Re mamela melao ya Bibele mabapi le lenyalo le tlhalo. Modimo o entse lenyalo hore e be tlamo ya ka ho sa feleng pakeng tsa monna le mosadi. Lebaka le le leng feela leo Bibele e le dumellang hore motho a ka hlala ke haeba molekane e mong a entse bofebe.​—Matheu 19:​5, 6, 9.

 E, ka ditsela tse sa tshwaneng:

•   Dingolwa. Ho dula ho e na le dihlooho tse buang kamoo malapa a ka matlafatsang manyalo a ona kateng, esita le manyalo ao ho bonahalang a ke ke a loka ho hang. Ka mohlala, sheba dihlooho tse reng “Ho Phelela Boitlamo ba Lona ba Lenyalo,” “Tsela ya ho Tshwarela,” le se reng “Le ka Etsa Jwang Hore le Boele le Tshepane Lenyalong.”

•   Diboka. Ho na le dipuo tse fanwang dibokeng tsa rona tsa phutheho, dikopanong tse kgolo le tse nyenyane tse nang le dikeletso tse sebetsang bakeng sa manyalo.

•   Baholo. Baholo ba phutheho ba fana ka thuso ho banyalani, ba sebedisa mangolo a kang Baefese 5:​22-​25 bakeng sa keletso.

 Tjhe. Esita le haeba baholo ba ka thusa banyalani ba nang le mathata a tebileng, ba ke ke ba bolella banyalani bao hore ba lokela ho nka qeto efe. (Bagalata 6:5) Le ha ho le jwalo, haeba motho a kgetha ho hlala molekane wa hae empa a se na mabaka a Bibele a mo dumellang ho etsa jwalo, a ke ke a ba le ditokelo ka hara phutheho ebile Bibele ha e mo dumelle hore a ka nyala hape.​—1 Timothea 3:​1, 5, 12.

 Bibele e kgothalletsa banyalani hore ba dule mmoho esita le haeba maemo e se ao ba neng ba a lebelletse. (1 Bakorinthe 7:​10-​16) Mathata a mangata a ka kgona ho lokiswa haeba banyalani ba rapela ka tiyo, ba sebedisa dikeletso tsa Bibele ebile ba bontshana lerato.​—1  Bakorinthe 13:​4-8; Bagalata 5:​22.

 Le ha ho le jwalo, ho na le maemo a fetelletseng ao ho ona Mokreste a ka nkang qeto ya hore o arohana le molekane wa hae:

•   Haeba molekane e mong a sa hlokomele lelapa.​—1 Timothea 5:8.

•   Haeba molekane e mong a otla e mong.​—Pesaleme ya 11:5.

•   Haeba molekane e mong a o sitsisa ho sebeletsa Modimo. Ka mohlala, molekane e mong a ka nna a leka ho qobella Paki ya Jehova ho tlola molao wa Modimo ka tsela e itseng, molekane ya tshosetswang a ka nna a nka qeto ya hore ba arohane e le ha a batla ho “mamela Modimo e le mmusi ho e na le batho.”​—Liketso 5:​29.