Salamo 94:1-23
94 Ieova e, le Atua o le tauimasui,+Le Atua o le tauimasui, inā susulu mai ia!
2 Le Faamasino o le lalolagi e,+ inā tulaʻi mai ia.
Ia e aumaia le taui e tatau ai i ē e faualuga.+
3 Ieova e, o le ā ea le umi,O le ā le umi e olioli ai pea o ē e amioleaga?+
4 Ua latou soona tautatala ma le faasausili;Ua gugutu e uiga iā i latou lava o ē uma e faia mea sesē.
5 Ieova e, ua latou tuʻimomomoina lou nuu,+Ma faapuapuagatia lou tofi.
6 Ua latou fasiotia le fafine ua oti lana tane ma le tagata ese,Ua latou fasiotia foʻi fanau e leai ni o latou tamā.
7 Ua latou faapea ane: “E lē o silasila mai Ioa;+E lē o silafia e le Atua o Iakopo le mea ua tupu.”+
8 O outou tagata e lē mafaufau lelei, ia outou malamalama;O outou tagata vālea, o afea ea e tou te faaalia ai le tofā mamao?+
9 O Lē na faia le taliga, pe e lē o faafofoga mai ea o ia?
O Lē na faia le mata, pe e lē o silasila mai ea o ia?+
10 O Lē e faasa‘oina atunuu, pe e lē aʻoaʻi mai ea o ia?+
O ia o Lē e aʻoaʻoina tagata i le poto!+
11 E silafia e Ieova manatu o tagata,Ua na o se savili lava.+
12 Ioa e, e fiafia le tagata ua e aʻoaʻia,+O lē ua e aʻoaʻoina i lau tulafono,+
13 Ua e faatoʻafilemu o ia i aso o le puapuaga,Seʻia elia se lua mo lē e amioleaga.+
14 Auā e lē tuua e Ieova lona nuu,+E lē tuulafoaʻiina foʻi e ia lona tofi.+
15 Auā e toe foʻi le faamasinoga i le amiotonu,E mulimuli atu foʻi i ai i latou uma e saʻo o latou loto.
16 O ai ea e tulaʻi mai mo aʻu e tetee atu i ē e amioleaga?
O ai foʻi e tū mo aʻu e tetee atu i ē e faia mea sesē?
17 Pe ana lē fesoasoani mai Ieova iā te aʻu,Semanū e toeitiiti ona ou fano lea.*+
18 Ina ua ou faapea ane: “Ua see loʻu vae,”
Ieova e, ua lagolagoina pea aʻu e lou alofa faamaoni.+
19 Ina ua lofitūina a‘u i popolega,*Na e faamāfanafana ma faato‘afilemu a‘u.+
20 Pe e ‘au faatasi ea ma oe le nofoālii* faapi‘opi‘oA o ia fafauina faalavelave e ala i le tulafono?*+
21 Ua latou faia osofaʻiga ogaoga i lē e amiotonu+Ma taʻusalaina i le oti lē ua lē sala.*+
22 Peitaʻi, e fai Ieova ma oʻu sulufa‘iga malupuipuia,*O loʻu Atua, o le papa ou te sulufaʻi atu i ai.+
23 E toe taui atu e ia iā i latou a latou gaoioiga leaga.+
E faaumatia* e ia i latou e ala i a latou lava amioga leaga.
E faaumatia* i latou e Ieova lo tatou Atua.+
Faamatalaga Pito i Lalo
^ Epe., “nofo lea i le mea taaligoligoa.”
^ Po o “mafaufauga e atuatuvale ai.”
^ Po o “taʻitaʻi; faamasino.”
^ Po o “le poloaʻiga.”
^ Epe., “Ma taʻusalaina (taʻuleagaina) le toto o lē ua lē sala.”
^ Po o le “ʻolo malupuipuia.”
^ Epe., “faafilemu.”
^ Epe., “faafilemu.”
