Diproverbia 12:1-28
12 Ya ratang tayo o rata tsebo+Empa ya hloileng ho kgalemelwa ha a na kelello.*+
2 Jehova o rata motho ya lokilengEmpa o nyatsa motho ya nang le merero e mebe.+
3 Motho a ke ke a itshireletsa ka ho ba kgopo+Empa ba lokileng ba tla tshwana le sefate se ke keng sa fotholwa.
4 Mosadi wa sebele ke korone ho monna wa hae+Empa mosadi ya diketso di tlotlollang o jwalo ka lefu le bodisang masapo ho monna wa hae.+
5 Menahano ya ba lokileng e na le tokaEmpa keletso ya ba kgopo e a thetsa.
6 Mantswe a ba kgopo a jwalo ka sera se laletseng ho bolaya*+Empa mantswe a ba lokileng a a lopolla.+
7 Ha ba kgopo ba dihuwa ba ke ke ba hlola ba eba tengEmpa ntlo ya ba lokileng e tla nne e eme.+
8 Motho o roriswa ka lebaka la mantswe a hae a bohlale+Empa ya pelo e mpe a ke ke a hlomphuwa.+
9 Ho molemo ho kgellwa fatshe empa o ena le mosebeletsiHo ena le ho ithorisa empa o bolawa ke tlala.*+
10 Ya lokileng o hlokomela diphoofolo tsa hae.+
Ya kgopo yena o nahana hore o mohau empa ha e le hantle o sehloho.
11 Ya lemang masimo a hae o tla fumana dijo tse ngata+Empa ya phehellang dintho tse se nang thuso ha a na kelello.*
12 Ya kgopo o kgalla phofu ya ba bang ba kgopoEmpa ba lokileng ba jwalo ka difate tse metso e tebileng mme ba beha ditholwana.
13 Motho ya kgopo o tshwaswa ke dipuo tsa hae tse mpe+Empa ya lokileng o pholoha mahlomoleng.
14 Motho o atlehiswa ke dipuo tsa hae tse ntle*+Mme mesebetsi ya matsoho a hae e tla mo putsa.
15 Lewatla le nahana hore le etsa dintho ka tsela e nepahetseng+Empa ya bohlale o mamela keletso.*+
16 Lewatla le potlakela ho bontsha hore le halefile+Empa ya bohlale o iphapanyetsa ditlhapa.
17 Paki e tshepahalang e bua nneteEmpa paki ya bohata e bua leshano.
18 Dipuo tse sa nahanwang di hlaba jwalo ka saboleEmpa dipuo tsa* ba bohlale di a fodisa.+
19 Melomo e buang nnete e tla mamella ka ho sa feleng+Empa leleme le buang leshano le ke ke la tshwarella.+
20 Thetso e ka dipelong tsa ba rerang bobeEmpa ba bopang* kgotso ba na le thabo.+
21 Ba lokileng ba ke ke ba hlahelwa ke letho le kotsi+Empa bophelo ba batho ba kgopo bo tla tlala mathata.+
22 Jehova o nyonya batho ba leshano+Empa o thabiswa ke ba tshepahalang.
23 Motho ya bohlale ha a boledise tsebo ya haeEmpa lewatla le phatlalatsa bothoto ba lona.+
24 Ba kgothetseng ba tla busa+Empa ba botswa e tla ba makgoba.+
25 Matshwenyeho a tetebetsa pelo ya motho+Empa lentswe le nepahetseng le a e hlabolla.+
26 Ya lokileng o batlana le makgulo a mo loketsengEmpa tsela ya ba kgopo e a ba lahla.
27 Motho ya botswa a ke ke a tshwasa phofu+Empa ho kgothala ke leruo la motho la bohlokwa.
28 Tsela ya ho loka e lebisa bophelong.+Ya tsamayang tseleng eo a ke ke a shwa.
Dintlha tse qetellong ya sehloho
^ Kapa: “ha a inahane.”
^ Ka Seheberu: “se laletseng madi.”
^ Ka Seheberu: “o se na bohobe.”
^ Ka Seheberu: “o na le pelo e haellwang.”
^ Kapa: “ditholwana tsa molomo wa hae.”
^ Kapa: “kgalemelo.”
^ Kapa: “maleme a.”
^ Ka Seheberu: “ba rerang.”
