Nahume 1:1-15
1 Ona ke molaetsa oa kahlolo ea Ninive:+ Ke buka e buang ka pono ea Nahume* oa Moelkoshe.
2 Jehova ke Molimo ea batlang hore ho rapeloe eena feela.+
Jehova o fa lira tsa hae kotlo.+
Ha a lebale liketso tsa tsona tse mpe hape o li tukela ka bohale.
Jehova o iphetetsa ho lira tsa hae.
3 Jehova o matla haholo+ empa o lieha ho halefa,+Jehova a ke ke a tlohela ho otla lira tsa hae.+
Ha a tsamaea ho ba le moea le sefefo.
Maru a phahama joalokaha eka ke lerole tlas’a maoto a hae.+
4 O khalemela leoatle+ ebile oa le omisa,O pshesa linoka tsohle.+
Lijalo tsa Bashane le Karmele li ponne,+Lithunthung tsa Lebanone le tsona li ponne.
5 Ha a hlaha lithaba lia sisinyehaLe maralla aa qhibiliha.+
Lefatše lea reketlaHammoho le bohle ba lulang ho lona.+
6 Ke mang ea ka tiisetsang khalefo ea hae?+
Ke mang ea ka mamellang bohale ba hae?+
Khalefo ea hae e tla tuka joaloka mollo,Mafika a tla heleha ka lebaka la hae.
7 Jehova o molemo,+ ke setšabelo mohla letsatsi la mahlomola.+
O hlokomela* ba balehelang ho eena.+
8 O tla felisa Ninive joalokaha eka ke ka sekhohola,Lira tsa hae a li lelekele lefifing.
9 Le tla lohela Jehova mano afe?
O tla le felisetsa ruri.
A ke ke a hloka ho le pheta.+
10 Le hoja batho ba Ninive ba le joaloka lihlahla tse meutloa tse teteaneng,Ba bile ba tšoana le motho ea tahiloeng ke biri,*Ba tla cha joaloka litlhaka tse omeletseng.
11 Motho ea rerelang Jehova mano,Ea fanang ka keletso e se nang thuso, o tla hlaha Ninive.
12 Jehova o re:“Le hoja ba le matla ba bile ba le bangata,Ba tla felisoa, ba felisetsoe ruri.*Ke tla u* otla empa nke ke ka hlola ke u otla hape.
13 Ke tla roba joko e mahetleng a hao,+Liketane tse le fasitseng ke li khaole likoto.
14 Jehova o laetse tjena ka Asiria:‘U ke ke oa hlola u e-ba le litloholo.
Ke tla thuha liemahale tsa hao tse entsoeng ka lepolanka le ka tšepe ntlong* ea melimo ea hao.
Ke tla u chekela lebitla hobane ha u na thuso.’
15 Shebang lithabeng, ho na le ea tlisang litaba tse monate,O phatlalatsa khotso.+
Keteka mekete ea hao+ uena Juda, u phethe boitlamo ba haoHobane batho ba khopo ba ke ke ba hlola ba le hlasela hape.
Ba tla timetsoa.”
Linaletsana
^ E bolelang Motšelisi.
^ Ka Seheberu: “tseba.”
^ Kapa: “biri ea koro.”
^ Kapa mohlomong: “Ba tla felisoa, ha ke feta.”
^ E leng Juda.
^ Kapa: “tempeleng.”
