Tihlabelelo 72:1-20
Ingoma lemayelana naSolomoni.
72 Awu Nkulunkulu, fundzisa inkhosi ngetehlulelo takho,Uyifundzise nangekulunga kwakho.+
2 Shengatsi ingehlulela bantfu bakho ngekulunga,Futsi ibehlulele kahle bantfu bakho labangenabani.+
3 Shengatsi tintsaba tingaletsela bantfu kuthula,Nemagcuma aletse kulunga.
4 Shengatsi ingavikela bantfu labangenabani,Isindzise emadvodzana alabeswele,Futsi ibhubhise labacindzetela labanye.+
5 Awu Nkulunkulu, batawesaba wena kuze kube phakadze njengobe nelilanga litawuba khona phakadzeNanjengobe inyanga itawuhlala ikhona,Kusukela kulesinye situkulwane kuya kulesinye.+
6 Inkhosi itawufanana nemvula leyehlela etjanini lobujutjiwe,Ifanane nemvula lenisela umhlaba.+
7 Nasekubusa yona, bantfu labalungile batawuphumelela,+Kwandze kuthula+ kuze kube phakadze.
8 Itawubusa kusukela kulolunye lwandle kuya kulolunyeIbuse kusukela eMfuleni iYufrathe* kuze kuyofika emikhawulweni yemhlaba.+
9 Bantfu labahlala elugwadvule batayikhotsamela,Futsi itawutincoba titsa tayo.+
10 Emakhosi aseThashishi newasetihlengeni atayiletsela tipho.+
Emakhosi aseSheba newaseSeba nawo atayiletsela tipho.+
11 Onkhe emakhosi atayikhotsamela,Futsi tonkhe tive titayisebentela.
12 Ngobe itawukhulula lohluphekile lokhalela lusito,Ikhulule lophansi kanye naloyo lote longamsita.
13 Itamvela lophansi nalohluphekile,Futsi itawusindzisa kuphila kwalabahluphekile.
14 Itawubakhulula ekucindzetelweni nasebudloveni,Nengati yabo itawuba ligugu kuyo.
15 Shengatsi ingaphila sikhatsi lesidze futsi iniketwe ligolide laseSheba.+
Shengatsi bantfu bangachubeka bayithantazela,Futsi bayibusise onkhe malanga.
16 Kutawuba nenala yekudla emhlabeni;+Kube kunyenti ngisho naseticongweni tetintsaba.
Sivuno senkhosi sitawuba sikhulu njengesaseLebanoni,+Futsi emadolobheni bantfu batawuba banyenti njengetjani lobusemhlabeni.+
17 Shengatsi libito layo lingahlala phakadze,+Shengatsi lingachubeka latiwa, yingci nje nakusekhona lilanga.
Shengatsi bantfu bangabusiswa ngayo;+Shengatsi tonkhe tive tingayidvumisa.
18 Akadvunyiswe Jehova Nkulunkulu, longuNkulunkulu wema-Israyeli,+Lokunguye yedvwa lowenta tintfo letinhle.+
19 Shengatsi libito lakhe lelikhatimulako lingadvunyiswa kuze kube phakadze,+Nenkhatimulo yakhe igcwale umhlaba wonkhe.+
Amen, yebo Amen.
20 Iphela lapha imithantazo yaDavide, indvodzana yaJese.+
Imibhalo lengentansi
^ NgesiHebheru kutsi, “eMfuleni.”
