Isaya 9:1-21
9 Nome kunjalo, bumnyama ngeke bufanane nangalesikhatsi lelive lihluphekile. Ngeke kufanane nesikhatsi sangaphambili lapho live lakaZebuloni kanye nelive lakaNaftali edzelelwa.+ Kodvwa ngekuhamba kwesikhatsi Nkulunkulu utawubangela kutsi lihlonishwe endleleni leyendlula ngaselwandle, esifundzeni saseJordane, iGalile yebetive.
2 Bantfu lebebahamba ebumnyameniSebabone kukhanya lokukhulu.
Labo labahlala eveni lelinelitfunti lelimnyama,Kukhanya sekubakhanyisele.+
3 Usente sandza lesive;Wente kujabula kwaso kwaba kukhulu kakhulu.
Siyajabula embikwakhoNjengebantfu labajabulako ngesikhatsi sekuvuna,Nanjengebantfu labehlukaniselana ngenjabulo tintfo labatitsetse kulababancobile.
4 Ngobe wena uphihlite lijoka lemtfwalo wabo laba ticucu,Uphihlite indvuku lesemahlombe abo, indvuku yalobaphetse lolindzele kutsi basebente kamatima,Njengalelilanga lokwancotjwa ngalo lakaMidiyani.+
5 Lonkhe libhudze lelinyakatisa umhlaba nalimashaNato tonkhe timphahla letenyiwe engatiniKutawuba tintfo tekuvutsisa umlilo.
6 Ngobe sitalelwe umntfwana,+Siphiwe indvodzana;Kubusa* kutawuba semahlombe akhe.+
Libito lakhe kutawutsiwa nguMeluleki Lomangalisako,+ Nkulunkulu Lonemandla,+ Babe Waphakadze, Sikhulu Sekuthula.
7 Kwandza kwekubusa* kwakheNekuthula angeke kuphele,+Esihlalweni sebukhosi saDavide+ nasembusweni wakheKuze usimamiswe+ futsi ulondvolotweNgekulunga+ nangebucotfo,+Kusukela nyalo kuze kube phakadze.
Inshisekelo yaJehova wemabutfo itakwenta loko.
8 Jehova utfumele livi lelimelene naJakobe,Futsi selimelene na-Israyeli.+
9 Bonkhe bantfu bayawukwati lokoBaka-Efrayimu nebantfu baseSamariya.
Ngekutikhukhumeta nangekudvwala kwenhlitiyo batsi:
10 “Titini tidzilikileKodvwa sitakwakha ngematje lalungiswe kahle.+
Tihlahla temsikhamori tigawuliwe,Kodvwa sitawusebentisa temsedari esikhundleni sato.”
11 Jehova utawubangela kutsi titsa taResini timvukeleFutsi utawubangela kutsi titsa takhe timtsatsele sinyatselo,
12 ISiriya emphumalanga kanye nemaFilisti enshonalanga,*+Batawucotfula ema-Israyeli ngemilomo lekhamisile.+
Ngenca yako konkhe loko, intfukutselo yakhe ayikabuyeli emuva,Kodvwa sandla sakhe solo selulekile kuze sibhubhise.+
13 Ngobe bantfu abakabuyeli kuLoyo lobashayako;Abakamfuni Jehova wemabutfo.+
14 Ka-Israyeli Jehova utawujubaInhloko nemsila, lihlumela netjani lobudze* ngelilanga linye.+
15 Lomdzala lohlonishwa kakhulu uyinhloko,Futsi umphrofethi loniketa ticondziso letingemanga, ungumsila.+
16 Baholi balabantfu bababangela kutsi bazulazule,Labo labaholwako badidekile.
17 Kungako Jehova angeke ajabule ngemajaha abo,Futsi angeke abe neluvelo ngebantfwababo labete bobabe* kanye nebafelokati baboNgobe bonkhe batihlubuki, benta tintfo letimbi+Futsi bonkhe bakhuluma tintfo letingenangcondvo.
Ngenca yako konkhe loko, intfukutselo yakhe ayikabuyeli emuva,Kodvwa sandla sakhe solo selulekile kuze sibhubhise.+
18 Ngobe bubi bushisa njengemlilo,Bushisa tihlahla temanyeva nelukhula.
Butawushisa emahlatsi,Futsi benyuke njengentfutfu lesamafu.
19 Ngentfukutselo yaJehova wemabutfoLelive selilunyekwe ngemlilo,Futsi bantfu batawuba tintfo tekuvutsisa umlilo.
Kute lotawusindzisa ngisho nemnakabo.
20 Umuntfu utatijuba yena ngesekudlaKodvwa utawube solo alambile;Lomunye utatijuba ngesenceleKodvwa ngeke esutse.
Nguloyo naloyo utawudla inyama yemkhono wakhe,
21 Manase utawushwabadzela Efrayimu,Efrayimu ashwabadzele Manase.
Batawumelana naJuda kanyekanye.+
Ngenca yako konkhe loko, intfukutselo yakhe ayikabuyeli emuva,Kodvwa sandla sakhe solo selulekile kuze sibhubhise.+
Imibhalo lengentansi
^ Nobe “hulumende; kubusa kwesikhulu.”
^ Nobe “hulumende; kubusa kwesikhulu.”
^ NgesiHebheru kutsi, “ngemuva.”
^ Kungaphindze kubekwe ngekutsi, “ligala lesihlahla selusundvu nemhlanga.”
^ Nobe “tintsandzane tabo.”
