Lefatšeng ka bophara batho ba mameletse mocheso o sa tloaelehang hammoho le likoluoa tse bakoang ke oona. Hlokomela litlaleho tse latelang:

•   Tlaleho ea National Oceanic and Atmospheric Administration, U.S. Department of Commerce ea la 13 July 2023 e re: “Khoeli ena ea June e bile e chesang ka ho fetisisa haesale mocheso o qala ho methoa lilemo tse 174 tse fetileng.”

•   Tlaleho ea European Space Agency ea la 13 July 2023 e re: “Linaheng tsa Italy, Spain, France, Germany le Poland ho chesa habohloko ’me ho ka lebelloa hore lihlekehlekeng tsa Sicily le Sardinia mocheso o tla fihla ho 48°C. Ha ho e-s’o be le mocheso o kang ona haesale Europe.”

•   “Tlaleho ea Stefan Uhlenbrook, e leng e mong oa baokameli ba mokhatlo oa World Meteorological Organization ea la 17 July 2023 e re: “Ha lefatšeng ho ntse ho chesa ho ea pele, re ka lebella lipula tse ngata haholo tse tla baka likhohola tse mpe.”

 Na litlaleho tsee lia u tšosa? Utloa hore na Bibele e re’ng ka taba ena ea bohlokoa.

 Ho joalo. Bibele e ile ea bolela esale pele hore mehleng ea rona ho tla ba le lintho tse kang mocheso o sa tloaelehang le maemo a leholimo a hlobaetsang. Ka mohlala, Jesu o ile a bolela esale pele hore re tla bona lintho “tse sa tloaelehang le tse tšosang.” (Luka 21:11; Good News Translation) Ha mocheso o ntse o nyoloha, batho ba bangata ba tšoha hore lefatše le tla senyeha ’me ho be thata ho phela ho lona.

 Che. Molimo o entse hore lefatše e be lehae la rona. A ke ke a lumella batho hore ba le senye. (Pesaleme ea 115:16; Moeklesia 1:4) Ha e le hantle, o tšepisitse hore o tla ‘felisa ba senyang lefatše.’—Tšenolo 11:18.

 Bibele e bontša hore Molimo o khona ho sireletsa lefatše ebile o tla le sireletsa hore le se ke la senyeha.

•   “[Molimo] o khutsisa sefefo ebe maqhubu a leoatle aa thola.” (Pesaleme ea 107:29) Molimo a ka laola matla a tlhaho. O na le bokhoni ba ho lokisa mathata a tikoloho a bakoang ke maemo a hlobaetsang a leholimo ao hona joale a thatafalletsang batho ho phela.

•   “U hlokomela lefatše, u etsa hore le behe lijalo tse ngata ebile oa le nontša.” (Pesaleme ea 65:9) Molimo o tla etsa hore lefatše e be paradeise.

 Ho ithuta ho eketsehileng ka tšepiso ea Bibele ea hore lefatše le tla loka, bala sehlooho se reng: “Who Will Save the Earth?”