Liproverbia 1:1-33
1 Maele a Solomone+ morena oa Iseraele,+ mora oa Davida:+
2 Maele ana a ngoletsoe hore motho a ithute* bohlale+ le ho mamela khalemelo,*A utloisise lipolelo tse tebileng,*
3 A amohele taeo+ e fanang ka kutloisiso e tebileng,E mo thusang ho ba motho ea lokileng,+ ho khona ho ahlola ka toka+ le ho tšepahala,*
4 A fa ba se nang boiphihlelo bohlale,+A fa mohlankana tsebo le bokhoni ba ho nahana.+
5 Motho ea bohlale oa mamela ’me o tsoela pele ho ithuta,+Motho ea nang le kutloisiso o fumana tataiso e nepahetseng.*+
6 O tla utloisisa maele le papiso,*Mantsoe a batho ba bohlale le lilotho tsa bona.+
7 Mohato oa pele oa ho fumana tsebo* ke ho hlompha* Jehova.+
Ke lithoto* feela tse hloileng bohlale le khalemelo.+
8 Mora oa ka, u mamele ha ntate oa hao a u khalemela.+
U se ke oa lahla lintho tseo ’mè oa hao a u rutileng tsona.*+
9 Ke korone e ntle hloohong ea hao+Le sefaha se setle molaleng oa hao.+
10 Mora oa ka, haeba baetsalibe ba leka ho u hohela, u se ke oa lumela.+
11 Haeba ba re: “A re ee.
A re ba lalleng e le hore re ba bolaee.
Re tla ipata, re lalle ba hlokang molato.
12 Re tla ba koenya ba phela feela joaloka Lebitla,*Re ba koenye ba feletse joaloka ba theohelang ka sekoting.
13 A re nkeng matlotlo ’ohle a bona,Re tla tlatsa matlo a rona ka thepa eo re e hapileng.
14 Tsamaea le rona,Re tla arolelana thepa eo re e utsoitseng.”*
15 Mora oa ka, u se ke oa tsamaea le bona.
U se ke oa hata mehlaleng ea bona.+
16 Maoto a bona a mathela ho etsa bobe,Ba potlakela ho tšolla mali.+
17 Ha ho na thuso ho chehela nonyana leraba moo e ntseng e bona.
18 Ke kahoo baetsalibe ba lallang batho ba se nang molato hore ba ba bolaee,Baa ipata e le hore ba ba timetse.
19 Ena ke mekhoa ea batho ba batlang maruo ka bolotsana’Me ba tla bolaoa ke ’ona.+
20 Bohlale ba ’nete+ bo hoeletsa seterateng.+
Bo ntse bo phahamisa lentsoe limmarakeng.+
21 Bo hoeletsa bo le literateng tse phetheselang,Bo le likeiting tsa motse bo re:+
22 “Lona ba se nang tsebo, le tla rata ho hloka tsebo ho fihlela neng?
Lona basomi, le tla thabela ho soma ho fihlela neng?
Lona ba se nang kelello, le tla hloea tsebo ho fihlela neng?+
23 Mamelang ha ke le khalemela*+’Me ke tla le fa bohlale,*Ke tla le thusa ho utloisisa mantsoe a ka.+
24 Kaha le ile la ’na la hana ha ke le bitsa,Le sa tsotelle ha ke otlolla letsoho la ka,+
25 La ’na la iphapanyetsa likeletso tsa ka’Me la hana khalemelo ea ka,
26 Le ’na ke tla le tšeha ha le hlaheloa ke koluoa,Ke tla le soma ha tlokotsi e tla,+
27 Ha tlokotsi e tla joaloka sefefo,Le koluoa ea lona e fihla joaloka setsokotsane,Ha le hlaheloa ke litsietsi le mahlomola.
28 Ka nako eo ba tla ’ne ba mpitse empa nke ke ka araba,Ba tla mpatla ba be ba khathale*+
29 Hobane ba ne ba hloile tsebo+Ebile ha baa ka ba khetha ho hlompha* Jehova.+
30 Ba hanne keletso ea ka,Ba nyefotse khalemelo eohle ea ka.
31 Kahoo, ba tla kotula seo ba se jetseng*+’Me ba khore merero ea* bona
32 Hobane ba se nang boiphihlelo ba tla bolaoa ke ho tsoa taolong,Ba se nang kelello ba bolaoe ke ho se tsotelle.
33 Empa ea ’mamelang o tla lula a sireletsehile,+A ke ke a khathatsoa ke ho tšaba tlokotsi.”+
Linaletsana
^ Ka Seheberu: “a tsebe.”
^ Kapa: “taeo.”
^ Kapa: “tsa bohlale.”
^ Kapa: “ho etsa se nepahetseng.”
^ Kapa: “e bohlale.”
^ Kapa: “polelo e thata.”
^ Ka Seheberu: “Motheo oa tsebo.”
^ Ka Seheberu: “ho tšaba.”
^ Ka Bibeleng, lentsoe “lithoto” le bolela motho ea sa hlompheng melao ea Jehova ka boomo.
^ Kapa: “oa lahla molao oa ’mè oa hao.”
^ Kapa: “Sheole.” Sheba Tlhaloso.
^ Kapa: “Re tla arolelana mokotla o le mong.”
^ Kapa: “Khutlang ha ke le khalemela.”
^ Ka Seheberu: “moea oa ka.”
^ Kapa: “empa ba ke ke ba mphumana.”
^ Ka Seheberu: “ho tšaba.”
^ Ka Seheberu: “ba tla ja litholoana tsa litsela tsa bona.”
^ Kapa: “likeletso tsa.”
