Jobo 30:1-31
30 Hona joale kea tšehoa,+Ke tšehoa ke banna ba banyenyane ho ’na,Bao ke neng nke ke ka lumela le hore bo-ntate ba bonaBa sale le lintja tse lebetseng mohlape oa ka.
2 Matla a bona a nthusitse ka’ng?
Hona joale a felile.
3 Ha ba na matla ka lebaka la tlalaLe ho se fumane lintho tseo ba li hlokang.
Ba hlafuna ntho leha e le efe eo ba e fumanang sebakeng se omeletseng le se senyehileng.
4 Ba kha semela sa letsoai lihlahleng.
Lijo tsa bona ke metso ea lifate tsa lefielo.
5 Baa lelekoa motseng.+
Batho ba ba leleka joalokaha eka ke masholu.
6 Ba phela likhohlong,*Ka likoting le mafikeng.
7 Ba lla ba le lihlahleng,Ba bokana nģa e le ’ngoe har’a lihlabahlabane.
8 Ke bara ba batho ba se nang kelello, ba se nang mabitso,Ba lelekiloe* naheng.
9 Empa hona joale ba ntšoma le lipineng tsa bona.+
Ke fetohile litšeho* ho bona.+
10 Baa ’nyonya ebile ha ba batle ho kopana le ’na.+
Ha ba tsoafe le ho ntšoela ka mathe sefahlehong.+
11 Kaha Molimo o entse hore ke se ke ka khona ho itšireletsa* a ba a nkokobetsa,Ba ntlhasela kamoo ba batlang kateng.
12 Ba ntlhasela ba hlaha ka lehlakoreng le letona e le sehlopha.
Baa ntelekisaEbile ba koetse tsela ea ka e le hore ke hlaheloe ke tlokotsi.
13 Ba senya litsela tsa ka,Ba eketsa litlokotsi tsa ka+Empa ha ho na motho ea ba thibang.*
14 Ba tla joalokaha eka ba kena leboteng le bulehileng.
Ha ba nkhauhele leha ke le mathateng.
15 Ke lula ke tšohile.
Seriti sa ka se fefohile joaloka moeaLe tšepo ea hore ke tla fumana thuso e nyametse joaloka maru.
16 Ke haufi le ho shoa,+Ke aparetsoe ke mathata.+
17 Bosiu ke opeloa ke masapo*+Le bohloko boo ke bo utloang ha bo fele.+
18 Seaparo sa ka se sentsoe hampe.*
Se nkhama joaloka k’holloro ea seaparo sa ka.
19 Molimo o ntahletse seretseng.
O ntheoletse leroleng le moloreng.
20 Ke ntse ke kopa thuso ho uena empa ha u nthuse.+
Leha ke tla ka pel’a hao u ncheba feela.
21 U mphetohetse oa ba oa ntšoara hampe+Ebile u ntlhorisa ka sehloho.
22 Oa mphahamisa ebe u etsa hore ke fefoloe ke moea.
U etsa hore ke bilike ka har’a sefefo.*
23 Kea tseba hore u tla mpolaea,Ke ee sebakeng seo batho bohle ba tl’o ea ho sona.
24 Empa ha ho na motho ea ka hlaselang motho ea mathateng,+Ea ntseng a kopa thuso.
25 Na ha kea llela bafutsanaLe batho ba neng ba e-na le mathata?*+
26 Le hoja ke ne ke lebeletse hore ho tla etsahala lintho tse ntle, ho etsahetse tse mpe.
Ke ne ke lebeletse khanya empa ho ile ha tla lefifi.
27 Ke ne ke tšoenyehile*Ebile ke aparetsoe ke matsatsi a tlokotsi.
28 Ke tsamaea ke nyahame+ ’me ha ke bone khanya ea letsatsi.
Ke ema ka pel’a sechaba ’me ke kopa thuso.
29 Ke fetohile ngoan’abo liphokojoeLe motsoalle oa malinyane a matšehali a mpshe.+
30 Letlalo la ka le letšo ebile le ebohile.+
Masapo a ka aa cha.*
31 Harepa ea ka e letsetsoa batho ba utloileng bohloko,Phala* ea ka e letsetsoa ba llang.
Linaletsana
^ Kapa: “liphula.”
^ Ka Seheberu: “shapiloe.”
^ Ka Seheberu: “maele.”
^ Ka Seheberu: “o khoehlisitse khoele ea seqha sa ka.”
^ Kapa mohlomong: “Empa ho se na motho ea ba thusang.”
^ Ka Seheberu: “masapo a ka a phuntsoe.”
^ Kapa mohlomong: “Mathata a ka a sentse ’mele oa ka.”
^ Kapa mohlomong: “o nqhibilihisa ka molumo o lerata oa sefefo.”
^ Kapa: “batho bao lintho li sa ba tsamaeleng hantle.”
^ Ka Seheberu: “Mala a ka a ile a lubeha.”
^ Kapa mohlomong: “ke feberu.”
^ Kapa: “lekolilo.”
