Alu i mataupu o loo iai

Alu i le lisi o mataupu

Log In (tatala se isi polokalame)
Suʻe i le JW.ORG

Fautuaga

Fautuaga

Pe a fautuaina i tatou

Aiseā e ao ai ona tatou saʻilia fautuaga e faavae i le Tusi Paia?

Sl 32:8; Fat 15:22; 19:20; 20:18

Tagaʻi foʻi i le Fat 11:14; Isa 28:29; Ie 32:19

Aiseā e sili atu ai le faalogo i fautuaga nai lo o le taʻutonuina o i tatou lava?

Fat 12:15; 29:1

Tagaʻi foʻi i le Fat 1:​23-31; 15:31

  • Faaaʻoaʻoga a le Tusi Paia e fesoasoani iā te oe:

    • 1Sa 15:​3, 9-23—Ua faasaʻo e le perofeta o Samuelu le tupu o Saulo ae ua taʻutonuina e Saulo o ia lava ma teena le fautuaga; o lea ua teena ai o ia e Ieova

    • 2No 25:​14-16, 27—Ua agasala le tupu o Amasia ma teena le faasaʻoga mai i le perofeta a Ieova, ma ia lē maua ai le finagalo malie o Ieova ma lana puipuiga

Aiseā e tatou te faaaloalo ai i ovasia o ē e aumaia fautuaga?

1Te 5:12; 1Ti 5:17; Epe 13:​7, 17

  • Faaaʻoaʻoga a le Tusi Paia e fesoasoani iā te oe:

    • 3Io 9, 10—Ua taʻusalaina Tioterifi e le aposetolo matua o Ioane, ona o lona lē faaaloalo i ē e taʻimua i le faapotopotoga Kerisiano

Aiseā e tatou te faalogo ai i ē e matutua?

Le 19:32; Fat 16:31

Tagaʻi foʻi i le Iop 12:12; 32:7; Tit 2:​3-5

  • Faaaʻoaʻoga a le Tusi Paia e fesoasoani iā te oe:

    • 1Sa 23:​16-18—Ua faalogo le tupu o Tavita i le fautuaga a Ionatana, o lē e 30 tausaga e matua atu ai iā te ia, ma ua faamalosia ai o ia

    • 1Tu 12:​1-17—Ua teena e le tupu o Reopoamo le fautuaga lelei a toeaina ae faalogo atu i fautuaga lē lelei a tauleleʻa, ma oo ai i ni iʻuga leaga

E faapefea ona iloa e mafai e fafine faamaoni ma auauna talavou a Ieova ona avatu ni fautuaga aogā?

Iop 32:​6, 9, 10; Fat 31:​1, 10, 26; Fai 4:13

Tagaʻi foʻi i le Sl 119:100

  • Faaaʻoaʻoga a le Tusi Paia e fesoasoani iā te oe:

    • 1Sa 25:​14-35—Ua avatu e Apikaila se fautuaga i le tupu o Tavita, lea ua faasaoina ai ola o le toʻatele ma puipuia ai Tavita mai i le faamasaatoto

    • 2Sa 20:​15-22—Ua faasaoina e se fafine atamai i Apela le aai atoa ona o lana fautuaga

    • 2Tu 5:​1-14—Ua avatu e se teineitiiti Isaraelu se fautuaga e iloa ai e se tagata toa malosi le auala e faamālōlō ai lona lepela

Aiseā e tatau ai ona tatou faaeteete i fautuaga a i latou e lē faaaloalo iā Ieova po o lana Afioga?

Sl 1:1; Fat 4:14

Tagaʻi foʻi i le Lu 6:39

  • Faaaʻoaʻoga a le Tusi Paia e fesoasoani iā te oe:

    • 1No 10:​13, 14—Ua fesili atu le tupu o Saulo i se fafine faataulāitu nai lo o le fesili atu iā Ieova, ma iʻu ai ina oti ona o lona lē faamaoni

    • 2No 22:​2-5, 9—Ua filifilia e le tupu o Aasaia ni faufautua leaga, ma iʻu ai ina oti

    • Iop 21:​7, 14-16—Ua teena e Iopu mafaufauga o i latou e lē faaaloalo iā Ieova

Pe a tatou avatu se fautuaga

Aiseā e lelei ai le malamalama i le tulaga moni o se mea ma faalogo i itu uma e lua o se mataupu, a o leʻi avatu se fautuaga?

