Jobo 16:1-22
16 Jobo a re:
2 “Nkile ka utloa lintho tse ngata tse tšoanang le tsena.
Kaofela ha lona le batšelisi ba likhathatso!+
3 Le tla qeta neng ho bua mantsoe aa a se nang thuso?
Ke’ng e etsang hore le bue ka tsela ee?
4 Le ’na ke ne nka bua joaloka lona.
Haeba le ne le le boemong ba ka,Ke ne nka bua lintho tse ngata tse le hanyetsang’Me ka le sisinyetsa hlooho.+
5 Ho e-na le hoo, ke ne ke tla bua mantsoe a le khothatsang,’Me matšeliso a ka a ne a tla le khatholla.+
6 Ebang kea bua, bohloko ba ka ha bo kokobele,+Leha ke thotse ha bo fokotsehe.
7 Empa Molimo o entse hore ke felloe ke matla,+O felisitse lelapa lohle la ka.
8 U boetse oa ntšoara ’me boemo boo ke leng ho bona ke bopaki ba seo,Kahoo, ho ota ha ka ho paka seo.
9 Khalefo ea hae e nthobile likoto ’me o ntlhoile.+
O ntsikitlanyetsa meno.
Sera sa ka se nchebile hampe.+
10 Ba buile lintho tse mpe ka ’na,+Hape ba ntelletse ka hore ba nkotle marameng,Ba ntlhasela ba le bangata.+
11 Molimo o fana ka ’na ho bashanyana,O ntahlela matsohong a ba khopo.+
12 Ke ne ke se na mathata empa a nthuhakanya,+A ntšoara ka morao molaleng eaba o nthoba likoto,O ikemiselitse ho ntlhasela.
13 Batho ba hae ba betsang metsu ba mpota-potile,+O arola liphio tsa ka+ a se na qenehelo,O qhalla nyooko ea ka fatše.
14 O ntse a mphunya masoba-soba,O mathela ho ’na joaloka lesole.
15 Ke rokile lesela le hoashang* e le hore ke koahele letlalo la ka,+’Me ke patile seriti* sa ka leroleng.+
16 Sefahleho sa ka se retetse ke ho lla,+’Me mahlo a ka a aparetsoe ke lefifi,*
17 Le hoja ke sa lematsa motho,Le thapelo ea ka e hloekile.
18 Uena lefatše, u se ke oa koahela mali a ka!+A tlohele hore a lle molemong oa ka!
19 Paki ea ka e maholimong,Ea ka mpakelang o sebakeng se phahameng.
20 Metsoalle ea ka ea ntšoma+Joale ke llela ho Molimo.+
21 Ho ke ho be le moahloli pakeng tsa motho le Molimo,Joalokaha a le teng pakeng tsa batho ba babeli.+
22 Ke saletsoe ke lilemo tse fokolang,Ke tl’o tsamaea ’me nke ke ka hlola ke khutla.+
