Bonkhe Bantfu Bafuna Kuba Nelikusasa Lelijabulisako
Wena ufuna kuba nelikusasa lelinjani? Siyaciniseka kutsi njengabo bonkhe bantfu, nawe ufuna kuba nelikusasa lelijabulisako, imphilo lenhle, kuthula nemphumelelo ukanye nemndeni wakho.
Nobe kunjalo, bantfu labanyenti bayangabata kutsi likusasa labo litawuba njengobe bafisa. Tintfo letinjengesifo i-COVID-19, tenteke ngekushesha tingakalindzeleki futsi tatsintsa indlela bantfu labaphila ngayo, tabangela buphuya, tabulala nebantfu labanyenti. Loku kwente bantfu bakhatsateka kakhulu ngelikusasa labo.
Ngenca yekutsi abaciniseki, bantfu bafuna intfo lengabasita kutsi babe nelikusasa lelijabulisako. Labanye batsembela emandleni langabonakali, njengekuba nenhlanhla. Labanyenti bafuna imfundvo nebunjinga, ngobe bacabanga kutsi letintfo titawubenta bakutfole loko labakufunako. Labanye beva shengatsi kuba ngumuntfu lolungile ngiko labakudzingako kuze babe nemphilo lejabulisako.
Ikhona yini kuletindlela lengakusita utfole likusasa lolifunako? Kuze utfole imphendvulo kufanele ucabange nganayi imibuto:
Yini lencuma kutsi utawuba nelikusasa lelinjani?
Imfundvo nemali ingakwenta yini kutsi ube nemphilo lejabulisako?
Kuba ngumuntfu lolungile kungakwenta yini ube nelikusasa lelijabulisako?
Ungasitfolaphi sicondziso longasetsemba selikusasa lelijabulisako?
Le-Sicongosekulindza singakusita utfole timphendvulo talemibuto.
Lokunye Longatsandza Kukuhlola
LETINYE TIHLOKO
Litsemba Sibili Ngelikusasa Lelihle
Yini leyenta tetsembiso letiseBhayibhelini tehluke kunaleto letentiwa bantfu?
TIMFUNDZISO TELIBHAYIBHELI LETIBALULEKILE
Uyini UMbuso WaNkulunkulu?
Ngesikhatsi alapha emhlabeni, Jesu bekafundzisa kakhulu ngeMbuso waNkulunkulu kwendlula nobe ngabe yini lenye. Sekuphele iminyaka leminyenti bantfu bathantazela kutsi loMbuso ufike.
TIMFUNDZISO TELIBHAYIBHELI LETIBALULEKILE
Yini Lengasenta Sikholwe Kutsi LiBhayibheli Liliciniso?
Nangabe liBhayibheli labhalwa nguNkulunkulu, loko kusho kutsi kufanele lingafani naletinye tincwadzi.
MAYELANA NATSI
Cela Kuvakashelwa
Coca ngembuto lomayelana neliBhayibheli nobe ufundze lokunyenti ngaBoFakazi BaJehova.