Fat 18:​13, 17

Tagaʻi foʻi i le Fat 25:8

  • Faaaʻoaʻoga a le Tusi Paia e fesoasoani iā te oe:

    • 1Sa 1:​9-16—Ua avatu e le Ositaulaga Sili o Eli se fautuaga malosi i le fafine faamaoni o Hana e aunoa ma lona iloa o le mea moni o tupu, auā i lona manatu o loo onā Hana

    • Mat 16:​21-23—Ua vavao e le aposetolo o Peteru Iesu ma tuuina atu se fautuaga iā Iesu ma lona lē iloa o le manaʻoga lenā o Satani ae lē o le finagalo o Ieova

Aiseā e tatau ai ona tatou tatalo iā Ieova mo se fesoasoani a o leʻi avatu se fautuaga?

Sl 32:8; 73:​23, 24; Fat 3:​5, 6

  • Faaaʻoaʻoga a le Tusi Paia e fesoasoani iā te oe:

    • Eso 3:​13-18—Ua talosaga le perofeta o Mose iā Ieova i le auala e sili ona lelei e taulima ai fesili e ono lāgā e tagata Isaraelu

    • 1Tu 3:​5-12—Ua talosaga atu le tupu talavou o Solomona iā Ieova mo le atamai nai lo o le faalagolago iā te ia lava, ma ua faamanuiaina ai o ia e Ieova

Aiseā e ao ai ona faamautinoa e faavae a tatou fautuaga ma tali i le Afioga a le Atua?

Sl 119:​24, 105; Fat 19:21; 2Ti 3:​16, 17

Tagaʻi foʻi i le Te 17:​18-20

  • Faaaʻoaʻoga a le Tusi Paia e fesoasoani iā te oe:

    • Mat 4:​1-11—Ua faavae e Iesu ana tali i le Afioga a le Atua nai lo o lona lava atamai, ina ua faaosoosoina o ia e Satani

    • Ioa 12:​49, 50—Ua fetalai Iesu o ana aʻoaʻoga uma e faavae mai i mea na aʻoaʻoina ai o ia e lona Tamā, ma o se faaaʻoaʻoga lelei lenā mo i tatou

Aiseā e tatau ai ona tatou taumafai e faaalia le agamalu a o avatu fautuaga, ma faamālō atu ma le faamaoni pe a talafeagai?

Ka 6:1; Ko 3:12

Tagaʻi foʻi i le Isa 9:6; 42:​1-3; Mat 11:​28, 29

  • Faaaʻoaʻoga a le Tusi Paia e fesoasoani iā te oe:

    • 2No 19:​2, 3—E ui ua faasaʻo e Ieova le tupu o Iosefatu e ala i se fofoga taumomoli, ae ua ia faamālō atu foʻi iā te ia mo mea lelei na ia faia

    • Fal 2:​1-4, 8, 9, 12-14, 18-20—Ua faamālō atu Iesu i nisi o faapotopotoga a o leʻi avatu i ai ni fautuaga

Pe a faitio mai se Kerisiano e faatatau i se isi Kerisiano e manatu ua agaleaga iā te ia e ala i le ave faagaoi o ana mea pe faia ni tala taufaaleaga e uiga iā te ia, aiseā e lelei ai le faalaeiau o ia e talanoa le mataupu na o i laʻua?

Mat 18:​15-17; Lu 17:3

Tagaʻi foʻi i le Le 19:17

E faapefea ona tatou faalaeiau se Kerisiano ua manatu ua agaleagaina o ia ina ia faaalia pea le alofa mutimutivale, onosaʻi, ma le lotofaamagalo?

