Diproverbia 19:1-29
19 Ho molemo ho futsaneha empa o tshepahala+Ho feta ho ba sethoto o bile o bua leshano.+
2 Ha se ntho e ntle hore motho a hloke tsebo,+Ya etsang dintho ka lepotlapotla* o etsa sebe.
3 Bowatla ba motho bo mo lebisa tseleng e fosahetsengEbe pelo ya hae e halefela Jehova.
4 Motho ya ruileng o ba le metswalle e mengataEmpa motho ya futsanehileng o tla lahlwa le ke motswalle wa hae ya mong.+
5 Paki ya bohata e tla fumana kotlo,+Motho ya leshano a ke ke a phonyoha.+
6 Ba bangata ba batla ho ratwa ke mohlomphehi*Mme e mong le e mong ke motswalle wa motho ya fanang ka dimpho.
7 Bana ba bo mofutsana ba mo hloile kaofela.+
Metswalle ya hae e mo furaletse le ho feta.+
O dula a ba kopa empa ha ba na taba le yena.
8 Ya batlang bohlale* o a ithata.+
Ya ratang* temoho o tla atleha.*+
9 Paki ya bohata e tla fumana kotlo,Ya leshano o tla timela.+
10 Sethoto ha se tshwanelwe ke ho hafa ka nkatanaFeela jwalo ka ha mohlanka a sa tshwanelwe ke ho busa dikgosana.+
11 Motho ya nang le temoho o dieha ho halefa+Mme o tla hlomphuwa ka lebaka la ho iphapanyetsa phoso.*+
12 Kgalefo ya morena e tshwana le ho rora ha tau*+Empa lerato la hae le jwalo ka phoka hodima dimela.
13 Mora ya hlokang kelello o tlisetsa ntate wa hae ditsietsi.+
Mosadi ya ratang dikgang* yena o tshwana le marulelo a dulang a nela.+
14 Ntlo le maruo ke lefa le tswang ho bontateEmpa mosadi ya bohlale ke mpho e tswang ho Jehova.+
15 Motho ya botswa o rata boroko haholo.
Motho ya sa batleng ho sebetsa o tla lapa.+
16 Ya mamelang taelo o boloka bophelo ba hae,+Ya sa tsotelleng ditsela tsa hae o tla shwa.+
17 Ya hauhelang mofutsana o adima Jehova+Mme O tla mo putsa* ka lebaka la seo a se entseng.+
18 Kgalemela mora wa hao ha monyetla o sa le teng+E le hore o se ke wa ba molato ha a se a shwele.+
19 Ha motho e le sefelapelwana o tla lefa ha boima.
Ha o ka leka ho mo lopolla, o tla dula o mo lopolla nako le nako.+
20 Mamela keletso mme o amohele kgalemelo+E le hore o hlalefe ka moso.+
21 Merero e ka pelong ya motho e mengataEmpa morero wa Jehova o tla ema o tiile.+
22 Ntho e kgahlehang ho motho ke lerato+Ebile ho molemo ho futsaneha ho ena le ho ba motho ya leshano.
23 Ho tshaba Jehova ho lebisa bophelong,+Ya mo tshabang o tla phela ka boiketlo, ha ho na letho le tla mo ntsha kotsi.+
24 Ya botswa o kentse letsoho la hae ka sekotlolong se seholoEmpa o tswafa le ho le isa ka hanong la hae.+
25 Shapa mosomi+ e le hore ya se nang tsebo a ka hlalefa,+Kgalemela ya bohlale e le hore a eketse tsebo ya hae.+
26 Ya tshwarang ntate wa hae hampe le ya lelekang mme wa haeKe mora ya swabisang le ya tlotlollang.+
27 Mora wa ka, haeba o kgaotsa ho mamela ha o lauwa,O tla kgeloha dithuto tsa tsebo.
28 Paki e kgopo e nyefola toka,+Batho ba kgopo ba natefelwa ke ho etsa bokgopo.+
29 Basomi ba emetswe ke kahlolo+Le mekokotlo ya ba hlokang kelello e emetswe ke phafa.+
Dintlha tse qetellong ya sehloho
^ Ka Seheberu: “ya potlakang ka maoto a hae.”
^ Kapa: “motho ya fanang.”
^ Kapa: “Ya sepheo se setle.” Ka Seheberu: “Ya batlang pelo.”
^ Ka Seheberu: “o tla fumana se molemo.”
^ Kapa: “bolokang.”
^ Kapa: “tlolo.”
^ Kapa: “tawana e moetse.”
^ Kapa: “dikomang.”
^ Kapa: “buseletsa.”
