LULANG LE LEBETSE!
Bo-ralipolotiki ba re Armagedone e se e le Haufi—Bibele e Re’ng?
Hoseng ha Mantaha oa la 10 October 2022, Russia e ile ea boma metse ea Ukraine e le ha e ne e iphetetsa hobane matsatsi a mabeli pele ho moo borokho bo kopanyang naha ea Crimea le Russia bo ile ba senngoa ka libomo. Liketsahalo tsena li etsahetse nako e khutšoanyane ka mor’a hore bo-ralipolotiki ba bang ba re Armagedone e se e ntse e le haufi le ho tla.
“Ha re e-s’o ka re ikutloa re le haufi hakana le Armagedone haesale ho tloha linakong tsa mopresidente oa Amerika John F. Kennedy le ketsahalong ea Cuban Missile Crisis. . . . Ha ke nahane hore ke ntho e ka etsahalang hore ho sebelisoe libomo tsa nuclear ebe qetellong ha ho be le Armagedone.”—U.S. President Joe Biden, October 6, 2022.
Ha mopresidente oa Ukraine e leng Volodymyr Zelensky a ne a botsoa ka litla-morao tsa ho sebelisa libomo tsa nuclear litabeng tsa BBC ka la 8 October 2022, o ile a re: “Ke lumela hore ena ke Armagedone, lefatše lohle le kotsing.”
Na ho sebelisoa ha libomo tsa nuclear ho tla etsa hore ho be le Armagedone? Bibele e re’ng ka taba ee?
Na libomo tsa nuclear li tla etsa hore ho be le Armagedone?
Che. Lentsoe “Armagedone” le hlaha ha ’ngoe feela ka Bibeleng lengolong la Tšenolo 16:16. Ha le bolele ntoa e tla etsahala pakeng tsa lichaba empa le bolela ntoa e tla etsahala pakeng tsa Molimo le “marena a lefatše lohle.” (Tšenolo 16:14) Molimo o tla sebelisa ntoa ea Armagedone ho felisa mebuso ea batho.—Daniele 2:44.
E le hore u ithute lintlha tse ling ka hore na Armagedone e bolela’ng, bala sehlooho se reng Ntoa ea Armagedone Ke’ng?
Na lefatše le batho ba lulang ho lona ba tla felisoa ke ntoa ea nuclear?
Che. Le hoja babusi ba lefatše ba ka sebelisa libomo tsa nuclear nakong e tlang, Molimo a ke ke a lumella hore lefatše le felisoe. Bibele e re:
“Lefatše le lula le le teng ho ea ho ile.”—Moeklesia 1:4.
“Lefatše e tla ba lefa la ba lokileng, ba tla phela ho lona ka ho sa feleng.”—Pesaleme ea 37:29.
Leha ho le joalo, boprofeta ba Bibele le lintho tse etsahalang hona joale lia bontša hore haufinyane ho tla ba le liphetoho tse kholo lefatšeng. (Matheu 24:3-7; 2 Timothea 3:1-5) Ithute hore na Bibele e re’ng ka bokamoso ka hore u ithute Bibele mahala le rona.
Mohlomong u ka Rata le
LIPOTSO TSA BIBELE LIA ARAJOA
Na Lefatše le Tla Felisoa?
Bibele e re ke eng e ka ’nang ea u makatsa?
ESSENTIAL BIBLE TEACHINGS
Ke Hobane’ng ha Molimo a Bopile Lefatše?
Lefatše le na le lintho tse ngata tse ntle. Le sebakeng se lekaneng pakeng tsa lona le letsatsi, le sekame ka tsela e nepahetseng, le potoloha ka lebelo le loketseng. Ke hobane’ng ha Molimo a ile a bopa lefatše ka tsela e hlollang tjee?
Russia e Hlasela Ukraine. Na Boprofeta ba Bibele bo a Phethahala?
Haeba ho joalo, na Bibele e ea hlalosa hore na liketsahalo tsee li tla fella joang?
MOLULA-QHOOA
Na ho na le Batho ba Tla Pholoha Armagedone?
Batho ba bangata baa tšoha ha ba utloa ho buoa ka Armagedone, ha e le hantle Armagedone ke eng?
MABAPI LE RŌNA
Kōpa Thuto ea Bibele
U ka rutoa Bibele ka nako ea hao le sebakeng seo u se khethang ntle ho tefo.
