Moeklesia 1:1-18
1 Mantsoe a mosuoe,*+ morena oa Jerusalema, mora oa Davida.+
2 Mosuoe o re: “Lefeela la mafeela!
Lefeela la mafeela! Ntho e ’ngoe le e ’ngoe ke lefeela!”*+
3 Motho o fumana’ng mosebetsing oohle o boimaOo a o sebetsang ka thata moo lefatšeng?*+
4 Moloko oa hlaha ’me moloko oa fetaEmpa lefatše le lula le le teng* ho ea ho ile.+
5 Letsatsi lea chaba ebile lea likelaEbe le potlakela ho khutlela moo le tsoang teng e le hore le chabe hape.+
6 Moea o ea boroa ’me o potoloha ho ea leboea.
O ntse o potoloha joalo, o sa khaotse.
7 Linoka* kaofela li phallela leoatleng empa leoatle ha le tlale.+
Li khutlela sebakeng seo li qalileng ho phalla li le ho sona e le hore li phalle hape.+
8 Lintho tsohle lia khathatsa,Ha ho motho ea khonang ho li hlalosa.
Leihlo ha le khotsofalle ho bonaLe tsebe ha e tlale ke ho utloa.
9 Se bileng teng se tla ba tengLe se kileng sa etsoa se tla etsoa hape,Ha ho letho le lecha mona lefatšeng.*+
10 Na ho na le ntho eo motho a ka reng ka eona: “Bona ntho ena, e ncha”?
Esale e le teng ho tloha khale-khale,Esale e le teng pele ho mehla ea rona.
11 Ha ho na motho ea hopolang batho ba mehleng ea khale,Ha ho na motho ea tla hopola batho ba tla ba teng hamorao,Le bona ba ke ke ba hopoloa ke batho ba tl’o hlaha ka mor’a bona.+
12 ’Na mosuoe, ke ne ke le morena oa Iseraele Jerusalema.+
13 Ka pelo eohle ke ile ka ikemisetsa ho sebelisa bohlale ba ka+ ho ithuta le ho batlisisa* ka ntho e ’ngoe le e ’ngoe e entsoeng lefatšeng.+ Ka batlisisa ka mosebetsi o bosula oo Molimo a o fileng batho o ba phathahantseng.
14 Ke ile ka bona mesebetsi eohle e etsoang mona lefatšeng*’Me ka hlokomela hore ntho e ’ngoe le e ’ngoe ke lefeela, ke ho lelekisa moea.+
15 Lintho tse sothehileng li ke ke tsa otlolloa,Le tse sieo li ke ke tsa baloa.
16 Ke ile ka re ka pelong: “Ke bohlale ho feta mang kapa mang ea bileng teng pele ho ’na Jerusalema+ ebile ke fumane bohlale bo bongata le tsebo.”+
17 Ka pelo eohle ke ile ka ikemisetsa ho tseba bohlale, bohlanya le booatla+ ’me ho ikemisetsa ho tseba lintho tsena le hona ke ho lelekisa moea.
18 Bohlale bo bongata bo baka le matšoenyeho a mangata.
Kahoo, ea eketsang tsebo o eketsa bohloko.+
Linaletsana
^ Ka Seheberu: “ea bokellang batho.”
^ Kapa: “ha e na thuso.”
^ Ka Seheberu: “tlas’a letsatsi.”
^ Ka Seheberu: “le eme.”
^ Kapa: “Melapo.”
^ Ka Seheberu: “tlas’a letsatsi.”
^ Kapa: “batla ka bohlale.”
^ Ka Seheberu: “tlas’a letsatsi.”