Mat 18:​21, 22; Mar 11:25; Lu 6:36; Efe 4:32; Ko 3:13

Tagaʻi foʻi i le Mat 6:14; 1Ko 6:​1-8; 1Pe 3:​8, 9

  • Faaaʻoaʻoga a le Tusi Paia e fesoasoani iā te oe:

    • Mat 18:​23-35—Ua taʻua e Iesu se talafaatusa e faamatala ai le māfuaaga e matuā tāua ai ona tatou lotofaamagalo

Aiseā e tatau ai ona tatou maumauaʻi e fai le mea saʻo pe a avatu se fautuaga?

Sl 141:5; Fat 17:10; 2Ko 7:​8-11

  • Faaaʻoaʻoga a le Tusi Paia e fesoasoani iā te oe:

    • 1Sa 15:​23-29—Ua faasaʻo ma le lototele e le perofeta o Samuelu le tupu o Saulo

    • 1Tu 22:​19-28—Ua tausisi le perofeta o Mekaio e faaoo atu lana feʻau lapataʻi i le tupu o Aapo, e ui i faamataʻuga ma le matuā faileagaina o ia

E faapefea ona tatou fautuaina se tasi i se auala o le a lē tautevateva faaleagaga ai o ia?

Epe 12:​11-13

  • Faaaʻoaʻoga a le Tusi Paia e fesoasoani iā te oe:

    • Lu 22:​31-34—Ua faailoa atu e Iesu lona mautinoa o le a mafai e le aposetolo o Peteru ona faamalosiau i isi, e ui i le matuiā o mea sesē na ia faia

    • File 21—Ua faailoa atu e le aposetolo o Paulo lona mautinoa o le a gauaʻi Filemoni i fautuaga mai i le Atua

E faapefea ona tatou faaalia le agalelei a o avatu se fautuaga i ē ua atuatuvale pe lotovaivai?

Ko 3:12; Ia 5:​14-16; 1Pe 3:8

E faapefea ona tatou faaalia o lo tatou sini o le fesoasoani i le tagata faimea sesē e toe faaleleia le la faiā ma Ieova?

Ka 6:1; Efe 4:32

E faapefea ona tatou faaalia le faaaloalo i ē e tatou te avatu i ai se fautuaga, e tusa lava po o le ā lo latou matutua po o le itupā?

1Ti 5:​1, 2

Aiseā e ao ai i leoleo mamoe ona maumauaʻi e faasaʻo se tasi e teena pea fautuaga a le Tusi Paia?

1Ko 5:​9, 11, 13; 1Ti 5:20; Tit 3:10

Tagaʻi foʻi i le mataupu “Faateʻaina”

 

E te Ono Fiafia Foʻi

FAAA‘OA‘O I LO LATOU FAATUATUA

Sa Gaoioi Apikaila ma le Faautauta

O le ā e tatou te a‘oa‘oina mai i tulaga faigatā sa iai le faaipoipoga a Apikaila?

LESONA E TE AʻOAʻOINA MAI I LE TUSI PAIA

Se Toa Malosi ma se Teineitiiti

Na faamatala atu e se teineitiiti Isaraelu i lona matai le mana silisili o Ieova e faia ai vavega ma iʻuga lelei e maua ai.

FAAA‘OA‘O I LO LATOU FAATUATUA

Sa Faamaoni Pea Peteru e ui i Tofotofoga

Na faapefea i le faatuatua ma le faamaoni o Peteru ona fesoasoani iā te ia e talia faasa‘oga mai iā Iesu?

MOLIMAU A IEOVA

Talosaga mo se Asiasiga

Ia talanoa se fesili faale-Tusi Paia, pe aʻoaʻo atili e faatatau i Molimau a Ieova.

TAʻIALA A LE TUSI PAIA MO KERISIANO

Fautuaga

Faa-Samoa
Fautuaga
https://assetsnffrgf-a.akamaihd.net/assets/ct/1add6d1d93/images/syn_placeholder_sqr.png
scl itu. 67-71
AUALA E KOPI (DOWNLOAD) AI
Fautuaga
Vaega e kopi ai se lomiga Taʻiala a le Tusi Paia mo Kerisiano