Diproverbia 29:1-27
29 Motho ya satalatsang molala* ka mora ho kgalemelwa ka makgetlo+O tla tswa kotsi mme a ke ke a fola.+
2 Ha batho ba lokileng ba le bangata, setjhaba se a thabaEmpa ha ho busa motho ya kgopo, setjhaba se a lla.+
3 Motho ya ratang ho ba bohlale o thabisa ntate wa hae+Empa ya iketsang motswalle wa matekatse o senya maruo.+
4 Morena o tsitsisa puso ya hae ka toka+Empa motho ya batlang tjotjo o a e diha.
5 Monna ya rorisang motswalle wa hae ho tlolaO tjhehela maoto a motswalle wa hae leraba.+
6 Motho ya kgopo o tshwaswa ke phoso ya hae+Empa ya lokileng o hweletsa ka thabo le ho nyakalla.+
7 Motho ya lokileng o amehile ka ditokelo tsa bafutsana+Empa ya kgopo ha a ba tsotelle.+
8 Batho ba ithorisang ba tjhesa motse+Empa ba bohlale ba leleka bohale.+
9 Ha motho ya bohlale a entse kgang le lewatla,Ba tla qwaketsana, ba somane empa ba ke ke ba kgotsofala.+
10 Batho ba ratang ho bolaya ba hloile mang kapa mang ya se nang molato,+Ba batla ho bolaya batho ba lokileng.*
11 Motho ya se nang kelello o ntsha kgalefo ya hae+Empa motho ya bohlale o a e laola.+
12 Ha mmusi a mamela mashano,Bahlanka ba hae kaofela ba tla ba kgopo.+
13 Mofutsana le mohatelli ba tshwana ka ntho ena:*
Jehova o ba fa bophelo* ba le babedi.
14 Ha morena a ahlola bafutsana ka toka,+Terone ya hae e tla dula e tiile.+
15 Thupa* le kgalemelo di a hlalefisa+Empa ngwana ya sa kgalemelweng o hlabisa mme wa hae dihlong.
16 Ha batho ba kgopo ba ngatafala, bokgopo bo a eketsehaEmpa ba lokileng ba tla ba bona ha ba wa.+
17 Kgalemela mora wa hao mme o tla o tlisetsa phomolo,O tla o thabisa* haholo.+
18 Moo ho se nang pono* batho ha ba laolehe+Empa ho thaba ba mamelang molao.+
19 Mohlanka a ke ke a kgalemelwa ka mantswe feelaHobane le hoja a utlwisisa, ha a mamele.+
20 Na o kile wa bona motho ya potlakelang ho bua?+
Ho na le tshepo ya hore motho ya se nang kelello a ka fetoha ho feta hore yena a fetohe.+
21 Haeba mohlanka a tefiswa ho tloha a sa le motjha,Ha morao e tla ba motho ya se nang teboho.
22 Motho ya bohale o baka diqabang.+
Mang kapa mang ya ratang ho halefa o etsa diphoso tse ngata.+
23 Boikgohomoso ba motho bo tla mo kokobetsa+Empa ya ikokobeditseng* o tla roriswa.+
24 Motswalle wa leshodu o itlhoile.
A ka nna a laelwa hore a fane ka bopaki empa ha a tlalehe letho.+
25 Ho tshaba* batho ke* leraba+Empa ya tshepang Jehova o tla sireletswa.+
26 Batho ba bangata ba batla ho ratwa ke* mmusiEmpa toka e tswa ho Jehova.+
27 Batho ba lokileng ba nyonya motho ya se nang toka+Empa motho ya kgopo o nyonya batho ba etsang dintho tse lokileng.+
Dintlha tse qetellong ya sehloho
^ Kapa: “etsang manganga.”
^ Kapa mohlomong: “Empa ya lokileng o batla ho sireletsa bophelo ba hae.”
^ Ka Seheberu: “ba a kopana.”
^ Ka Seheberu: “o kgantsha mahlo a bona.”
^ Kapa: “Kotlo.”
^ Kapa: “O tla thabisa moya wa hao.”
^ Kapa: “pono ya boprofeta; tshenolo.”
^ Ka Seheberu: “ya moya o ikokobeditseng.”
^ Kapa: “Ho thothometswa ke.”
^ Kapa: “ho tjheha.”
^ Kapa mohlomong: “ba batla ho amoheleha ho.” Ka Seheberu: “ba batla sefahleho sa.”
