou vae i le upega na latou natia.+
16 Ua iloa Ieova i le faamasinoga ua ia faia.+
Ua maileia lē e amioleaga i galuega a ona lava lima.+
Ikaiona.* (Selā)
י [Iota]
17 E ō ifo tagata amioleaga i le Tuugamau,*O nuu uma ua faagaloina le Atua.
18 Ae e lē faagaloina pea o lē e mativa;+E lē fano lava e faavavau le faamoemoe o ē e agamalu.+
כ [Kafa]
19 Ieova e, inā e tulaʻi ia! Aua neʻi manumalo tagata.
Ia faamasinoina foʻi nuu i ou luma.+
20 Ieova e, ia e faamataʻu iā i latou,+Ia iloa e nuu o tagata faatauvaa lava i latou. (Selā)
Faamatalaga Pito i Lalo
^ Tagaʻi i le Uiga o Upu.
^ Po o le “tā ma usuina pese.”
^ Po o le “ʻolo malupuipuia.”
^ Tagaʻi i le Uiga o Upu.
^ Po o “Seoli.” Tagaʻi i le Uiga o Upu.
