Bontsha Lerato
Bothata
Ha ho be bonolo ho tlosa maikutlo a ho ba le kgethollo. Feela jwalo ka ha ho nka nako e telele le boiteko hore ho fediswe kokwanahloko e itseng ho jwalo feela le ka ho tlosa maikutlo a kgethollo. O ka etsang hore o se ke wa kgetholla batho ba bang?
Molaomotheo wa Bibele
“Le ikapese lerato, etswe ke tlamo e phethahetseng ya bonngwe.”—BAKOLOSE 3:14.
Seo e se bolelang, ho etsetsa ba bang dintho tse molemo, ho etsa hore batho ba momahane. Ha o bontsha batho ba bang lerato, seo se tla etsa hore o se ke wa ba le kgethollo mme se ka etsa hore o se ke wa ba le maikutlo a mabe ka batho ba bang.
Seo o ka se Etsang
Nahana ka hore na o ka etsang e le hore o bontshe batho bao o neng o na le maikutlo a fosahetseng ka bona lerato. Ha se hore o tlamehile ho etsa dintho tse kgolo. Leka ho etsa tse ding tsa dintho tse latelang:
Ka ketso e le nngwe feela ya ho bontsha lerato, o tla hlola ho ba le kgethollo
Ba tshware hantle ka hore o ba bulele monyako kapa ka hore o ba fe setulo sa hao ha le le dipalangweng tsa setjhaba.
Leka ho qoqa le bona hanyane, le hoja ba sa kgone ho bua puo ya hao hantle.
Eba le mamello haeba ba etsa dintho tseo o sa di utlwisiseng.
Ba bontshe kutlwelobohloko haeba ba bua ka mathata a bona.
O ka Nna wa Rata le Tsena
FADIMEHANG!
Tataiso e re Thusang Hore re Phedisane ka Kgotso le Batho ba Bang
Ke makgabane afe a ka re thusang hore re phedisane ka kgotso le batho ba bang?
