Jobo 39:1-30
39 Na oa tseba hore na lipoli tsa thaba li tsoala neng?+
Na u kile oa bona ha khama e tsoala?+
2 Na oa tseba hore na li emara likhoeli tse kae?
Na u tseba nako eo li tsoalang ka eona?
3 Li khumama fatše ha li tsoala,Ka mor’a moo, bohloko ba tsona ba ho tsoala boa fela.
4 Manamane a tsona a matona a ba matla ’me a holela naheng.
Aa tsamaea ebe ha a sa khutlela ho bo-’m’a ’ona.
5 Ke mang ea entseng hore tonki e hlaha* e iphelele ka bolokolohi,+Ke mang ea e fasolotseng?
6 Ke entse hore e lule lehoatateng,Ka etsa hore e lule naheng e letsoai.
7 E lula hole le motse o lerata.
Ha e utloe lerata la motho ea fang liphoofolo litaelo.
8 E tsamaea maralleng,E batla moo e ka fulang joang bo botala.
9 Na poho e hlaha e batla ho u sebeletsa?+
Na e ka qeta bosiu lesakeng* la hao?
10 Na u tla hula poho e hlaha ka ropo e le hore e u lemeleKapa na e tla u latela e le hore e leme* thota?
11 Na u tla tšepa matla a eonaU be u e lumelle hore e u etsetse mosebetsi o boima?
12 Na u ka kholiseha hore e tla u tlisetsa lijo tseo u li kotutseng*’Me e li bokelle seotlong* sa hao?
13 Mpshe e foka mapheo a eona e thabileEmpa na masiba a eona a ka tšoana le a mokotatsie?+
14 E siea mahe a eona fatše,E a siea a futhumetse mobung.
15 Ea lebala hore batho ba ka a hata ebe ba a pshatlaKapa hore liphoofolo tsa naheng li ka a hata.
16 E tšoara malinyane a eona hampe joalokaha eka ha se a eona.+
Ha e tšabe hore a ka shoa.
17 Molimo o entse hore e se ke ea e-ba bohlaleA ba a etsa hore e se ke ea e-ba le kutloisiso.
18 Empa ha e ema e foka mapheo a eona,E tšeha pere le motho ea e palameng.
19 Na ke uena ea fang pere matla?+
Na ke uena ea e apesang moetse?*
20 Na u ka etsa hore e qhome joaloka tsie?
E hemela holimo ka tsela e tšosang.+
21 E fata fatše ebe e ea ntoeng ka matla.+
22 E tšeha kotsi ’me ha e tšabe letho.+
Ha e khutlisoe ke sabole.
23 Mekotla ea metsu e ntse e e thula lehlakoreng,Lerumo le lerumo le betsoang li ntse li benya ha e matha.
24 E mathela pele ke thabo hobane e batla ho ea ntoeng,Ha e khone ho ema feela ha e utloa* molumo oa lenaka.
25 Ha e utloa molumo oa lenaka e re, ‘Aha!’
E nkhella ntoa e sa le holeEbile e utloa lerata la balaoli le molumo oa ntoa.+
26 Na ke uena ea rutileng phakoe ho fofela holimo,Hore e otlollele mapheo a eona ka boroa?
27 Kapa na ke uena ea laelang ntsu hore e fofele holimo+Le hore e hahe sehlaha sa eona moo ho phahameng haholo+
28 E le hore e robale lefikeng bosiuLe hore e lule moo ho sireletsehileng lefikeng?*
29 E batlana le lijo moo.+
Mahlo a eona a khona ho bona hole.
30 Malinyane a eona a noa mali.
Moo ho nang le litopo, u tla e fumana teng.”+
Linaletsana
^ Kapa: “onager” e leng mofuta oa tonki e hlaha.
^ Kapa: “sejelong.”
^ Kapa: “e thuhe.”
^ Ka Seheberu: “tlisetsa peo.”
^ Moo ho poleloang le ho olosetsoa teng.
^ Kapa: “moriri oa pere.”
^ Kapa mohlomong: “ha e lumele hore ke.”
^ Ka Seheberu: “motsung oa lefika.”
