SEHLOOHO SE KA NTLE | NA BOITHABISO BO NANG LE BODEMONA BO KOTSI?
Na o Rata Boithabiso bo Nang le Bodemona?
Koranta ya The Wall Street e re: “Matsatsing ana, batho ba bangata ba rata boithabiso bo nang le bodemona. Boithabiso bona bo akarelletsa moo honang le dinwamadi, dithotsela, dipoko le moo batho ba kenwang ke bodemona.”
BATHO ba bangata ba thabela boithabiso bo nang le boloi le dinwamadi. Boithabiso bona bo hlaha haholo dibukeng, dimuving le dipapading tsa divideo.
Moprofesa Claude Fischer o re: “Dilemong tsa morao tjena, bodemona bo atile hobane esita le batjha ba bangata ba America, ba se ba kile ba ya dingakeng tse sebedisang bodemona.”
Kennete hore boithabiso bo nang le bodemona bo ile ba eba teng nakong e fetileng empa ho bonahala bo kgutla ka sekgahla se tshosang. Koranteng ya The Wall Street, Michael Calia o re: “Hona jwale batho ba bangata ba kenwa ke moya wa bosatane, ka lebaka la ho rata boithabiso bo nang le bodemona, bo akarelletsang dinwamadi, dithotsela le dipoko.”
Ripoto e nngwe e bontsha hore “dibukeng tse ngata, ho ngolwa ka dipoko kapa dithotsela mme batho ba ka etsang halofo lefatsheng lohle, ba dumela ho tsona.” Tlhahlobo e ngwe e entsweng America ke moprofesa Christopher Bader le Carson Mencken e hlahisa hore “hoo e kabang Maamerica kaofela a dumela bonyane mofuteng o le mong wa bodemona.”
Na ho thabela boithabiso bo nang le bodemona ke ho itlosa bodutu feela ho seng kotsi?
