KUTSANANGURWA KWEMAVHESI
Mateu 6:34—“Musambozvidya Mwoyo Pamusoro Pezuva Rinotevera”
“Musambozvidya mwoyo pamusoro pezuva rinotevera, nekuti zuva rinotevera richava nekuzvidya mwoyo kwaro. Zuva rimwe nerimwe rinokwanirwa nematambudziko aro.”—Mateu 6:34, Shanduro yeNyika Itsva.
“Musafunganya nezvamangwana; nokuti mangwana achazvifunganyira zvawo. Zuva rimwe nerimwe rine nhamo dzaro dzakarikwanira.”—Mateu 6:34, Bhaibheri Dzvene muChiShona Chanhasi.
Zvinorehwa naMateu 6:34
Jesu, uyo akataura mashoko iwayo, akaudza vateereri vake kuti vaisafanira havo kunyanya kunetseka, kana kuti kunyanya kuzvidya mwoyo, nezvematambudziko ari mberi. Kuteerera yambiro yake kwaizovabatsira kuti vafunge nezvedambudziko rimwe chete panguva.
Jesu aisareva kuti hatifaniri kufunga kana kuronga nezveramangwana. (Zvirevo 21:5) Asi aitibatsira kuti tisanyanya kunetseka, kana kuzvidya mwoyo, pamusoro pezvingangoitika mangwana. Kuzvidya mwoyo kwakadaro kunogona kutibira mufaro wedu uye kutitadzisa kuisa pfungwa pane zvatinofanira kuita. Hatikwanisi kugadzirisa matambudziko achaitika mangwana nekunetseka nezvawo nhasi. Uye kakawanda kacho zvatinotyira hazviwanzoitiki kana kuti hazvizonyanyi kushata sezvataifungidzira.
Mashoko akapoteredza Mateu 6:34
Mashoko aya akataurwa naJesu mumharidzo yake yepagomo yakakurumbira, inowanika muzvitsauko 5 kusvika ku7 zvaMateu. Mumharidzo iyi, Jesu akatsanangura kuti kunyanya kuzvidya mwoyo hakuvandudzi upenyu hwedu kana kutiwedzera mazuva ekurarama. (Mateu 6:27) Akataurawo kuti patinoisa Mwari pekutanga muupenyu hwedu, hatifaniri hedu kunyanya kunetseka nezvamangwana. Mwari anochengeta zvirimwa nemhuka; achachengetawo vaya vanomushumira.—Mateu 6:25, 26, 28-33.
Verenga Mateu chitsauko 6 pamwe chete nemashoko emuzasi, mavhesi anoenderana nearimo, uye tarisa mapikicha.
Zvimwe Zvaunogona Kufarira
KUTSANANGURWA KWEMAVHESI
Kutsanangurwa kwaVaFiripi 4:6, 7—“Musazvidya Mwoyo Nezvechinhu Chero Chipi Zvacho”
Minyengetero yakaita sei ingapiwa nevanamati vaMwari kuti vasanyanye kunetseka uye kuti vawane rugare mumwoyo mavo?
DZIMWE NYAYA
Bhaibheri Rinogona Kubatsira Varume Vanozvidya Mwoyo
Vanhu vanozvidya mwoyo vari kuramba vachiwedzera munguva dzino dzakaoma. Bhaibheri ringakubatsira here kana uchizvidya mwoyo?
ESSENTIAL BIBLE TEACHINGS
Mwari Anoteerera Minyengetero Yese Here?
Ko kana munyengetero wemunhu uri weudyire? Ko kana murume achishungurudza mudzimai wake asi onyengetera kuti Mwari amukomborere?
DZIMWE NYAYA
Zvaungaita Kuti Usanyanya Kuzvidya Mwoyo
Mazano api nemavhesi eBhaibheri anogona kukubatsira kuti usazvidya mwoyo?
ZVINODZIDZISWA NEBHAIBHERI
Zvekushandisa Pakudzidza Bhaibheri
Sarudza zvekushandisa pakudzidza Bhaibheri zvaunoda kuti unakidzwe nekudzidza kwacho.
ZVINODZIDZISWA NEBHAIBHERI
Imboedza Kuita Kosi yeBhaibheri
Dzidza Bhaibheri uchibatsirwa nemumwe munhu.
