KGAOLO YA 55
O ka Thusa Phutheho ya Heno Jwang?
Batho ba dimilione lefatsheng lohle ba sebeletsa Jehova ba thabile diphuthehong tse dikete. Ba ananela thuto le tataiso eo ba e fuwang mme ba thabela ho tshehetsa phutheho ka ditsela tse ngata. Na le wena o ikutlwa jwalo ka phutheho ya heno?
1. O ka sebedisa matla le nako ya hao jwang ho thusa phutheho?
Kaofela ha rona re ka thusa ka phuthehong. Ka mohlala, na phuthehong ya heno ho na le batho ba hodileng kapa ba kulang? Na o ka ba thusa hore ba kgone ho ya dibokeng? Kapa na o ka ba thusa ka dintho tse ding, jwalo ka ho ba ela mabenkeleng kapa ho ba thusa ka mosebetsi wa ka tlung? (Bala Jakobo 1:27.) Re ka boela ra ithaopela ho hlwekisa le ho hlokomela Holo ya rona ya Mmuso. Ha ho na motho ya re qobellang ho etsa dintho tsena. Ka ha re rata Modimo le banababo rona, re thusa phutheho “ka ho rata.”—Pesaleme ya 110:3.
Dipaki tse kolobeditsweng di ka thusa phutheho ka ditsela tse ding hape. Barababo rona ba tshwanelehang e ka ba bahlanka ba sebeletsang mme ha morao ya ba baholo. Bara le baradibabo rona ba ka tshehetsa mosebetsi wa ho ruta batho Bibele ka hore e be bopulamadiboho. Dipaki tse ding di ka thusa ka ho haha dibaka tsa borapedi kapa ka ho fallela diphuthehong tse hlokang thuso ka ditsela tse ding.
2. Re ka sebedisa tjhelete ya rona kapa dintho tseo re nang le tsona jwang ho thusa phutheho?
Re ka “hlompha Jehova ka dintho tsa [rona] tsa bohlokwa.” (Liproverbia 3:9) Re thabela ho nehela ka tjhelete le ka dintho tse ding e le hore re tshehetse phutheho ya habo rona le mosebetsi wa ho ruta batho Bibele o etswang lefatsheng lohle. (Bala 2 Bakorinthe 9:7.) Menehelo ya rona e boetse e sebedisetswa ho thusa ha ho hlahile dikoduwa. Batho ba bangata ba kgetha ho ‘behella ka thoko ho hong’ hore ba fane ka monehelo ka mehla. (Bala 1 Bakorinthe 16:2.) Re ka fana ka tjhelete re sebedisa mabokose a monehelo a dibakeng tsa rona tsa borapedi kapa Inthaneteng ho donate.mr1310.com. Jehova o re fa monyetla wa ho bontsha hore re a mo rata ka tsela eo re kgethang ho sebedisa dintho tsa rona tsa bohlokwa ka yona.
ITHUTE DINTLHA TSE DING
Nahana ka ditsela tse ding tseo o ka thusang phutheho ka tsona.
3. Re ka sebedisa dintho tsa rona tsa bohlokwa
Jehova le Jesu ba rata batho ba thabelang ho fana. Ka mohlala, Jesu o ile a babatsa mosadi wa mohlolohadi ya ileng a ntsha monehelo le hoja a ne a futsanehile. Bala Luka 21:1-4 ebe le buisana ka dipotso tsena:
-
Na re lokela ho nehela tjhelete e ngata e le hore re thabise Jehova?
-
Jehova le Jesu ba ikutlwa jwang ha re fana ka monehelo ho tswa pelong?
E le hore o bone hore na menehelo ya rona e sebediswa jwang, bapala VIDEO. Ka mora moo le buisane ka potso e latelang.
-
Menehelo e sebediswa jwang ho thusa diphutheho lefatsheng lohle?
4. Re ka ithaopela ho thusa
Mehleng ya ha ho ne ho ngolwa Bibele, barapedi ba Jehova ba ne ba sebetsa ka mafolofolo ho hlokomela dibaka tsa bona tsa borapedi. Ha ba a ka ba fana ka tjhelete feela. Bala 2 Likronike 34:9-11 ebe le buisana ka potso ena:
-
Baiseraele bohle ba ile ba etsang ho thusa ho hlokomela ntlo ya Jehova kapa sebaka sa borapedi?
Ho bona hore na Dipaki Tsa Jehova di etsisa mohlala oo o ka Bibeleng jwang, bapala VIDEO. Ka mora moo le buisane ka dipotso tse latelang.
-
Ke hobaneng ha ho le bohlokwa ho etsa hore Holo ya Mmuso ya habo rona e dule e hlwekile ebile e le maemong a matle?
-
O ka thusa ka ditsela dife tse ding?
5. Barababo rona ba ka sebetsa ka thata hore ba tshwanelehe ho fuwa boikarabelo ka phuthehong
Bibele e kgothalletsa banna ba Bakreste hore ba etse sohle seo ba ka se kgonang ho thusa phutheho. Ho bona mohlala wa sena, bapala VIDEO. Ka mora moo o arabe potso e latelang.
-
Videong ee, Thabiso o ile a etsang hore a kgone ho thusa phutheho haholwanyane?
Bibele e a re bolella hore na barababo rona ba lokela ho etsang hore e be bahlanka ba sebeletsang le baholo. Bala 1 Timothea 3:1-13 ebe le buisana ka dipotso tsena:
-
Barababo rona ba lokela ho etsang hore e be bahlanka ba sebeletsang le baholo?
-
Ba malapa a bona ba lokela ho itshwara jwang? (Sheba temana ya 4 le 11.)
-
Ha barababo rona ba leka ho etsa dintho tsena, ba thusa phutheho yohle jwang?
MOTHO A KA NNA A RE: “Dipaki Tsa Jehova di fumana tjhelete ya ho etsa mosebetsi wa tsona hokae?”
-
O tla mo araba jwang?
KAKARETSO
Jehova o thaba haholo ha re sebedisa nako, matla le dintho tsa rona tsa bohlokwa ho thusa phutheho.
Re Ithutileng?
-
Re ka sebedisa nako le matla a rona jwang ho thusa phutheho?
-
Re ka sebedisa dintho tsa rona tsa bohlokwa jwang ho thusa phutheho?
-
Wena o ka rata ho thusa phutheho jwang?
BATLA
Ithute hore na ke hobaneng ha mehleng ena Modimo a sa lebella hore barapedi ba hae ba ntshe karolo ya leshome.
“Ke Eng Seo Bibele e se Buang ka Karolo ya Leshome?” (Sehlooho se websaeteng)
Ho ya ka Bibele mesebetsi e itseng e lokela ho etswa ke banna ba kolobeditsweng. Ho tla etsahalang haeba mosadi ya kolobeditsweng a iphumana a tlameha ho etsa mesebetsi eo.
Bona ka moo Dipaki tse ding di bontshang sebete ka teng ka ho itela hore di isetse barapedimmoho le tsona dibuka le dimakasine.
Tsela eo ka Yona Barababo Rona ba Congo ba Fumanang Dingolwa Tsa Bibele (4:25)
Ithute hore na tsela eo mosebetsi wa rona o tshehetswang ka ditjhelete e fapane hole jwang le ya madumedi a mang.
“Mosebetsi wa Dipaki Tsa Jehova o Tshehetswa Jwang ka Tjhelete?” (Sehlooho se websaeteng)
